Gasteizeko Mercedes-Benzeko langileak lanera itzuli dira
Udako oporren ondotik, Gasteizko Mercedes lantegiko ekoizpen-kateak gaur, astelehena, ekin dio berriro ekoizpenari. Hilabeteak lan-gatazka bete-betea eman ostean, 2022ko azken lauhilekoa asmo handiekin hasi dute, 160.000 ibilgailu inguru egin nahi baitituzte, orain arteko marka guztiak hautsiz.
Horretarako, baina, iraileko lau larunbatetan ez dute ekoizpena etengo, eta aurrerantzean eta urte amaierara arte ere larunbat guztietan lan egitea aurreikusi dute.
Hitzarmena sinatu ondotik, eta multinazionalak 1.200 milioi euroko inbertsioa egiteko asmoa iragarri ostean (oraindik baieztatu gabe dago), Arabako lantegia modernizazio-prozesu batean murgilduko da, Eusko Jaurlaritzarekin sinatutako lankidetza-hitzarmenarekin batera. Orain lehentasun nagusietako bat da ibilgailu elektriko berri bat ezkoiztea, eta eraikina horretarako prestatzea.
Arabako Barne Produktu Gordinaren % 30aren jabe da Mercedes, eta instalazioak zabaltzeko oniritzi ofiziala jaso du, egun dituen lurzoruen baitan. Hala, dagoeneko Arabako Aldizkari Ofizialean argitaratuta dago lurzatien eraikigarritasuna eta okupazioa handitzeko erabakia.
Esku hartzeko eremua Oto etorbidearen eta Areeta kalearen artean kokatzen da, eta goiko pasabide baten bidez lotuko dira, orain trenbideak banatzen baititu. Hala, obra horiekin ekoizpen-lerro berri bat eraiki ahal izango da.
2022. urteko azken lauhilekoa ere garrantzitsua izango da Enpresa Batzordearentzat; izan ere, azaroan egitekoak dira hauteskunde sindikalak.
Zure interesekoa izan daiteke
Abeltzainak haserre, Bazka Mahaia irailera atzeratu duelako Jaurlaritzak
Eusko Jaurlaritzak bazkaren beharrei buruz egindako inkestan 435 ustiategiren erantzunak jaso ditu eta horiekin hartuko ditu erosketa bateratuaren kopuruari eta hornitzaileei buruzko erabakiak. UAGAk eta ENHEk lan egiteko modu eraginkorragoak eskatu dituzte. Hala ere, guztiak ados daude, etorkizunera begira bazkari buruzko plangintza bat behar dela esatean.
Hoteletako sarrerak % 7,7 igo dira uztailean EAEn, eta gaualdiak % 6,7
Sarrera guztien % 58,8 eta gaualdien % 59,9 atzerritar jatorriko pertsonenak izan ziren, 2025eko uztailean baino % 11,1 eta % 11,7 gehiago, hurrenez hurren.
Txakolinaren mahats-bilketa aurreratu dute, beroagatik
Txakolinaren mahats-bilketa ohi baino lehenago hasiko da beroaldien ondorioz. Ekoizleen arabera, data hauek ez dira ohikoak mahats-bilketari ekiteko. Etengabe egiten dituzte analisiak mahastietan, mahatsak azukre eta garraztasun puntua noiz hartuko dituen zehatz-mehatz jakiteko, eta biltzeko une egokiena heldu da.
Bazka eroste bateratua eta lehorte deklarazioa berehala gauzatzeko eskatzen dute abeltzainek
Bi aste dira Bazka Mahaia elkartu eta erakundeek hainbat konpromiso hartu zituztela. Abeltzain asko euren kontura belarra eta lastoa erosten hasi dira, eta erakundeei neurriak berehala hartzeko deia egin diete.
Euskotreneko langileek Bilboko tranbian zezenketen publizitatea jarri izana salatu dute
Arriaga plazan gaur goizean egindako elkarretaratzean, Euskotreneko langileek balio publikoekin koherentea den eta animalien ongizatea errespetatzen duen publizitatea exijitu dio enpresari.
Mingain urdin kasu bat atzeman dute Barrundiako artalde batean
Gaitzaren aurka txertatutako 200 ardi baino gehiagoko artalde bateko animaliak eman du positibo mingain urdinaren 3. serotipoan.
Eusko Jaurlaritzak Administrazio Orokorreko 461 lanpostu betetzeko EPEan izena emateko epea ireki du
Izen-emate telematikoa irailaren 16an amaituko da, eta lehen azterketak 2027ko urtarrilean egitea aurreikusi da.
Milioi bat euroko zigorra ezarri diote AVIS enpresari, trafiko isunengatik bezeroei kudeaketa gastuak kobratzeagatik
Autoak alokatzen dituen enpresak 33,88 eta 45 euro arteko errekargua aplikatzen du isunaren ordainketa kudeatzeagatik eta administrazioari arau-hauslearen nortasuna jakinarazteagatik.
51 urteko langile bat hil da Iurretan, paper-enpresa batean
Sorospen-dispositiboan parte hartu duten Ertzaintzako bi agente bertan artatu behar izan dituzte osasun-langileek, isuritako gasak arnastuta intoxikatu baitira.
Sopela eta Urduliz bizitegi-merkatuko gune tentsionatu izendatu ditu Eusko Jaurlaritzak
Bizkaiko bi udalerriek urtarrilean eta otsailean eskatu zuten izendapena, eta hiru urteko hasierako indarraldia izango du, luzatzeko aukerarekin.