Garraioaren Defentsarako Plataformak beste greba mugagabe bat iragarri du igandetik aurrera
Espainiako garraiolari autonomoak biltzen dituen Garraioaren Defentsarako Plataformak beste greba mugagabe bat iragarri du igande gauerditik aurrera, patronalak legea urratzen ari direla eta kostuen azpitik jarraitzen dutela lan egiten salatzeko. Oraingo honetan, dena dela, Hiru euskal garraiolari autonomoen sindikatuak ez du bat egin grebarekin, eta atzo Nafarroan Tradisnak deituta egin zen batzarrean oso garraiolari gutxik hartu zuten parte. Ikusteko dago, beraz, lanuzteak Hego Euskal Herrian izango duen eragina; gehienbat, Bilboko portuari eragingo diola uste da. Joan den martxoan ere 20 eguneko lanuztea egin zuten Estatu espainiarrean.
Manuel Hernandez Garraioaren Defentsarako Plataformako kideak jakinarazi duenez, erkidegoetako ordezkariekin bilera izan zuten atzo, egoera aztertzeko eta aurrera begirako erabakiak hartzeko. Bertan erabaki zuten grebara jotzea, kostuen legea urratzen ari dela eta.
Espainiako Gobernuak eta garraio sektoreko enpresa nagusiek 500 milioi euroko neurriak adostu zituzten martxoan, gasolioaren prezioa merkatzeko eta erregaien garestitzeak eragin duen krisiari aurre egiteko. Besteak beste, erregai litroko 20 zentimoko beherapena aplikatzea hitzartu zuten, kamioi gidariek zamaketari lanak ez egitea edota ikuskatzaile gehiago jartzea.
Halere, neurriotako asko ez direla betetzen ari esan dute garraiolariek, eta horregatik, berriro protestei ekingo diete.
Zure interesekoa izan daiteke
Abeltzainak haserre, Bazka Mahaia irailera atzeratu duelako Jaurlaritzak
Eusko Jaurlaritzak bazkaren beharrei buruz egindako inkestan 435 ustiategiren erantzunak jaso ditu eta horiekin hartuko ditu erosketa bateratuaren kopuruari eta hornitzaileei buruzko erabakiak. UAGAk eta ENHEk lan egiteko modu eraginkorragoak eskatu dituzte. Hala ere, guztiak ados daude, etorkizunera begira bazkari buruzko plangintza bat behar dela esatean.
Hoteletako sarrerak % 7,7 igo dira uztailean EAEn, eta gaualdiak % 6,7
Sarrera guztien % 58,8 eta gaualdien % 59,9 atzerritar jatorriko pertsonenak izan ziren, 2025eko uztailean baino % 11,1 eta % 11,7 gehiago, hurrenez hurren.
Txakolinaren mahats-bilketa aurreratu dute, beroagatik
Txakolinaren mahats-bilketa ohi baino lehenago hasiko da beroaldien ondorioz. Ekoizleen arabera, data hauek ez dira ohikoak mahats-bilketari ekiteko. Etengabe egiten dituzte analisiak mahastietan, mahatsak azukre eta garraztasun puntua noiz hartuko dituen zehatz-mehatz jakiteko, eta biltzeko une egokiena heldu da.
Bazka eroste bateratua eta lehorte deklarazioa berehala gauzatzeko eskatzen dute abeltzainek
Bi aste dira Bazka Mahaia elkartu eta erakundeek hainbat konpromiso hartu zituztela. Abeltzain asko euren kontura belarra eta lastoa erosten hasi dira, eta erakundeei neurriak berehala hartzeko deia egin diete.
Euskotreneko langileek Bilboko tranbian zezenketen publizitatea jarri izana salatu dute
Arriaga plazan gaur goizean egindako elkarretaratzean, Euskotreneko langileek balio publikoekin koherentea den eta animalien ongizatea errespetatzen duen publizitatea exijitu dio enpresari.
Mingain urdin kasu bat atzeman dute Barrundiako artalde batean
Gaitzaren aurka txertatutako 200 ardi baino gehiagoko artalde bateko animaliak eman du positibo mingain urdinaren 3. serotipoan.
Eusko Jaurlaritzak Administrazio Orokorreko 461 lanpostu betetzeko EPEan izena emateko epea ireki du
Izen-emate telematikoa irailaren 16an amaituko da, eta lehen azterketak 2027ko urtarrilean egitea aurreikusi da.
Milioi bat euroko zigorra ezarri diote AVIS enpresari, trafiko isunengatik bezeroei kudeaketa gastuak kobratzeagatik
Autoak alokatzen dituen enpresak 33,88 eta 45 euro arteko errekargua aplikatzen du isunaren ordainketa kudeatzeagatik eta administrazioari arau-hauslearen nortasuna jakinarazteagatik.
51 urteko langile bat hil da Iurretan, paper-enpresa batean
Sorospen-dispositiboan parte hartu duten Ertzaintzako bi agente bertan artatu behar izan dituzte osasun-langileek, isuritako gasak arnastuta intoxikatu baitira.
Sopela eta Urduliz bizitegi-merkatuko gune tentsionatu izendatu ditu Eusko Jaurlaritzak
Bizkaiko bi udalerriek urtarrilean eta otsailean eskatu zuten izendapena, eta hiru urteko hasierako indarraldia izango du, luzatzeko aukerarekin.