Lehman Brothersek 2008an eragindako krisiaren mamua astindu du Silicon Valley Banken porrotak
Europako banku handiek beherakada handiak jasan dituzte burtsan, Silicon Valley Bank eta Signature Bank estatubatuarren porrotak sektoreari ekar diezazkiokeen ondorioengatik.
Finantza arazo larriak tarteko, bi egunez behea jo zuten Silicon Valley Bank (VB) bankuaren akzioek iragan astean, eta horrek eragina izan du sektorean, dela AEBn bertan, dela handik kanpo. Hala, krisi berri baten mehatxuak inbertitzaileak beldurtu ditu azken egunotan.
2008ko irailaren 15ean, Lehman Brothersek porrot adierazpen formala aurkeztu zuen, bezero gehienen exodoaren, balore-merkatuko galera drastikoen eta arriskuak kalifikatzeko agentzia nagusiek aktiboen debaluazioa erabaki ondoren.
Fenomeno horiek subprime hipoteken krisian sartu zelako gertatu ziren batez ere, gehiegizko arriskuak hartuz. Ondoren, arduragabekeriazko karguak aurkeztu zituzten, eta akusazio kriminaletara ere iritsi ziren. Lehman Brothersen porrota Ameriketako Estatu Batuetako historiako porrotik handiena da.
Hala ere, Espainiako Analisten Institutuko adituen iritziz, SVBren eta Signature Banken ebazpenak eta Silvergateren porrotak ez dute Lehman Brothersen porrotaren antzeko krisirik eragingo.
"Gaur egungo ziurgabetasuna handia da merkatuan, baina ezin da alderatu 2008an Lehman Brothersen porrotarekin sortu zen egoerarekin. Gainera, Europako bankuek jarraitzen duten banku-eredua ez da iparramerikarrena bezalakoa, eta ez daude hainbeste inplikatuta konpainia teknologikoen negozioetan", azaldu du Institutuak.
Alberto Iturralde Burtsan adituak ETBn azaldu duenez, "AEBko bankuen produktuak askoz ere arriskutsuagoak dira. Beraz, ziurrenik, hemen ez da gauza bera gertatuko". Massimo Cermelli ekonomialariaren arabera, "Erreserba Federalak esku hartu du, kaltea ez areagotzeko eta kutsatzea ekiditeko. Baina, hala ere, beldurra zabaldu da".
Amerikako Estatu Batuetako presidentea, Joe Biden, prentsaren aurrera irten da, bertako gizartea eta ekonomia lasaitzeko asmoz. Bi bankuetako bezeroek euren dirua eskuragarri izango dutela ziurtatu du.
Paolo Gentiloni Ekonomia komisarioak ziurtatu duenez, ez du Europako bankuak "kutsatzeko arrisku espezifikorik" ikusten.
Bestalde, Nadia Calviño Espainiako Ekonomia ministro eta presidenteordeak ziurtatu du Estatuko bankuek finantza "zurrunbiloari" aurre egingo diotela balantze "onbideratuekin" eta ikuskapen eta erregulazio esparru "sendoarekin".
Albiste gehiago ekonomia
BBK Live jaialdiak 23,6 milioi euro baino gehiago utzi ditu Bilbon
115.000 parte-hartzaileen artean, % 17 atzerritarrak dira, batez ere Erresuma Batutik, Frantziatik, Italiatik eta Portugaldik etorritakoak. Gainera, hotelen okupazioa % 90etik gorakoa izan da musika jaialdiak iraun duen bitartean.
ELAk eta LABek ziurtatu dute Torresek proposatutako gutxieneko soldataren igoerak 10.000 langileri bakarrik eragingo liekeela
Uste dute proposamenak ez dituela kontuan hartzen enpresek azken urteetan lortutako irabaziak, ezta beren plantillek sortzen duten produktibitatea ere, eta, horrenbestez, helburua ez dela "gizarte-kohesioa, ezta aberastasunaren banaketa justua ere".
BSHko langileek datorren astean bozkatuko dute lan- erregulazioko espedienteari buruzko aurreakordioa
Enpresa batzordearen gehiengoak (LABek eta ELAk, ez) aurreakordioa lortu du aste honetan zuzendaritzarekin, eta, horren arabera, lantegia itxi eta 609 pertsona kaleratuko dituzte. Langileen ordezkariek deituta, batzarrak egingo dituzte ostiral honetan, eta bozketa, ziurrenik, astelehenean egingo dute.
Langile bat hil da Gasteizen teilatu batetik erorita
Istripua asteartean gertatu zen, baina gaur eman da jakitera. Langilea 7 metroko altueratik erori zen.
Bruselak espedientea ireki dio Espainiari, BBVAk Sabadellen akzioak eskuratzeko operazioan erabilitako legeengatik
Europako Batzordearen ustez, kapitalen zirkulazio askearen aurkakoak dira Espainiako Gobernuak operazio hau baldintzatzeko erabili dituen legeak. Eta 2 hilabeteko epea eman diote Espainiako Gobernuari azalpenak emateko.
Portugalete eta Leioa lotuko dituen ibai azpiko errepideak 2026ko lehen seihilekoan hasiko dira, 543 milioiko aurrekontuarekin
Elixabete Etxanobe Bizkaiko diputatu nagusiak defendatu duenez, itsasadarraren azpiko tunela "ez da ez kapritxo bat, ezta burutazio bat ere", eta bai, ordea, lurraldearentzako "behar bat".
Euskal kostaldean udan pisua alokatzea gutxi batzuen eskura dagoen luxua bilakatu da
Opor garaiko alokairuen prezioak % 40 igo dira azken bost urteetan. Jabe askok etekin ekonomikoa bilatzen dute: nahiago dute alokairuen epeak laburtu eta diru-sarrerak handitzea.
Euskal ekonomia % 2,2 hazi da iaztik
Enpleguak % 1,4 egin du gora bigarren hiruhilekoan, Eustaten datuen arabera. Lehen hiruhilekoarekin alderatuta, igo egin dira bai BPGa (% 0,5), bai enplegua (% 0,3).
Eusko Jaurlaritzak 1.385 eurorainoko tartea aurreikusi du EAEko gutxieneko soldata negoziatzeko
Eusko Jaurlaritzak Euskadiko hitzarmenetan gutxieneko soldata planteatu du Euskadin: 1.268 eta 1.385 euro gordin artekoa 14 ordainsaritan, hau da, Estatuarekin alderatuta % 7 eta 17 gehiago.
Hauek dira Euskadik kudeatuko dituen sendientzako laguntza berriak
Eusko Jaurlaritzak bere gain hartuko du Gizarte Segurantzaren kotizazio gabeko hainbat familia-prestazioren kudeaketa eta ordainketa, Euskadin 20.000 pertsona ingururentzat onuragarria izango den eta 100 milioi euro inguruko inbertsioa suposatuko duen transferentzia baten bidez.