Euskal industriaren ekoizpena ia % 8 hazi da ekainera arte
Euskal industriaren ekoizpena % 7,9 hazi zen urteko lehen sei hilabeteetan 2021eko aldi berdinarekin alderatuta, ekipamendu ondasunetan (% 14,6 gehiago) eta energian (% 13,3) lortutako gehikuntzari esker.
Euskal Estatistika Erakundeak (Eustat) jakinarazi duenez, ekainean bakarrik, industria ekoizpena urtetik urterako % 10,1 igo zen Euskadin. Aurreko hilabetearen aldean, 2022ko maiatzaren aldean, industriaren jarduna % 0,5 areagotu zen.
Euskal industriaren sektore handi guztiek izan zuten jokabide positiboa iazko ekainari dagokionez. Energiarenak, energia elektrikoaren ekoizpen eta banaketa zein petrolio finketa barne hartzen dituelarik, % 24,5eko hazkundea izan zuen eta ekipamendu ondasunak, motore bidezko ibilgailuen fabrikazioa, lokomotoren eta burdinbideko materialaren eraikuntza zein eraikuntza aeronautikoa eta nabala barne, % 17,5 hazi ziren.
Bitarteko ondasunei dagokienez, % 4,2 igo ziren. Metalurgia eta produktu metalikoen fabrikazioa, industria kimikoa zein kautxozko eta plastikozko produktuen fabrikazioa jasotzen dituzte horiek.
Bestalde, kontsumo ondasunak urte arteko % 1,8 igo ziren, kontsumo ez iraunkorreko ondasunetan izandako % 4,3ko hazkundeari esker -elikagaien prozesatze eta kontserbazio jarduerak, garbiketa eta higienerako produktuen fabrikazioa zein jantzigintza-. Izan ere, kontsumo iraunkorreko ondasunak -altzarien eta etxetresnen fabrikazioa- % 7,6 jaitsi ziren.
Euskal industrian pisurik handiena duten sektoreen artean, honako hauek egin zuten gora batez ere: garraio materialak (% 27), energia elektrikoak, gasak eta lurrunak (% 23,5) eta makineriak eta ekipamenduak (% 14,6). Aldiz, igoerarik txikiena elikagai industriek, edariek eta tabakoak (% 2,2) izan zuten.
Lurraldeka, ekoizpen industrialaren ekaineko urterik urterako bilakaera onuragarria izan da EAEko hirurentzat: % 13,9ko hazkundea izan zen Araban; % 11,3koa, Bizkaian eta % 6,9koa, Gipuzkoan.
Zure interesekoa izan daiteke
Metroko bi zaintzailek Urdulizen jasandako eraso "bortitza" salatu dute
CC. OO. sindikatuak Metro Bilbaori eta enpresa esleipendunari eskatu die plantillari baliabide egokiak emateko "muturreko indarkeria" egoerei aurre egin ahal izateko.
Justiziak ez du onartu mediku gazatar bat Sidenorren aurkako akusazio partikular gisa aurkeztea, eta ez ditu kontuan hartuko Basauriko erregistroak
Akusazio partikularra erretiratu ostean, ezin izango dira Jose Antonio Jainaga eta beste bi zuzendari ikertu genozidio eta gizateriaren aurkako delituen konplize gisa. Siderurgia-enpresaren aurkako ikerketa zabalik dago Auzitegi Nazionalean, altzairua Israelgo enpresa batera esportatzeagatik, eta hori, ustez, armamentua fabrikatzeko erabiltzeagatik.
Voloteak txartelen prezioa erregaiaren kostuaren arabera igo eta jaitsi ahal izango du, 14 eurorainoko tartearekin, hegaldia baino astebete lehenago
Fair Travel Promise sistema berri eta aldakorraren bidez gehigarri finko tradizionalak ekidin nahi ditu konpainiak. Hala, airelineak txartelaren behin betiko salneurria erregaiaren prezioaren arabera doitzeko aukera izango du.
Hithiumen inbertsioa Nafarroan gauzatzeko akordioa sinatu dute Chivitek eta Txinako enpresak, Pekinen
Proiektuari esker 405 milioi euro inbertitu eta 700 lanpostu inguru sortuko dira, lehen fasean, Nafarroan, eta bigarren fasean mila lanpostu ere izan daitezke.
Tasa turistikoa Donostian: Hurtadok uste du ezinezkoa dela uda baino lehen ezartzea, eta Mendoza elkarrizketarako prest agertu da
Jon Insausti alkateak Donostiako tasa turistikoa uda aurretik ezartzea mahai gainean jarri ondotik, gaia pil-pilean dago: Javier Hurtado Turismo sailburuak Radio Euskadin adierazi du ez duela uste bideragarria denik 2027a baino lehen ezartzea, epe teknikoak direla eta. Bien bitartean, Eider Mendoza Gipuzkoako ahaldun nagusiak Euskadi Irratian esan du Gipuzkoako Batzar Nagusietan eztabaidatuko dutela, akordio batera iristeko.
Abian da errentaren kanpaina Bizkaian: % 70ek "itzultzeko" emaitza izango dute, zergadunen alde
Ekainaren 30era arte luzatuko da epea, eta Foru Ogasunak 683.000 errenta-aitorpen inguru aurkeztea aurreikusten du.
Osakidetzarako lan-eskaintzaren lehen probak ekainaren 19an, 20an eta 21ean egingo dira
Aurreko deialdiekin alderatua, badira zenbait berritasun: besteak beste, probaren nota gorde ahalko da, eta test motako azterketa bakarra egingo da. Guztira, 5.425 lanpostu eskainiko dira, eta 2.160 berriak izango dira.
Sindikatu eta abokatuek langileak "finko" egin ditzatela eskatu dute, Europar Batasuneko Justizia Auzitegiaren ebazpenaren ondoren
Auzitegi Gorenari dagokio orain mahai gainean dituen auziak ebaztea eta Europako ebazpena nola bete behar den zehaztea. Interinok Taldea sindikatuak eta auzia bultzatu duen abokatuak kontratu finkoak izatea ezinbestekotzat jotzen dute. ELAk Gobernuaren “borondate politiko eza” agerian gelditu dela salatu du.
Espainiako Gobernuak dio Europako Justiziaren epaiak ez duela behartzen langile interinoak zuzenean finko bihurtzera
Astearte honetan argitaratutako epai batean, Europar Batasuneko Justizia Auzitegiak adierazi du ez dela nahikoa Espainiak interinoak mugagabe ez-finko bihurtzea. Espainiako Gobernuak, bien bitartean, berretsi egin du langileen behin-behineko kontratuen kopurua murrizteko konpromisoa duela, eta nabarmendu du 419.756 plaza egonkortu dituela dagoeneko.
Inflazioa % 3,4koa izan da martxoan Euskadin, eta % 3,5ekoa Nafarroan, petrolioaren prezioaren ondorioz
Martxoko inflazioa Espainiako Estatuan uste baino hamarren bat altuagoa izan da, erregaien prezioen gorakadak eraginda.