Statkraft Norvegiako enpresak EAEn bi parke eoliko jarri nahi ditu martxan, 2027an
Statkraft Norvegiako enpresak, energia berriztagarrien Europako ekoizle nagusiak, Iñigo Urkullu lehendakariari Arabaren eta Gipuzkoaren arteko mugan bi parke eoliko eraikitzeko proiektua aurkeztu dio. Inbertsioak 90 milioi euroko langa gaindituko luke.
Barbara Flesche Statkraft Europako presidenteorde exekutiboak eta Jose Miguel Ferrer konpainiaren Espainiako eta Portugaleko zuzendari nagusiak Lehendakaritza bisitatu dute astearte honetan. Urkulluri egitasmoen egoeraren eta ikuspegi estrategikoaren berri eman diote. Egitasmoek hiru ardatz dituzte: energiaren sozializazioa, industriarentzako zero kilometroko argindar hornidura eta lankidetza publiko-pribatua.
Konkretuki, Itsaraz parke eolikoa, Araba, Bizkaia eta Gipuzkoaren arteko mugan, eta Piaspe (Gipuzkoa) dituzte begiz jota. Aurrenekoak 52,8 megawatteko gaitasuna izango du, "44.000 etxebizitza baino gehiago energia garbi, autoktono eta eskuragarriz" hornitzeko; eta bigarrenak 33koa, 24.000 etxebizitza baino gehiagori argindarra emateko gaitasunarekin.
Bi parkeak 2027an martxan jartzea espero dute.
Fleschek eta Ferrerrek lehendakariari azaldu diotenez, Statkraften estrategiak epe luzeko konpromiso bat izango du Euskadin, bertako herritarrek zein enpresek bat egin dezaten.
Horretarako, Statkraft parte-hartze soziala sustatzeko formulak erabiltzen ari da, esaterako, tokiko komunitate energetikoak. Horrela, proiektuak eragina izango duen udalerrietako zein inguruko herritarrek Euskadiko trantsizio energetikoaren prozesuan zuzenean parte hartzeko aukera izatea nahi dute, "onura ekonomiko zuzena nabaritzeko, argindar kostuetan aurrezpen esanguratsuarekin".
Konpainiak udalerri batzuk jakinaren gainean jarri ditu dagoeneko, Azpeitia, adibidez.
Nagore Alkorta (EH Bildu) Azpeitiko alkateak adierazi duenez, proiektuaren pausoak "gardentasunez" azalduko dizkiete herritarrei. Udalak Norvegiako enpresarekin hartu-emanak izan dituela esan du, eta egitasmoaren berri zutela ziurtatu du alkateak.
"Udaletan ofizialki proiektuaren eskaera aurkezten dutenean, administrazio prozedurari hasiera eman diogu, eta herritarrei gardentasunez eman beharreko pausoak azalduko dizkiegu", azpimarratu du.
Euskadiren deskarbonizazioa bultzatzeko orduan, Statkraften erronka nagusiak zeintzuk diren zehaztu dizkiote Fleschek eta Ferrerrek Urkulluri.
"Horrela, energia ekoizteko gaitasunaren % 20 baino gutxiago berriztagarria dela eta Euskadi kontsumo handiena duen seigarren erkidegoa dela kontuan harturik, Statkraftek gaitasun berriak azkar zabaltzea erabakigarria izango dela uste du, beti ingurunea eta lurraldea aintzat hartuz", adierazi du konpainiak.
Statkraft ekoizpen hidroelektrikoan liderra eta energia berriztagarrien Europako ekoizle nagusia da. Norvegiako konpainiak 4.800 langile ditu 19 herrialdetan.
Albiste gehiago ekonomia
Auzitegiak artxibatu egin ditu 17 medikuren aurkako salaketak, Osakidetzako Lan Eskaintza Publikoko filtrazioengatik
Arabako Auzitegiak artxibatu egin ditu Osasun Zerbitzuaren 2016-2017ko Lan Eskaintza Publikoan ustez egindako filtrazioengatik ikertutako 17 medikuren aurkako salaketak, eta ikertutako 19 lagunetatik 2ren aurka irekita uztea erabaki du.
