Nafarroako Gobernua AHTren loturari buruz erabakitzeko hiru azterketen zain dago
Bernardo Ciriza Nafarroako Gobernuko Lurralde Kohesiorako kontseilariak ostegun honetan adierazi duenez, Foru Gobernuak oraindik ez du erabaki Nafarroako abiadura handiko trena (AHT) Euskal Y-arekin batuko duen lotunea Ezkiokotik edo Gasteiztik egingo den; izan ere, horren arabera, obren egokitasuna baieztatuko duten hainbat azterlanen zain dago.
Adierazpenok egin ditu Cirizak Geroa Baik gai horren inguruan egindako galderari erantzunez. "Garrantzitsua da azterketak errealistak izatea", esan du, eta "hankak lurrean" izatea eskatu du edozein erabaki hartu aurretik, are gehiago, Almandoz eta Belateko tunelekin izandako "esperientzia" kontuan hartuta. Gogoratu behar da aurreikusi baino 1.343 milioi euro gehiago gastatu zirela lan horietan.
Hala, kontseilari gisa duen erantzukizuna handia dela nabarmendu ondotik horrelako erabaki bat hartzerako orduan, "ziurtasun teknikoak" bermatuta izatea beharrezkotzat jo du, eta hiru azterketaren zain dagoela esan du: bata, Altsasurainoko tarte komunari buruzkoa; bestea, hidrologikoa Ezkioko tarteari dagokiona; eta hirugarrena, Euskal Y-arekiko loturaren funtzionaltasunari erreferentzia egiten diona, Adifek operatiba eta saturazio mailari buruz egingo duena.
Pablo Azconak (Geroa Bai) planteatu zuen gaia PSNren "jarrera aldaketaren" aurrean; izan ere, PSNk Ezkioko lotunea babestu zuen hauteskunde programan, eta, orain, Gasteizko lotuneari babes handiagoa ari dira ematen, buruzagiek egindako hainbat adierazpenen arabera, uste baitute "aukera errentagarriena" hori dela. "Geroa Bairentzat merkea dena, luzera, garesti aterako zaio Nafarroari", adierazi du.
Joan den astean, Cirizak ohartarazi zuen Ezkiotik AHTa lotzeko alternatibak "ziurgabetasun handia" zuela, eta horrek ikerketa geotekniko eta hidrologiko osagarriak egitea eskatzen duela, proiektua "berme guztiekin" egin dadin.
Zure interesekoa izan daiteke
Abeltzainak haserre, Bazka Mahaia irailera atzeratu duelako Jaurlaritzak
Eusko Jaurlaritzak bazkaren beharrei buruz egindako inkestan 435 ustiategiren erantzunak jaso ditu eta horiekin hartuko ditu erosketa bateratuaren kopuruari eta hornitzaileei buruzko erabakiak. UAGAk eta ENHEk lan egiteko modu eraginkorragoak eskatu dituzte. Hala ere, guztiak ados daude, etorkizunera begira bazkari buruzko plangintza bat behar dela esatean.
Hoteletako sarrerak % 7,7 igo dira uztailean EAEn, eta gaualdiak % 6,7
Sarrera guztien % 58,8 eta gaualdien % 59,9 atzerritar jatorriko pertsonenak izan ziren, 2025eko uztailean baino % 11,1 eta % 11,7 gehiago, hurrenez hurren.
Txakolinaren mahats-bilketa aurreratu dute, beroagatik
Txakolinaren mahats-bilketa ohi baino lehenago hasiko da beroaldien ondorioz. Ekoizleen arabera, data hauek ez dira ohikoak mahats-bilketari ekiteko. Etengabe egiten dituzte analisiak mahastietan, mahatsak azukre eta garraztasun puntua noiz hartuko dituen zehatz-mehatz jakiteko, eta biltzeko une egokiena heldu da.
Bazka eroste bateratua eta lehorte deklarazioa berehala gauzatzeko eskatzen dute abeltzainek
Bi aste dira Bazka Mahaia elkartu eta erakundeek hainbat konpromiso hartu zituztela. Abeltzain asko euren kontura belarra eta lastoa erosten hasi dira, eta erakundeei neurriak berehala hartzeko deia egin diete.
Euskotreneko langileek Bilboko tranbian zezenketen publizitatea jarri izana salatu dute
Arriaga plazan gaur goizean egindako elkarretaratzean, Euskotreneko langileek balio publikoekin koherentea den eta animalien ongizatea errespetatzen duen publizitatea exijitu dio enpresari.
Mingain urdin kasu bat atzeman dute Barrundiako artalde batean
Gaitzaren aurka txertatutako 200 ardi baino gehiagoko artalde bateko animaliak eman du positibo mingain urdinaren 3. serotipoan.
Eusko Jaurlaritzak Administrazio Orokorreko 461 lanpostu betetzeko EPEan izena emateko epea ireki du
Izen-emate telematikoa irailaren 16an amaituko da, eta lehen azterketak 2027ko urtarrilean egitea aurreikusi da.
Milioi bat euroko zigorra ezarri diote AVIS enpresari, trafiko isunengatik bezeroei kudeaketa gastuak kobratzeagatik
Autoak alokatzen dituen enpresak 33,88 eta 45 euro arteko errekargua aplikatzen du isunaren ordainketa kudeatzeagatik eta administrazioari arau-hauslearen nortasuna jakinarazteagatik.
51 urteko langile bat hil da Iurretan, paper-enpresa batean
Sorospen-dispositiboan parte hartu duten Ertzaintzako bi agente bertan artatu behar izan dituzte osasun-langileek, isuritako gasak arnastuta intoxikatu baitira.
Sopela eta Urduliz bizitegi-merkatuko gune tentsionatu izendatu ditu Eusko Jaurlaritzak
Bizkaiko bi udalerriek urtarrilean eta otsailean eskatu zuten izendapena, eta hiru urteko hasierako indarraldia izango du, luzatzeko aukerarekin.