Euskadiko patronala: "Migratzaileak behar ditugu erretiratze handiaren aurrean"
Euskadiko patronalaren esanetan, Euskadik migrazioa bultzatuko duen politika bat behar du, langileriaen gehiengoak 20 edo 30 urteren buruan hartuo baitu erretiroa eta, beraz, "erretiratze handia" delakoaren arazoa sortuko da.
Confebaskek eta hiru lurraldeetako patronalek urteroko ekitaldi bateratua egin dute Bilbon astelehen honetan, pandemiaren ostean berreskuratuta, eta "Euskal enpresak erronka demografikoaren aurrean" gaia izan dute hizpide. Bertan, horri buruzko ikerketa bat aurkeztu dute.
Eduardo Aretxaga Confebaskeko zuzendari nagusiak txostenaren aurkezpenean azaldu duenez, hiru landunetik bik 40 urte baino gehiago dituzte, eta horrek adierazten du "gure langile gehienek 20 edo 30 urtetan hartuko dutela erretiroa".
Azterlanaren kalkuluen arabera, egungo oparotasunari eusteko, hurrengo 30 urteetan 400.000 langile gehiago beharko dira (Euskadik milioi bat pertsona ditu Gizarte Segurantzan afiliatuta): 237.000 belaunaldi-erreleboa estaltzeko, eta 177.000 gehiago, hazkunde ekonomikoa sendotzeko.
Baina, euskal ekonomiak Estatuan zuen tamaina erlatinboa berreskuratu nahi bada, beste 140.000 langile gehiago beharko lirateke, txostenaren arabera.
Testuinguru horretan, Isabel Busto Confebaskeko presidenteak "herri estrategia" bat eskatu du, "guztion artean diseinatutako 'Basque Talent' estrategia moduko bat, aurrean dugun erronkari aurre egin ahal izateko".
Haren aburuz, estrategiak bi ardatz izan behar ditu: batetik, jaiotza-tasa sustatzeko eta lana eta familia bateragarri egiteko beharrezkoak diren laguntzak ematea; eta, bestetik, "enplegurako berariazko migrazio-politika bat, ihes egiten dutenekiko edo gure artean babesa bilatzen dutenekiko elkartasuna ahaztu gabe, noski, baina kontuan hartuta haien talentua ere behar dugula".
Zure interesekoa izan daiteke
Tubos Reunidosko langileen batzordeak grebari eutsi dio, eta asteazken honetan zuzendaritzarekin biltzeko zain dago
Tubos Reunidos enpresako langileek elkarretaratzea egin dute astearte honetan enpresaren Bilboko bulegoen aurrean, enpresak hartzekodunen borondatezko konkurtsoa aurkeztu eta biharamunean. Tubos Reunidosek 1.300 langile inguru ditu, eta 260 milioi eurotik gorako zorra pilatuta.
Apirilean, 3.368 langabe gutxiago zenbatu dituzte EAEn, eta 833 gutxiago, Nafarroan
Urtearteko datuak alderatuta, langabeziak behera egin du bai EAEn (-3.006) eta baita Nafarroan ere (-588).
Tubos Reunidosek hartzekodunen konkurtsoa aurkeztu du
Enpresak maiatzaren 6an bilera egingo du Trapagaran eta Amurrioko langile batzordeekin. Bestalde, Amurrioko greba mugagabearekin jarraitu ala ez erabakitzeko asanblada egin ahal izateko beharrezkoak ziren 235 sinadurak aurkeztu dituzte Lan Ikuskaritzaren aurrean.
Medikuek mahai sektoriala eratzea eskatu dute, “Osakidetzaren egitura aldatzeko”
Salatu dutenez, lanean jasaten duten "gainkargak" etengabe luzatzen diren "agenda txikle" deritzonak eragiten dizkie, eta horrek haien osasunerako kaltegarria da.
Gipuzkoan, hiru kontrataziotik bi goi-mailako ikasketak dutenek beteko dituzte
Unibertsitatera joan direnek zein graduondoa dutenek kontratuen % 47 biltzen dute, eta bereziki nabarmentzekoa da STEM profilen eskaera handia. Nolanahi ere, kontratazioa aurreikusten duten enpresa guztiek diote zailtasunak dituztela langileak aurkitzeko eta lanpostuak betetzeko.
Eusko Jaurlaritza, Gipuzkoako Foru Aldundia eta Papresako batzordea gaur arratsaldean bilduko dira, CL Groupen eskaintzaren ostean
Hitzordua arratsaldean izango da, Gipuzkoako Foru Jauregian, Extremadurako enpresak Errenteriako paper-fabrika 39 milioi euroren truke erostea planteatu baitu, plantillaren % 72ri eutsita. Langileek aurreratu dute ez dutela proposamena onartuko.
Egunean 188.000 petrolio upel gehiago ekoitziko ditu OPEP+ aliantzak ekainetik aurrera
Bestalde, merkatuaren egoera gertutik aztertzen jarraitzeko konpromisoa hartu dute aliantza osatzen duten herrialdeek, eta berretsi dute garrantzitsua dela "ikuspegi zentzuduna" izatea, "baita ekoizpenaren doikuntza handitzeko, gelditzeko edo kentzeko malgutasuna izatea ere".
Pentsiodunek gutxieneko pentsioak LGSra arte osatzea eskatuko dute berriz ere datorren ostegunean Gasteizen
Mobilizazio horrekin, Eusko Jaurlaritzari eta Legebiltzarrari gogorarazi nahi diete "ezin dela denbora gehiagoz luzatu gutxieneko pentsioen osagarria LGSraino iristeko konpromisoa, are gehiago bizitzaren kostua nabarmen garestitzen ari denean", defendatu dute pentsiodunek.
Euskal langileria kalera atera da Maiatzaren Lehenean
ELA eta LAB deialdi bereizietan atera dira kalera, ESK eta LSB-USO bezala; CCOO eta UGT, aldiz, elkarrekin mobilizatu dira.
Gutxieneko soldata propioa ezartzeko aldarriarekin "jarrera argia" eskatu dio ELAren idazkari nagusiak lehendakariari
1.500 euroko gutxieneko soldata propioa ezartzeko “patronala interpelatzen eta presionatzen” jarraitzeko prest agertu da Mitxel Lakuntza. Eskubide sozialen alde egiteaz gain, euskaraz bizitzeko eta lan egiteko eskubidea ere aldarrikatu du ELA sindikatuaren idazkari nagusiak.