Espainiako Gobernuak Garoñako zentral nuklearra berriro irekitzeko aukera baztertu du
Teresa Ribera Trantsizio Ekologikorako eta Erronka Demografikorako Espainiako Gobernuko ministroak Garoñako zentral nuklearra berriro irekitzeko aukera baztertu du astearte honetan. Riberak Senatuan egin du adierazpena, EH Bilduko senatari Idurre Bidegurenek egindako galdera bati erantzunez; Bidegurenek kezka adierazi dio espainiar ministroari, kontuan izanik proposamena, haren iritziz, "zentzugabea" dela.
Bidegurenek galdetu dio Espainiako Gobernuari ea zentral nuklearrak ixteko egutegia aldatzeko aukerarik aurreikusten duen, eta, halaber, ea uste duen posible dela Garoña berriro zabaltzea "teknologia berarekin, edo beste alternatibaren batekin"; izan ere, alde batetik, krisi energetikoa dago; horrez gain, Bruselak esan du energia nuklearrean egindako inbertsioak "berde" gisa joko dituela; eta, azkenik, Gaztela eta Leongo Gobernua ikertzen ari da Garoñako zentrala berriro irekitzeko posibilitatea. Riberak baztertu egin du. Nabarmendu du Gaztela eta Leongo Gobernuaren proposamena "burutazio ideologikoa" dela, "ultraeskuinaren terminologiarako keinua", eta adierazi du, "ezinezkoa eta bideraezina" dela.
Gaztela eta Leongo Gobernuak "aurrekontu publikoa xahutu du. Ez dute baso suhiltzaileentzat, edo suteen aurkako baliabideetarako, edo jendea babesteko, edo Gaztela eta Leongo osasun zentroak irekitzeko; baina erabili dute dirua txosten bat eskatzeko. Segurtasun Nuklearreko Kontseiluak doan emango zion txosten hori", bai eta Nuclenorrek, alegia, Garoñako titularrak. Ministroaren arabera, "erakutsiko zuen zentzurik ez duela".
Zentralak (Endesa eta Iberdrola jabearen parte dira, % 50ean) plana du "eraispenerako, eta guneko balizko berreskuratzerako", ekarri du gogora. Espainiako Gobernuak, horrez gain, "konpromisoa sendotu du, Garoña trantsizio zuzeneko gunea izan dadin. Bertako bizilagunek, azken urteotan, erabateko utzikeria pairatu dute".
Riberak deitoratu duenez, "urte hauetan guztietan" Burgoseko Santa Maria de Garoñako herritarrek ez dute zentrala desegiteko planik, ezta zaintzarik, prebentziorik edo bestelako neurririk".
"Egutegia berrikusteko inolako asmorik ez dugu. Zentral nuklearretako jabe guztien artean adostu da egutegia", azpimarratu du. Espainiak, "zorionez, baliabide autoktono guztiz indartsuak ditu; elektroiak eta molekula berdeak ekoizteko ez ezik, sortzeko enplegua, zerbitzuak, berrikuntza eta industria ere, berriztagarriak kasu".
Bidegurenek presidenteordearen sendotasuna baloratu du, eta arbuiatu du tesi jakin bat; alegia, energia nuklearra izatea egungo krisiaren aurreko irtenbidea: "Proposamen hori zaharkituta dago, eta ez da errealista". Senatariaren esanetan, zentrala hamar urteren buruan irekitzea "ideia zentzugabea eta arduragabea da; dakarren arriskuagatik, eta ekonomiaren eta teknikaren ikuspuntuetatik bideragarria ez baita".
Esan duenez, egungo egoera energetikorako irtenbidea da energia berriztagarriak kontrol publikoa eta gardentasuna baliatuta garatzea, ikuspegi ekologiko eta sozial batetik. Garoñako kasuan, eskualdeko suspertze ekonomikoa eta soziala bultzatuz.
Albiste gehiago ekonomia
Espainiako Gobernuak baztertu du aireportuen kudeaketa osorik Euskadira transferitzea
Diario Vasco egunkariak argitaratu duenez, Eusko Jaurlaritzak erabaki estrategikoetan iritzia eman ahal izatea proposatu du Espainiako Gobernuak, baina eskualdatzea osorik egitea baztertu du, Estatuaren eskumen esklusiboa delako.
Azkoitiko Juaristi eta Aitek enpresetako langileek bizi duten "egoera jasanezina" salatu dute
Orain urtebete inguru lehertu zen lan-gatazkaren berri emateko, agerraldia egin dute bi enpresetako langileek. Uste dute zuzendaritzak "ezkutuko itxiera plan bat" duela. 130 lanpostu eta hainbat familia "arriskuan" daudela salatu dute.
