Bizkaiko metalgintzako gehiengo sindikalak eta FVEM patronalak Eusko Jaurlaritzaren proposamena babestu dute
Bizkaiko metalaren hitzarmenaren negoziazio mahaian gehiengo sindikala osatzen duten sindikatuek, hau da, CCOO, LAB eta UGT sindikatuek, euren afiliatuen batzarrak egin dituzte gaur. Bertan Eusko Jaurlaritzak aurkeztutako proposamen berriari babesa eman diote. Gasteizko Gobernuak sustatutako alderdien arteko bitartekaritza-prozesuaren hirugarren bileran aurkeztu zuen proposamena.
Hiru sindikatuek ohar labur batean iragarri dute batzar guztietan berretsi dela Eusko Jaurlaritzako Enplegu eta Lan Sailak aurkeztutako proposamena.
Era berean, Metaleko Enpresen Bizkaiko Federazioaren (FVEM) gobernu-organoek oniritzia eman diote Bizkaiko metalaren hitzarmenerako Jaurlaritzak aurkeztutako proposamenari. Hitzarmen horrek 50.000 langile baino gehiagori eragiten die.
Federazioak prentsa-ohar batean adierazi duenez, berrespen hori "ahalegin handia da enpresentzat", eta "etorkizunarekin, industriarekin eta sektorean lan egiten duten pertsonekin konprometitutako ikuspegitik" onartzen da.
Horrela, datorren ostiralean Metaleko Enpresen Bizkaiko Federazioak (FVEM) eta CCOO, LAB, UGT eta ELA sindikatuek egingo duten bileran, litekeena da hitzarmenari buruzko aurreakordioa sinatzea.
Bestalde, ELAk berretsi du ez duela hobekuntzarik ikusten lan-gatazkan bitartekari lanetan ari den Eusko Jaurlaritzaren proposamenean, eta adierazi du bere militantziak hartuko duela Exekutiboak planteatutako edukiei buruzko erabakia, datorren asteartean egitekoa den batzar batean.
Zehazki, Eusko Jaurlaritzak Bizkaiko metalaren 2022-2025 hitzarmenerako egindako proposamenak % 15eko igoera aurreikusten du, KPIren berrikuspen-klausulak, instalazioetako langileentzako subrogazioa eta telefono-lineen eta zuntz optikoaren mantentze-lanak, eta baimen eta lizentzien hasiera lanegunetan, eta jurisprudentziak ezartzen duena baliatzea.
Horrez gain, 28.000 eurorainoko hobekuntzak jasotzen ditu istripuagatiko ezintasun eta heriotza aseguruetan, LGTBI+ pertsonak jazarpen-protokoloetan sartzea eta norberaren aukerako zortzi ordu, horietatik lau berreskuratu ezin direnak.
Zure interesekoa izan daiteke
Iberdrolak 125. urteurrena ospatu du Bilbon, begirada "argindarraren aroan" jarrita
Iberdrolak bere 125. urteurrena ospatu du astearte honetan Bilboko egoitzan. Erakundeetako eta enpresa munduko ordezkariak bildu dituen ekitaldi batean, konpainiaren historia gogoratu dute, eta "argindarraren aroa" deiturikoan jarri dute etorkizunerako begirada. Bere hitzartzean, Ignacio Sanchez Galan Iberdrolako presidenteak esan du "euskal sustraiak" inoiz galdu ez dituen "proiektu integratzaile baten emaitza" dela gaur egungo konpainia.
Tubos Reunidosen interesa duten "inbertsore berriak" daudela dio Jauregi sailburuak, baina oraindik ez dago "proposamen zehatzik"
Mikel Jauregi Eusko Jaurlaritzako Industria, Trantsizio Energetiko eta Jasangarritasun sailburuaren hitzetan, Tubos Reunidosen zorra berregituratu eta langileak lanera itzuli izana funtsezko bi baldintza izan dira "inbertitzaile berriak erakartzeko".
Papresak erosteko eskaintza bakarra jaso du: CL Grupo Industrialek aurkeztu du proposamen loteslea
Papresa hartzekodunen konkurtsoan sartu eta lehen asteetan balizko iteresdun gehiago zeudela aditzera eman bazen ere, euskal talde bat barne, ez dira eskaintza gehiago aurkeztu ezarritako epearen barruan; CL Group enpresak (Cristian Layri lotutakoa) bakarrik egin du hura erosteko eskaintza loteslea.
Eusko Jaurlaritzak onetsi egin du Aiaran baterien biltegi bat eraikitzeko proiektua
Arena Green Assest 4, SLUren "PB Navegantes 31" proiektuak 23 milioi euroko aurrekontua du eta 30MW-ko potentzia instalatua, 20 oineko neurriko edukiontzietan dauden 18 biltegiratze unitaterekin, kontrol eta monitorizazio sistemak integratzeko.
Astigarraga, etxebizitza garestien dagoen Gipuzkoako hirugarren herria
Prezioa % 55 igo da 4 urtetan eta metro koadroa 5.228 eurotan saltzen da. Donostiaren eta Zarautzen atzetik, udalerririk garestiena da.
Monica Garciak uste du sindikatu mediku batzuek grebari eusteko aparteko interesa dutela
Espainiako Osasun ministroaren ustez, "mediku sindikatu batzuek pizgarriren bat dute gatazkari eusteko, eta Estatutu Markoak dakartzan hobekuntzak sektoreko profesionalengana iristea saihesteko edo atzeratzeko". Era berean, Aragoi, Nafarroa, Kantabria, Asturias eta Galiziako erkidegoek grebari amaiera ematea lortu dutela nabarmendu du, eta gainerako erkidegoei "euren lana egiteko" eskatu die, "profesionalen lan-baldintzak eskumen autonomikoen menpe daudelako".
Kalera atera dira berriro medikuak, protesta egitera, urteko laugarren greba astearen hasieran
Donostia Ospitaleko anestesista Elena del Valek kazetarien aurrean hitz egin du protestetako batean, eta ziurtatu du "itxaropentsuago" daudela, Euskadiko Medikuen Sindikatuaren bitartez, Osakidetzarekin bilerak hasi dituztelako, eta "badirudielako", aldarrikapenetako batzuk negoziatzen hasiko direla.
Gasteizko Udalak taxilarien guardiak arautu ditu, dekretu bidez
Dokumentuak larunbat eta jai bezperetarako guardien egutegia ezartzen du, 00:00etatik 08:00etara, eta tarte horretan gutxienez 50 taxi arituko dira zerbitzua ematen.
Etxebizitzen salerosketa % 11,6 jaitsi da EAEn, eta % 8,2 igo da Nafarroan
Donostian 418 etxebizitza salerosi dira 2026ko urtarrila eta apirila bitartean, aurreko hiruhilekoan baino % 26,8 gutxiago, eta iazko tarte berean baino % 30,8 gutxiago.
Banku-txartelari agur? Bizum bidezko ordainketa saltokietara iritsi da
NFC teknologiaren bidez egingo dira ordainketak, contactless metodoaz, erabiltzaileak Bizum aktibatuta duen banku-aplikazioaren edo Bizum Pay-ren diru-zorro digital berriaren bitartez. Ordainketa berehala egingo da, eta ez da bitartekaririk (Visa, Mastercard…) beharko. Massimo Cermelli ekonomialariaren ustez, Bizum "erakargarria izan daiteke; saltoki txiketarako, batik bat", komisioetan aurreztu dezaketelako.