Gasak % 5eko BEZa izango du urritik urte amaiera bitartean, % 21ekoa beharrean
Espainiako Ministroen Kontseiluak gaur onartu du enpresa eta etxebizitzetako gasaren BEZ zerga % 21etik % 5era jaistea, Europar Batasuneko legediak ezartzen duen gutxienekoa.
Teresa Ribera Trantsizio Ekologikorako eta Erronka Demografikorako ministroak bilera osteko prentsaurrekoan azaldu duenez, Ministroen Kontseiluak energiaren arloko premiazko neurriak biltzen dituen errege dekretu bat onartu du gaur, BEZaren murrizketarena, besteak beste.
Pedro Sanchez Espainiako Gobernuko presidenteak iraila hasieran iragarri zuen neurria. Orduan aurreratu bezala, jaitsiera urritik aurrera aplikatuko da, eta indarrean egongo da urtea amaitu arte. Dena dela, 2023an zehar ere luzatu daiteke jaitsiera hori, egoerak hala eskatzen badu. Gas naturalaz gain, sutarako erabiltzen diren ezpalek, peletek eta egurrak ere % 5eko BEZa izango dute neurria indarrean egon bitartean.
OCU kontsumitzaile elkartearen arabera, familia bakoitzak, bataz beste, 19 euro gutxiago ordainduko du gasaren hilabeteko fakturan. Facuaren kalkuluen arabera, bost eta bederatzi euro bitartekoa litzateke beherakada.
BEZaren jaitsieraren ondorioz, hiru hilabeteotan, Espainiako Ogasunak 190 milioi euro gutxiago jasoko dituela aurreikusten du, baina inflazioak eragindako diru sarrerek orekatuko dute galera.
Halaber, kogenerazioko instalakuntzetan salbuespen iberiko deritzona behin-behinean aplikatzea ere onartu da, elektrizitatea sortzeko erabiltzen den gasaren prezioa mugatzen duena; hala eskatzen zuen sektoreak, eta hala aurreratu zuen Sanchezek ere duela bi aste.
Neurri horrek 600 instalakuntzari eragiten die; Espainiako gas kontsumoaren % 20 hartzen dute horiek eta BPG industrialaren % 20. Riberaren arabera, energiaren prezioen igoeragatik euren jarduna eten behar izan duten lantegien erdia berriz ere lanean hastea ahalbidetuko du neurriak, sistemara elektrizitatea bidaliz atzera.
Hirugarren neurri bat ere onartu da astearte honetan, hain zuzen ere, "eskaerari azkar erantzuteko zerbitzua" martxan jartzea, lehen "etengarritasun mekanismoa deiturikoa; Sare Elektrikoak hartuko du bere gain zerbitzu hori.
Mekanismo horrek bermea ematen die lantegi industrialei behar duten kasuetan gelditu eta elektrizitate eskaria murrizteko, hamabost minutuko aurrerapenaz eta gehienez ere hiru orduz, konpentsazio ekonomikoaren truke.
Albiste gehiago ekonomia
Azkoitiko Juaristi eta Aitek enpresetako langileek bizi duten "egoera jasanezina" salatu dute
Orain urtebete inguru lehertu zen lan-gatazkaren berri emateko, agerraldia egin dute bi enpresetako langileek. Uste dute zuzendaritzak "ezkutuko itxiera plan bat" duela. 130 lanpostu eta hainbat familia "arriskuan" daudela salatu dute.
Lodosako Karey Solanok konkurtsoa egingo du, eta lantegia itxi eta 36 beharginak kaleratuko ditu
Langile gehienak oso aspaldi hasi ziren lanean, eta batez beste 50 urtetik gorakoak dira. CCOOk salatu du oraindik ez dutela abuztuko nomina jaso.
Ostiralean sei hilabete beteko dira Gasteizko lorezainek grebari ekin ziotenetik, eta manifestazioa deitu dute egun horretarako
Gaur goizean Gasteizen egindako prentsaurreko batean, Enviser enpresako langileek "borrokarekin jarraitzeko" asmoa agertu dute, "soldata duinak lortu arte". Gainera, langileak akordiorako prest agertu dira, baina hori lortzeko "Gasteizko Udalaren benetako inplikazioa" beharrezkoa dela uste dute.
