Jaurlaritza NEXT funtsen 850 milioi kudeatzen ari da, Calviñoren esanetan
Nadia Calviño Espainiako Gobernuko lehen presidenteorde eta Ekonomia Gaietarako eta Eraldaketa Digitalerako ministroak azpimarratu duenez, Eusko Jaurlaritzak badu Europako NEXT funtsen "kudeaketa zuzena", eta ia 850 milioi euro kudeatzen ari da, "normaltasun osoz". Pedro Azpiazu Jaurlaritzako Ekonomia eta Ogasun sailburuak urrian emandako azken datuen arabera, 785 milioi euro ziren ordura arte jasotakoak.
Lehendakariarekin bildu aurretik, elkarrizketa eskaini dio Calviñok Radio Euskadiko "Boulevard" saioari. Europako funtsen kudeaketan, bi gobernuen arteko lankidetza "oso ona" dela nabarmendu du ministroak, "kogobernantzan" ari direla, alegia, Jaurlaritza horren inguruan kexu agertu bada ere.
Calviñoren hitzetan, Urkullurekin duen hitzorduak egitasmoaren bigarren fasea "nola kudeatu" adostea du helburu, hots, "Europako maileguak nola gauzatuko diren eta proiektu estrategikoak indartzeko transferentziak zehaztea".
Espainiako lehen presidenteordeak adierazi du Europako funtsen kudeaketa "herrialde egitasmo bat" dela. "Kontua ez da dirua banatzea eta erkidego bakoitzak bere proiektuak garatzea. Kontua da Espainia osoa modernizazio eta transformazio prozesu batean buru-belarri sartzea", argitu du. Hartara, "inkoherentziak" saihestuko dira.
Euriborraren igoerak milaka herritarren hipoteketan eragingo dituen ondorio ekonomikoez galdetuta, ministroak banketxeekin izenpetutako "praktika egokien kodea" babestu du. Horren aburuz, finantza erakundeei "laguntzea dagokie, ez bakarrik euren interesagatik, euren izen onagatik baizik". Dena dela, hipoteken prezioari muga jartzea "finantza segurtasuna arriskuan jartzea" dela ohartarazi du.
Azkenik, PSOEren eta Unidas Podemosen arteko koalizio gobernuaz galdetuta, "balorazio oso positiboa" egin du Calviñok. Moreek egindako eskakizun eta proposamenak, "eraikitzaileak badira, ongietorriak eta aztertu beharrekoak" direla esan du, baina "tonua jaitsi eta sumindura saihesteko" deia egin du.
Zure interesekoa izan daiteke
Deustobarometroaren arabera, etxebizitzak jarraitzen du Euskadiko kezken buru, eta % 47k uste du euskara eskakizunak gehiegizkoak direla enplegu publikoan
Etxebizitza da Euskadiko kezka sozial nagusia, eta osasungintzak, berriz, garrantzia hartu du berriz herritarrak gehien kezkatzen dituzten arazoen artean. Deustobarometroak, gainera, euskararen egoerari, bizitzaren kostuarekiko kezkari eta etorkizuneko Estatutuan zerbitzu publikoak blindatzeari buruzko kezkak islatzen ditu.
Hasi egin da Osakidetzako inoizko lan eskaintzarik handiena: 100.000 hautagai 3.700 lanpostutarako
Bederatzi kategoria profesionaletarako azterketak egingo dira BECen: Administrazioko eta kudeaketako goi mailako teknikaria, Fisioterapeuta, Laborategiko teknikari espezialista, Zeladorea, Erizaintzako laguntzailea, Zerbitzuetako langilea, Erizaina, Administrazioko laguntzailea eta Administraria.
Albiste izango dira: Saretzen mugikortasunari buruzko azterlana, Osakidetzako inoizko LEP handiena eta "Mitoaroa III"
Gaurkoan Orain-en albiste izango direnen laburpena, bi hitzetan.
Nafarroak etxebizitza berrien stocka agortu zuen 2025eko amaierarako, eta Euskadik % 0,23ra murriztu zuen
Urte amaieran, 2.502 etxebizitza zeuden saldu gabe Euskal Autonomia Erkidegoan (EAE). Espainiar Estatuan, berriz, saldu gabeko etxebizitza berrien stocka 452.670 etxebizitzakoa izan zen.
Zabalik dago Tubos Reunidos erosteko interesa agertzeko epea
Hartzekodunen konkurtsoa kudeatzen duen epaileak erosketa-prozesua aktibatu du eta konkurtso-administratzaileak prozesua bideratzeko jarritako arauak onartu ditu. Lehentasuna ematen dio talde osoa saltzeari.
Ekitaldi eta ikuskizunetako teknikariek greba egingo dute berriz
“Patronalaren pasibotasunaren aurrean”, maiatzaren 15ean egin zuten bezala, greba egingo dute Bilbao BBK Liveko zein Gasteiz, Donostia eta Bilboko jaietako egun banatan.
Pirinioetako abeltzainek hartzak zaintzeko eskatu dute, horien kopurua abeltzaintza estentsiboarekin "bateragarria" izan dadin
Ezkaroze eta Aribe herrietan, etxeetatik gertu dauden eremuetan, bi hartz ikusi dituzte asteburuan. Hartza hain gertu izateak kezka zabaldu du inguruko abeltzainen artean, abere taldeetan zer ondorio izango dituen beldur.
Tubos Reunidosko langileen batzordeak konpainiaren jarraipena bermatzeko eskatu du Diputatuen Kongresuan
Amurrioko lantegiko beharginen ordezkariak Diputatuen Kongresuko hainbat talderekin bildu dira, tartean Podemos eta EH Bildurekin, legez besteko proposamen bat aurkezteko. SEPIren zorra akzio bihurtzea eskatu dute, jarduera eta enplegua bermatzeko, hala nola plan industrial bat eta bankuei laguntzeko neurriak hartu ditzatela, besteak beste, BBVAri, akziodun eta hartzekodun gisa. Tubos Reunidosek 263 milioi euroko zorra duen hartzekodunen konkurtso bati aurre egin behar dio.
Arabako lantegietan aldi baterako lan erregulazioa aktibatzea proposatu du Tubacexek, eskaeren jaitsieragatik
Ormuzko itsasartea ixtearen ondorioz, eskaera-kopuru asko jaitsi delako proposatu du neurria. Alabaina, Iranen eta AEBren arteko akordioa gauzatzen bada, egoera alda daiteke.
Cl Group taldeak Papresa erosteko eskaintza onartu du epaitegi batek
Cristian Layri lotutako Extremadurako taldeak 39,3 milioi euroko eskaintza egin zuen, baina azkenean erosketaren zenbatekoa handiagoa izango da Donostiako Merkataritza Arloko Epaitegiaren arabera.