Jaurlaritza langabezia subsidioen transferentzia bereganatzen saiatuko da asteazken honetan Espainiako Gobernuarekin
Kontribuzio-prestazioen eta langabezia-subsidioaren arloko eskumenak eskualdatzeko akordioa posible izan dadin "nahikoa denbora" eduki izana espero du Autogobernuko sailburuak.
Eusko Jaurlaritzak 2026ko urtarriletik aurrera berrekingo dio telelanari
Langile publikoek astean bi egunetan jardun ahal izango dute lan-modalitate horretan. Gainera, telelanaren bitartez lan egin dezaketen langile guztiei ere aukera hori ematen die dekretuak, betiere zerbitzu publikoa behar bezala ematen dela bermatzen bada.
Euskadik % 40 handitu du bere egungo potentzia elektrikoa, eta 16.000 megawatteko edukiera gaindituko du
Hala, "70.000 langilerentzako lana bermatzen da", eta bultzada esanguratsua dakar enpleguarentzat eta egonkortasun ekonomikoarentzat. Eusko Jaurlaritzak 6.000 megawatteko edukiera gehigarria nahi zuen, 18.000 MWetara iristeko.
Zenbateko potentzia elektrikoa behar du Euskadik?
Industria, Trantsizio Energetiko eta Jasangarritasun Sailak 6.000 MW gehiago eskatu ditu bere sarean, helburu industrialak eta deskarbonizazioa betetzeko.
Eusko Jaurlaritzak eta banku-erakundeek gazteentzako lehen etxebizitza eskuratzeko abalen programa jarri dute abian
Kutxabankekin, Laboral Kutxarekin eta Abancarekin ekin zaio programari, oraingoz lankidetza-hitzarmena sinatu dutenekin; baina, zabalik da erakunde gehiagok bat egin ahal izango dutela aurreikusten da. Finantzatu beharreko etxebizitzen erosketa-prezioa ezin izango da 340.000 eurotik gorakoa izan.
Albiste izango dira: Ustelkeriaren aurkako txostena Nafarroan, sare elektrikoari buruzko bilera Madrilen eta Venezuelako ontzi bati erasoa
Gaurkoan Orain-en albiste izango direnen laburpena, bi hitzetan.
Euskal gehiengo sindikalak pentsiodunen mobilizazioarekin bat egin du Herri Ekimen Legegilea izapidetzea eskatzeko
ELA, LAB, ESK, Steilas, Hiru eta Etxalde ere mobilizatuko dira irailaren 20an EAJri eta PSE-EEri beren jarrera "zuzentzeko" eta gutxieneko pentsioa gutxieneko soldatarekin parekatzeko ekimena izapidetzea eskatzeko.
Euskadiko inbertsio elektrikoa aztertzeko bilera izan du Jauregik Espainiako Energia idazkariarekin
Joan Groizard Energiaren Estatu idazkariarekin batzartu da Jauregi, 2025-2030 aldirako elektrizitatea garraiatzeko sarea planifikatzeko proposamenaren barruan sare elektrikoetan egingo den inbertsioari buruz eta horrek Euskadin izango duen eraginaz mintzatzeko.
Abian da siderurgiako mahai sektoriala, muga-zergen eraginaren diagnosi partekatua egin eta laguntza-bideak aztertzea xede dituela
Mahaiaren lehen bileran, Mikel Jauregi sailburuak sektore siderurgikoarekiko erakundeen konpromisoa nabarmendu du. Azaldu duenez, sektore horrek nazioarteko merkataritzarekiko esposizio handia du, eta funtsezkoa da Euskadiko egitura esportatzailean, eta Trumpek ezarritako % 50eko muga-zergek sektorearen lehiakortasuna kolokan jarri dute.