Hezkuntza Sailak merezimendu bidezko Lan Eskaintza Publikoa deitu du 3.178 lanposturekin
Eusko Jaurlaritzako Hezkuntza Sailak gaur argitaratu du irakasleriari zuzendutako merezimendu bidezko Lan Eskaintza Publikoa (LEP). Jaurlaritzak 3.178 lanpostu eskainiko ditu, eta interesdunek urriaren 3tik 31ra izango dute eskaerak aurkezteko, Jokin Bildarratzek zuzentzen duen sailak ohar batean jakinarazi duenez.
3.100 plaza pasatxo horietatik, ia erdia (1.532) Bigarren Hezkuntzako irakasleei dagozkie, eta 1.289, maisu-maistren kidegoari. Gainerakoak Lanbide Heziketako irakasle teknikoenak dira (260 plaza), eta, neurri txikiagoan, Hizkuntza Eskola Ofizialetako irakasleenak (44) edota musika eta arte plastikoetako maisu-maistrenak (22na).
Irakasleek euren merezimenduak aurkeztu beharko dituzte aipatutako epean. Baloratuko direnen artean honako hauek daude: irakasle gisa duten eskarmentua (gehienez zazpi punturekin), prestakuntza akademikoa (asko jota, hiru puntu) eta aukeratutako espezialitatearen eskaintza publikoren bat gainditua edukitzea (bost puntu, gehien jota).
Hezkuntza Sailak zehaztu duenez, urtea amaitu baino lehen, beste bi deialdi argitaratuko ditu: irakasleen oposizio lehiaketari dagokiona, eta langile lan-kontratudunen merezimendu-lehiaketari dagokiona (Hezkuntza Berezia eta Sukalde eta Garbiketakoak), 4.000 plaza ingururekin.
Zure interesekoa izan daiteke
Medikuek mahai sektoriala egin dadin eskatu dute “Osakidetzaren egitura aldatzeko”
Salatu dutenez, lanean jasaten duten "gainkargak" etengabe luzatzen diren "agenda txikle" deritzonak eragiten dizkie, eta horrek haien osasunerako kaltegarria da.
Gipuzkoan, hiru kontrataziotik bi goi-mailako ikasketak dutenek beteko dituzte
Unibertsitatera joan direnek zein graduondoa dutenek kontratuen % 47 biltzen dute, eta bereziki nabarmentzekoa da STEM profilen eskaera handia. Nolanahi ere, kontratazioa aurreikusten duten enpresa guztiek diote zailtasunak dituztela langileak aurkitzeko eta lanpostuak betetzeko.
Eusko Jaurlaritza, Gipuzkoako Foru Aldundia eta Papresako batzordea gaur arratsaldean bilduko dira, CL Groupen eskaintzaren ostean
Hitzordua arratsaldean izango da, Gipuzkoako Foru Jauregian, Extremadurako enpresak Errenteriako paper-fabrika 39 milioi euroren truke erostea planteatu baitu, plantillaren % 72ri eutsita. Langileek aurreratu dute ez dutela proposamena onartuko.
Egunean 188.000 petrolio upel gehiago ekoitziko ditu OPEP+ aliantzak ekainetik aurrera
Bestalde, merkatuaren egoera gertutik aztertzen jarraitzeko konpromisoa hartu dute aliantza osatzen duten herrialdeek, eta berretsi dute garrantzitsua dela "ikuspegi zentzuduna" izatea, "baita ekoizpenaren doikuntza handitzeko, gelditzeko edo kentzeko malgutasuna izatea ere".
Pentsiodunek gutxieneko pentsioak LGSra arte osatzea eskatuko dute berriz ere datorren ostegunean Gasteizen
Mobilizazio horrekin, Eusko Jaurlaritzari eta Legebiltzarrari gogorarazi nahi diete "ezin dela denbora gehiagoz luzatu gutxieneko pentsioen osagarria LGSraino iristeko konpromisoa, are gehiago bizitzaren kostua nabarmen garestitzen ari denean", defendatu dute pentsiodunek.
Euskal langileria kalera atera da Maiatzaren Lehenean
ELA eta LAB deialdi bereizietan atera dira kalera, ESK eta LSB-USO bezala; CCOO eta UGT, aldiz, elkarrekin mobilizatu dira.
Gutxieneko soldata propioa ezartzeko aldarriarekin "jarrera argia" eskatu dio ELAren idazkari nagusiak lehendakariari
1.500 euroko gutxieneko soldata propioa ezartzeko “patronala interpelatzen eta presionatzen” jarraitzeko prest agertu da Mitxel Lakuntza. Eskubide sozialen alde egiteaz gain, euskaraz bizitzeko eta lan egiteko eskubidea ere aldarrikatu du ELA sindikatuaren idazkari nagusiak.
Berdelaren kostera txarraren eragina arintzea lortu da, eta antxoaren bilakaera "hobea" izan da Euskadin
Arrantza-sektoreko ordezkariak kezkatuta agertu dira berdelaren egoerarekin, eta berreskuratze-neurrien beharra aztertzeko eskatu dute. Ildo horretatik, antxoari ezarritako kudeaketa-ereduaren eragin positiboa nabarmendu dute.
Maiatzaren 1eko mobilizazioetan, LGS propioa, pentsio eta soldata "duinak" eta etxebizitza eskubidea aldarrikatu dituzte
ELA eta LAB bakoitza bere aldetik atera dira kalera, ESK eta LSB-USO bezala; CCOO eta UGT, aldiz, elkarrekin mobilizatu dira. Alderdi politikoek ordezkariak bidali dituzte deialdi horietako askotara.
Lan eskubideak arriskuan daudela ohartarazi du Anduezak, eta Euskadiko LEPetako euskara eskakizunak kritikatu ditu
PSE-EEko buruaren esanetan, langileak mehatxupean daude eskuin eta ultraeskuinaren eta nazioarteko gerren ondorioz, baita EAJk eta EH Bilduk enplegu publikoan dituzten politiken ondorioz ere.