Lodosako Karey Solanok konkurtsoa egingo du, eta lantegia itxi eta 36 beharginak kaleratuko ditu
Langile gehienak oso aspaldi hasi ziren lanean, eta batez beste 50 urtetik gorakoak dira. CCOOk salatu du oraindik ez dutela abuztuko nomina jaso.
Ostiralean sei hilabete beteko dira Gasteizko lorezainek grebari ekin ziotenetik, eta manifestazioa deitu dute egun horretarako
Gaur goizean Gasteizen egindako prentsaurreko batean, Enviser enpresako langileek "borrokarekin jarraitzeko" asmoa agertu dute, "soldata duinak lortu arte". Gainera, langileak akordiorako prest agertu dira, baina hori lortzeko "Gasteizko Udalaren benetako inplikazioa" beharrezkoa dela uste dute.
Zeintzuk dira BBVAren eskaintza berriaren gakoak?
Josu Ferreiro EHUko irakasleak Radio Euskadin egin duen elkarrizketa batean adierazi duenez, erakundeak Kataluniako bankuko akziodunen zati handi batek eskatzen zuenera egokitu du bere proposamena, lehen eskaintzari uko egin baitzioten, nahikoa ez zelakoan. Ferreirok zehaztu duenez, BBVAk ez du eskudirutan ordainduko, akzio propioetan baizik, eta horrek abantaila fiskala dakarkie akziodunei, zergak gutxiago ordaintzea dakarrelako. Mugimendu horrekin, Carlos Torres Vila buru duen bankuak Sabadellen akzioen merkatuko balioa berdindu du, eta horrek opak aurrera egiteko aukerak areagotu ditu, nahiz eta BBVAri berari kostu handiagoa ekarri. Hobekuntza berri bat egon litekeen galdetuta, ekonomialariak uste du zaila dela: "BBVAk argudiatu zuen Sabadellen akzioak gainbaloratuta zeudela. Orain, alde hori desagertu egin da. Beste eskaintza bat baztertu beharko litzateke, hau izango litzateke azkena", adierazi du. Elkarrizketa Boulevard saioan entzun daiteke, GUAUn, 02:50: 00etatik aurrera (jatorrizkoa, gaztelaniaz).
2026an jarriko da martxan Petronorren eta OCO Technologyren agregakin sintetikoen planta, Bilboko Portuan
Proiektua 2024an hasi zen eraikitzen, eta Europa kontinentalean agregakin sintetikoak fabrikatuko dituen lehen lantegi industriala izango da. Agregakin horiek CO2 gasa harrapatzen dute, bai ekoizpen prozesuan zehar, baita horien bizitza baliagarrian ere.
BBVAk % 10 igo du Sabadell bankua eskuratzeko eskaintza
Carlos Torres BBVAren presidenteak azpimarratu duenez, hobekuntza eginda "aparteko eskaintza" jarri dute Banco Sabadellen akziodunen esku, "balorazio eta prezio historikoarekin, eta bi bankuen batasunarekin sortutako aukera apartan parte hartzeko aukerarekin". Sabadellek, bere aldetik, erantzun du azken eskaintza "jatorrizkoa baino okerragoa" dela.
Maderas de Llodio, greba mugagabean
Langileen batzordeak salatu du enpresak produkzioaren % 40 beste lantegi batzuetara eramateko asmoa duela, eta deslokalizazioak Laudioko eta eskualdeko "lantegiaren etorkizuna arriskuan jartzen" duela.
Multiverse Computingek % 30 handituko du bere lantaldea Donostian
Software kuantikoan eta adimen artifizialean espezializatutako enpresa donostiarrak datorren urtean 60 pertsona kontratatzea aurreikusten du. 4 langile zituztela abiatu zuten konpainia 2019an, eta 260 izango dira laster.
Pentsiodunak Euskadiko hiriburuetan manifestatu dira gutxieneko pentsioak LGSarekin parekatzea eskatzeko
Ehunka pertsonak bat egin dute Gasteizen eta Donostian Euskal Herriko Pentsiodunen Mugimenduak deitutako manifestazioekin; hain zuzen ere, osteguneko Legebiltzarreko bozketan presioa egiteko, gutxieneko pentsioak Lanbide arteko Gutxieneko Soldatarekin (LGS) parekatzea eskatzeko.