17.130,7 milioi euro bildu ziren 2022an EAEn zerga itunduen bidez, aurreko urtean baino % 7,3 gehiago
Aurreikuspenak bete egin dira eta Euskal Autonomia Erkidegoko hiru lurraldeetan zerga itunduen bidez bildutako diru kopuruak berriro gora egin du, aurreko urteko datuekin alderatuz. 2022an guztira 17.130 milioi euro bildu zituzten Arabako, Bizkaiko eta Gipuzkoako foru ogasunek —2021ean 15.963,2 milioi euro bildu zituzten—, orain urtebete baino % 7,3 gehiago. Horrela, urrian egindako aurreikuspenean baino 21,4 milioi euro gehiago jaso ziren.
Finantzen Euskal Kontseiluko ordezkariak gaur bildu dira, iazko ekitaldiko diru-kontuak aztertu eta 2023rako erabakiak hartzeko. Batzarraren ondoren zabaldutako informazioaren arabera, Pertsona Fisikoen gaineko Errentaren Zergaren (PFEZ) bidez batutakoa % 6,3 igo zen (6.497.697.730 euro), eta sozietateen gaineko zergaren bidez bildutakoa (1.351.266.883 euro), % 17. Zeharkako zergei dagokienez, berriz, BEZaren bilketa osoa % 10,6 hazi zen iaz, 2021eko datuekin alderatuta.
Arabak 2.729,2 milioi euro bildu zituen zerga itunduen bidez (+ % 9,7), Bizkaiak 8.803,5 milioi euro (% 8,2 gehiago) eta Gipuzkoak 5.598,1 milioi euro (+ % 4,8).
Bestalde, kontsumo espezifiko jakin batzuen gaineko zerga bereziei dagokienez, bilketa % 1,7 jaitsi zen: alde batetik, argindarraren gaineko zerga bereziaren bilketak behera egin zuelako (-% 69,6), eta bestetik, erregaien gaineko zerga bereziaren ondorioz jasotakoa murriztu egin zelako (-% 3,1).
Kopuru horiekin, Egokitzapenerako Funts Orokorrak 98,3 milioi izango ditu, eta Araba eta Gipuzkoa artean banatuko da diru hori: 12.367.769 eta 85.929.333 euro dagozkie, hurrenez hurren.
Halaber, Espainiako Estatuari 932,3 milioi euroko kupoa ordaindu zion EAEk 2022an. Zerga bilketaren itxiera eta Estatuari egindako ordainketak ezagutu ondoren, 2022ko ekarpenen likidazioa kalkulatu da, eta 11.598,9 milioi eurokoa da, hasierako aurrekontuan aurreikusitakoa baino 594,9 milioi gehiago.
Zure interesekoa izan daiteke
Medikuek "benetako negoziazioa" eskatu dute, "greba mugagabea saihestu" nahi bada
"Lanbidearen garrantzia eta berezitasuna onartua izan arte", mobilizatzen jarraituko dutela ziurtatu du Euskadiko Medikuen Sindikatuak.
Deustobarometroaren arabera, etxebizitza da oraindik ere kezka nagusia Euskadin, eta galdetutakoen % 47k uste dute euskara eskakizunak gehiegizkoak direla enplegu publikoan
Etxebizitza da Euskadin kezka nagusia, eta osasun arloak garrantzia hartu du berriz herritarrak gehien kezkatzen dituzten arazoen artean. Deustobarometroak, gainera, euskararen egoerari, bizitzaren kostuarekiko kezkari eta etorkizuneko Estatutuan zerbitzu publikoak blindatzeari buruzko kezkak islatzen ditu.
Abian da Osakidetzako inoizko lan eskaintzarik handiena: 100.000 hautagai 3.700 lanpostutarako
Bederatzi kategoria profesionaletarako azterketak egingo dira BECen: Administrazioko eta kudeaketako goi mailako teknikaria, Fisioterapeuta, Laborategiko teknikari espezialista, Zeladorea, Erizaintzako laguntzailea, Zerbitzuetako langilea, Erizaina, Administrazioko laguntzailea eta Administraria.
Albiste izango dira: Saretzen mugikortasunari buruzko azterlana, Osakidetzako inoizko LEP handiena eta "Mitoaroa III"
Gaurkoan Orain-en albiste izango direnen laburpena, bi hitzetan.
Nafarroak etxebizitza berrien stocka agortu zuen 2025eko amaierarako, eta Euskadik % 0,23ra murriztu zuen
Urte amaieran, 2.502 etxebizitza zeuden saldu gabe Euskal Autonomia Erkidegoan (EAE). Espainiar Estatuan, berriz, saldu gabeko etxebizitza berrien stocka 452.670 etxebizitzakoa izan zen.
Zabalik dago Tubos Reunidos erosteko interesa agertzeko epea
Hartzekodunen konkurtsoa kudeatzen duen epaileak erosketa-prozesua aktibatu du eta konkurtso-administratzaileak prozesua bideratzeko jarritako arauak onartu ditu. Lehentasuna ematen dio talde osoa saltzeari.
Ekitaldi eta ikuskizunetako teknikariek greba egingo dute berriz
“Patronalaren pasibotasunaren aurrean”, maiatzaren 15ean egin zuten bezala, greba egingo dute Bilbao BBK Liveko zein Gasteiz, Donostia eta Bilboko jaietako egun banatan.
Pirinioetako abeltzainek hartzak zaintzeko eskatu dute, horien kopurua abeltzaintza estentsiboarekin "bateragarria" izan dadin
Ezkaroze eta Aribe herrietan, etxeetatik gertu dauden eremuetan, bi hartz ikusi dituzte asteburuan. Hartza hain gertu izateak kezka zabaldu du inguruko abeltzainen artean, abere taldeetan zer ondorio izango dituen beldur.
Tubos Reunidosko langileen batzordeak konpainiaren jarraipena bermatzeko eskatu du Diputatuen Kongresuan
Amurrioko lantegiko beharginen ordezkariak Diputatuen Kongresuko hainbat talderekin bildu dira, tartean Podemos eta EH Bildurekin, legez besteko proposamen bat aurkezteko. SEPIren zorra akzio bihurtzea eskatu dute, jarduera eta enplegua bermatzeko, hala nola plan industrial bat eta bankuei laguntzeko neurriak hartu ditzatela, besteak beste, BBVAri, akziodun eta hartzekodun gisa. Tubos Reunidosek 263 milioi euroko zorra duen hartzekodunen konkurtso bati aurre egin behar dio.
Arabako lantegietan aldi baterako lan erregulazioa aktibatzea proposatu du Tubacexek, eskaeren jaitsieragatik
Ormuzko itsasartea ixtearen ondorioz, eskaera-kopuru asko jaitsi delako proposatu du neurria. Alabaina, Iranen eta AEBren arteko akordioa gauzatzen bada, egoera alda daiteke.