Hitzarmenaren negoziazioari “lehenbailehen” berrekitea espero du UGT-Euskadik
Raul Arza UGT Euskadiko idazkari nagusiak espero du Gasteizko Mercedes enpresako zuzendaritzak hitzarmen kolektiboaren negoziazio-mahaiaren premiazko deialdia egitea egunotan, baina, iragarri duenez, oraindik ez du erantzunik jaso. Hala esan du ostiral honetan Radio Euskadin egindako elkarrizketa batean.
Lantegiko beharginek beste greba eguna dute gaur, ostirala, hirugarrena azken hiru egunetan, eta seigarrena, azken hiru asteetan. Deialdia ELA, LAB eta ESK sindikatuek egin dute; UGT, CCOO, Ekintza eta PIM, berriz, lanuztetik aldendu dira elkarrizketa errazteko asmoz.
Ildo horretan, Arzak malgua izateko deia egin dio enpresari, uste baitu akordio bat "posible eta beharrezkoa" dela etorkizuneko proiektua bermatzeko. Era berean, bere sindikatuak, UGTk, lanean jarraitzen duela azpimarratu du, "akordio bat nahi dugulako", eta enpresak egun hauetan negoziazio mahaiaren deialdia egitea espero duela esan du. "Gaia garrantzitsua da eta keinu hori eskatzen dugu; seigarren gaua desagertzea eta hilaren 5ean utzi genuen negoziazioari berriro ekitea".
Enpresak asteartean mahai gainean jarri zuen eskaintza aztertu ondoren osatu diren bi bloke sindikalei buruz galdetu zaionean, Arzak esan du, enpresarekin akordio bat lortzen badute, bere sindikatuak ez duela langileek berretsi ez duten ezer sinatuko: "Haiek dute azken hitza. Espero dugu langileen gehiengoaren babesa izatea". Zentzu horretan, azken 20 urteetan Gasteizko lantegia UGT buru duten akordioekin hazi dela gogorarazi du.
Arzak azaldu du akordioak hobekuntzak izan behar dituela soldata-baldintzetan eta malgutasunean. Azken puntu horretan, UGT Euskadiko idazkariak azpimarratu du dagoena "nahikoa" dela, eta negoziatu egin behar dela. Era berean, salatu du lantegian ez dagoela aurreikuspenik, eta horregatik exijitu dutela zuzendaritzak eskatutako malgutasuna ekonomikoki negoziatzea eta konpentsatzea.
Zure interesekoa izan daiteke
Sarriguren handitzeko planak 6.000 etxebizitza aurreikusten ditu, horietatik % 70 eta % 80 bitartean babestuak
Foru Gobernuak hirigintza planak desblokeatzeko eta arintzeko duen lan lerroari jarraikiz ari dira garatzen plana. Horrekin asmo dute "arrazoizko prezioa duten etxebizitzak eraikitzea, gizartearen beharrizanak eta eskariak kontuan izanda", nabarmendu du Chivitek.
Donostiako Udalak eguzki planta berri bat eraikiko du Martutenen, 11 udal eraikin hornitzeko
Arantzazuko Ama instalazioak urtean 90.000 kWh baino gehiago ekoitziko ditu, eta ekipamendu publikoen autokontsumoa zabalduko du, Iñigo Garcia Donostiako Ingurumen eta Hiri Mantentze eta Zerbitzuetako zinegotziak adierazi duenez.
Greban dauden Zarauzko eta Bergarako IATetako langileek salatu dutenez, "inguruko herriak kolapsatzear daude"
Duela 68 egun ELAk deitutako greban dauden IAT zentro horietako langileek. "Gatazkan esku hartzeko" eskatu diote Jaurlaritzari, "zerbitzu publikoa izanik, erantzukizuna berea ere badelako".
KPIa % 4,5eraino igo da abuztuan Euskadin eta % 4,2raino Nafarroan
Espainiar Estatuan azken 3 urteetako mailarik altuenean dago urte arteko indizea: % 4,3an. Batez ere erragaien igoerak eragin du KPI-aren gorakada. Elikagaiak eta energia kontuan hartzen ez dituen azpiko inflazioa zertxobait apaldu da; %2,9an dago.
Petrolioaren prezioak gora egiten jarraitzen du, eta Brenta 107 dolarretik gora iritsi da
Saudi Arabiako oliobide garrantzitsu bat itxi ostean, egoerak okerrera egin du, eta erregaiek ere garestitzen jarraitzen dute, litroko 1,9 euro inguruko batez besteko prezioarekin.
Oiartzunen izandako istripuan hildako gizona lanean ari zen ezbeharra gertatu zenean
Biktima 61 urteko azpeitiar bat da. Antza, gasolindegiko zutoin baten kontra talka egin zuen laneko furgonetarekin.
Ondarroako itsas zabaleko flotak berehalako irtenbideak eskatu dizkio Espainiako Arrantza Ministerioari
"Gasolioaren prezioaren igoerak blokeatuta uzten gaitu, gaur egun itsasora ateratzeak dirua galtzea baitakar", esan du Ondarroako itsas zabaleko flotaren gerente Mikel Ortizek, eta zehaztu du, batez beste, astean 20.000 euro inguru ari direla galtzen arrantzara ateratzen diren itsasontziak.
ELAk zerbitzu publikoak hobetzeko premiazko neurriak eskatu dizkio Pradalesi, eta gutxieneko soldataren aldeko urratsak galdegin ditu
Mikel Lakuntzak politika publikoetan "norabide aldaketa" eskatu dio lehendakariari, zerbitzu publikoen "gainbehera" lehengoratzeko eta patronalari presioa egiteko, Euskadin gutxieneko soldata ezar dadin.
LAB: Pradalesen Gobernuak "suspentso atera du" langileen aldeko politiketan
Garbiñe Aranburuk zalantzan jarri du lehendakariarekin egindako bilera-sortaren sinesgarritasuna, eta elkarrizketa soziala instituzionalizatzeko legea bertan behera uzteko eskatu dio Imanol Pradalesi.
EHUren intersindikalak salatu du Unibertsitate Lege berriak unibertsitate publikoari beharrean, pribatuari egiten diola mesede
Sindikatuok "kezka handia" agertu dute Unibertsitate Lege berriarekin, eta salatu unibertsitate pribatuei diru publikoa jasotzeko bidea errazten diela, publikoaren kaltetan. Hain justu, EHUren "arazo larriena azpifinantzaketa" dela nabarmendu dute.