Metroa 2027an iritsiko da Galdakaoko erdigunera, eta 2028an, Ospitalera
Euskal Trenbide Sareak (ETS) azaroaren 3an irekiko du Bilboko metroaren 5. lineako lehen hiru zatien lizitazioa, eta hala, gertuago egongo da metroa Galdakaora (Bizkaia) heltzea eta Euskotreneko Busturialdeko eta Durangaldeko linearekin lotzea. Aurreikuspenen arabera, lanak sei hilabete barru abiatuko dira, eta metroa 2027an helduko da Bizkaiko udalerrira, eta urtebete geroago, erietxera. 2029rako prest egongo da Euskotreneko lineekin lotura.
Eusko Jaurlaritzak eta Bizkaiko Foru Aldundiak erdibana ordainduko dituzte lanak, eta hain justu, finantzazio hitzarmena sinatzeko ekitaldian egin dute iragarpena.
Iñaki Arriola Lurralde Antolamendu, Etxebizitza eta Garraio sailburuak zehaztu duenez, lehen hiru tarteak "ibilbidearen zati handiena" dira. Zehazki, honako hauen lanak lizitatuko dituzte: Sarratu eta Aperribai artekoa, 1,5 kilometro baino gehiagokoa; Aperribai-Galdakao, 2,8 kilometroa, eta Bizkaiko udalerria Usansoloko Ospitalearekin lotuko duena (1,9 kilometro luze).
Lehen bi tarteak 91 milioi eurogatik aterako dituzte, eta hirugarrena, 57,3 milioigatik, Arriolaren hitzetan. Era berean, argitu du laugarren tartearen (metroa EuskoTreneko lineekin lotuko duena) informazio-azterlana amaitzen ari direla, eta espero duela urtea amaitu baino lehen argitaratzea.
EuskoTrenek kudeatuko du metroaren 5. linea, eta trenak zazpi minuturo ibiliko dira.
Arriolak berak, Pedro Azpiazu Ekonomia eta Ogasun sailburuak eta Unai Rementeria Bizkaiko ahaldun nagusiak "erakundeen arteko lankidetza" goraipatu dute. Azpiazuren esanetan, zazpi urteko finantzazioa adostu dute. "Dena gure baliabideekin egingo dugu, Europatik etor daitezkeen funtsen zain egon gabe. Baldin badatoz, ongietorriak izango dira".
Rementeriak aitortu du "oso pozik" dagoela; "emandako hitza bete dugu", azpimarratu du.
Kazetariek egindako galderei erantzunda, Garraio sailburuak iragarri du Metro Bilbaoko 4. lineako lanen Ametzola eta Abando arteko zatiaren lizitazioa 2022a amaitu baino lehen irekiko dutela.
Zure interesekoa izan daiteke
CAFek lortu egin du "mendeko kontratua": 1.700 milioi euro Belgikan trenak egiteko
Beasainen egoitza duen konpainiak kontratu horren inguruko ziurgabetasunarekin amaitu du; izan ere, polemika handia piztu zen han, Alstom enpresa frantziarrak dagoeneko hainbat lantegi baititu Belgikan, eta enpresa horrek kontratua ez lortzea kritikatu zuten.
Balenciaga ontziolako langileek atzera bota dute Abu Dhabi Ports talde arabiarraren azken eskaintza
Pasa den azaroaren 30ean, Balenciaga ontziolak salerosketa akordioa sinatu zuen aipaturiko inbertsio talde arabiarrarekin, 11,2 milioi euroren truke. Salerosketa ixteko, ordea, ezinbesteko baldintza da langileekin akordioa lortzea. Antza denez, langileen erosahalmena bermatuko luketen soldatak dira akordiorako korapilo nagusia.
Talgoren erosketaren ondoren, partzuergoko kideek Rivabellosako fabrika bisitatuko dute
Imanol Pradales lehendakaria eta Jose Antonio Jainaga enpresaria buru zirela, akziodun berriek Talgo enpresak Rivabellosan dituen instalazioak bisitatu dituzte. Denek uste dute operazioa funtsezkoa izan dela enpresaren jarduera eta enplegua sendotzeko, eta etorkizun oparoa iragartzen diote tren-enpresari.
Petronorreko greba bertan behera, enpresak bide judizialari uko egin ostean
Sindikatuek bertan behera utzi dute greba mugagabea, zuzendaritzarekin adostuta, 83 eguneko lanuztearen ondoren.
Europa osoko nekazariek Brusela hartu dute politika bateratuaren eta Mercosurrekiko akordioaren aurka protesta egiteko
Lehen ordutik, milaka traktorek eta nekazarik hiriko auzo europarra blokeatu dute, Europar Batasuneko erakundeen politiken aurka protesta egiteko. Poliziarekin ere istiluak izan dira. Europako nekazaritza-sektorea kontuan hartzeko eta kalterik ez egiteko eskatu dute.
EAEko ekonomiaren hazkundea % 2,1ekoa izango da datorren urtean, Confebasken arabera
Confebaskek aurreikusten du BPGa % 2,1 haziko dela 2026an Euskal Autonomia Erkidegoan, nahiz eta egun dauden "arriskuek" % 1,7 eta % 2,6 arteko tartean egotea eragin dezaketen. Inbertsioan eta enpleguan dinamismo txikiagoa izatea espero du Confebaskek.
Bizumen gaineko kontrol gehiago izango dira 2026an, baina profesionalei eta enpresaburuei eragingo die soilik
Zerga Agentziak ordainketa digitalei buruz jasotzen duen informazioa indartuko du 2026tik aurrera, Bizumekin egindako eragiketak barne, baina neurria jarduera ekonomikora mugatuko da eta ez du eraginik izango partikularren arteko trukeetan.
Abereak txertatzearen aldeko eta kontrakoak daude gurean, horrek ondorio ekonomikoak izan ditzakeelako
Nafarroako Gobernuak behi, zezen eta txekor guztiak txertatu nahi ditu, eta horren alde agertu da sektorea ere. EAEn, aldiz, hainbat abeltzain horren kontra agertu dira, txertoa jarriz gero, haragiaren prezioan eragina izango duelakoan. Alabaina, kasu bakar bat agertuko balitz, etxaldeko abelburu guztiak sakrifikatzea eragingo luke.
Medikuen sindikatuek ez dute onartu Osasun Ministerioaren azken eskaintza, eta negoziazio mahaia utzi dute
CESM eta ASM zentralek elkarrizketa "dinamitatzea" leporatu diote Osasun Ministerioari. Mobilizazio gehiago egingo dituztela iragarri dute.
?fmt=webp-alpha&qlt=80)
Nekazarien protestek jarraitzen dute Ipar Euskal Herrian eta Frantzia osoan, dermatosi nodularraren auzia nola kudeatu den eta Mercosurren ituna salatzeko
Dozenaka nekazarik hainbat autobide moztu dituzte Frantziako Estatuan, tartean A-63a, Hego Euskal Herriko mugan.