Zeintzuk dira BBVAren eskaintza berriaren gakoak?
Josu Ferreiro EHUko irakasleak Radio Euskadin egin duen elkarrizketa batean adierazi duenez, erakundeak Kataluniako bankuko akziodunen zati handi batek eskatzen zuenera egokitu du bere proposamena, lehen eskaintzari uko egin baitzioten, nahikoa ez zelakoan. Ferreirok zehaztu duenez, BBVAk ez du eskudirutan ordainduko, akzio propioetan baizik, eta horrek abantaila fiskala dakarkie akziodunei, zergak gutxiago ordaintzea dakarrelako. Mugimendu horrekin, Carlos Torres Vila buru duen bankuak Sabadellen akzioen merkatuko balioa berdindu du, eta horrek opak aurrera egiteko aukerak areagotu ditu, nahiz eta BBVAri berari kostu handiagoa ekarri. Hobekuntza berri bat egon litekeen galdetuta, ekonomialariak uste du zaila dela: "BBVAk argudiatu zuen Sabadellen akzioak gainbaloratuta zeudela. Orain, alde hori desagertu egin da. Beste eskaintza bat baztertu beharko litzateke, hau izango litzateke azkena", adierazi du. Elkarrizketa Boulevard saioan entzun daiteke, GUAUn, 02:50: 00etatik aurrera (jatorrizkoa, gaztelaniaz).
2026an jarriko da martxan Petronorren eta OCO Technologyren agregakin sintetikoen planta, Bilboko Portuan
Proiektua 2024an hasi zen eraikitzen, eta Europa kontinentalean agregakin sintetikoak fabrikatuko dituen lehen lantegi industriala izango da. Agregakin horiek CO2 gasa harrapatzen dute, bai ekoizpen prozesuan zehar, baita horien bizitza baliagarrian ere.
BBVAk % 10 igo du Sabadell bankua eskuratzeko eskaintza
Carlos Torres BBVAren presidenteak azpimarratu duenez, hobekuntza eginda "aparteko eskaintza" jarri dute Banco Sabadellen akziodunen esku, "balorazio eta prezio historikoarekin, eta bi bankuen batasunarekin sortutako aukera apartan parte hartzeko aukerarekin". Sabadellek, bere aldetik, erantzun du azken eskaintza "jatorrizkoa baino okerragoa" dela.
Maderas de Llodio, greba mugagabean
Langileen batzordeak salatu du enpresak produkzioaren % 40 beste lantegi batzuetara eramateko asmoa duela, eta deslokalizazioak Laudioko eta eskualdeko "lantegiaren etorkizuna arriskuan jartzen" duela.
Multiverse Computingek % 30 handituko du bere lantaldea Donostian
Software kuantikoan eta adimen artifizialean espezializatutako enpresa donostiarrak datorren urtean 60 pertsona kontratatzea aurreikusten du. 4 langile zituztela abiatu zuten konpainia 2019an, eta 260 izango dira laster.
Pentsiodunak Euskadiko hiriburuetan manifestatu dira gutxieneko pentsioak LGSarekin parekatzea eskatzeko
Ehunka pertsonak bat egin dute Gasteizen eta Donostian Euskal Herriko Pentsiodunen Mugimenduak deitutako manifestazioekin; hain zuzen ere, osteguneko Legebiltzarreko bozketan presioa egiteko, gutxieneko pentsioak Lanbide arteko Gutxieneko Soldatarekin (LGS) parekatzea eskatzeko.
Petronorreko enpresa batzordeak enpresaren egoera "tamalgarria" salatu du, eta "presio neurriekin" mehatxu egin du
Plantillako ordezkariek adierazi dute ez direla bete zuzendaritzarekin lortutako akordioak, eta nabarmendu dute "tamalgarria" dela Muskizko findegiko instalazioen egoera.