Berdelaren kanpaina hasi da, eta gaurtik Eusko Labela izango du
Ostiral honetan hasi da Euskadiko berdelaren kostera, eta berrikuntza garrantzitsu batekin egin du, hemendik aurrera Eusko Label kalitate-bereizgarria izango baitu.
Horrela, berdela Eusko Labela duten produktuen familiara batu da, eta araudi tekniko zorrotz batean ezarritakoa bete beharko du. Zehazki, Eusko Labelekin identifikatuko da Euskadiko arrantza-tresna tradizionalak (amua eta inguraketa) erabiliz harrapatutako berdela, kalitate oso onekoa eta baxurako euskal artisau-flotaren ohiko eremuan harrapatutakoa. Arraina sailkatzeko orduan (Estra edo A), kalitate-kontuak hartuko dira kontuan, hala nola kanpoko itxura, azala edo trinkotasuna.
Horrela, kontsumitzaileei Euskadiko berdela, kalitatezkoa, identifikatzeko aukera eman nahi zaie.
Eusko Labeldun berdelaren aurkezpena Hondarribian egin da, eta Arantxa Tapia Eusko Jaurlaritzako Ekonomiaren Garapen, Jasangarritasun eta Ingurumeneko sailburuak nabarmendu duenez, berdela Eusko Labelera gehituta, Euskadiko arrantza-sektoreari "tresna berri bat ematen ari zaio, bere produktuak merkatura ahalik eta balorizatuen irits daitezen, garapen komertzialerako aukera handiagoekin eta tresna berriekin".
Tapiaz gain, Bittor Oroz Eusko Jaurlaritzako Nekazaritzako, Arrantzako eta Elikagai Politikako sailburuordea eta Euskadiko arrantza-sektoreko ordezkariak izan dira aurkezpen ekitaldian.
Berdela deskargatzen. Argazkia: Irekia.
Berdelaren lehen deskarga garrantzitsuan, Euskadiko arrantzaleek 2.080.696 kilo harrapatu dituzte, eta batez beste 1,31 euroan saldu da kiloa. Antxoari dagokionez, 1.105.357 kilo arrantzatu dituzte, eta kiloa batez beste 1,68 euroan saldu dute.
Zure interesekoa izan daiteke
OPEP+ek ekainerako petrolio eskaintza erabakiko du Vienan, mundu mailako energia krisiaren erdian
Zazpi ekoizle handi baino ez dira bilduko (Saudi Arabia, Errusia, Irak, Kuwait, Kazakhstan, Aljeria eta Oman) batzarrean, Arabiar Emirerri Batuek erakundea uztea erabaki ondoren.
Pentsiodunek gutxieneko pentsioak LGSra arte osatzea eskatuko dute berriz ere datorren ostegunean Gasteizen
Mobilizazio horrekin, Eusko Jaurlaritzari eta Legebiltzarrari gogorarazi nahi diete "ezin dela denbora gehiagoz luzatu gutxieneko pentsioen osagarria LGSraino iristeko konpromisoa, are gehiago bizitzaren kostua nabarmen garestitzen ari denean", defendatu dute pentsiodunek.
Euskal langileria kalera atera da Maiatzaren Lehenean
ELA eta LAB deialdi bereizietan atera dira kalera, ESK eta LSB-USO bezala; CCOO eta UGT, aldiz, elkarrekin mobilizatu dira.
Gutxieneko soldata propioa ezartzeko aldarriarekin "jarrera argia" eskatu dio ELAren idazkari nagusiak lehendakariari
1.500 euroko gutxieneko soldata propioa ezartzeko “patronala interpelatzen eta presionatzen” jarraitzeko prest agertu da Mitxel Lakuntza. Eskubide sozialen alde egiteaz gain, euskaraz bizitzeko eta lan egiteko eskubidea ere aldarrikatu du ELA sindikatuaren idazkari nagusiak.
Berdelaren kostera txarraren eragina arintzea lortu da, eta antxoaren bilakaera "hobea" izan da Euskadin
Arrantza-sektoreko ordezkariak kezkatuta agertu dira berdelaren egoerarekin, eta berreskuratze-neurrien beharra aztertzeko eskatu dute. Ildo horretatik, antxoari ezarritako kudeaketa-ereduaren eragin positiboa nabarmendu dute.
Maiatzaren 1eko mobilizazioetan, LGS propioa, pentsio eta soldata "duinak" eta etxebizitza eskubidea aldarrikatu dituzte
ELA eta LAB bakoitza bere aldetik atera dira kalera, ESK eta LSB-USO bezala; CCOO eta UGT, aldiz, elkarrekin mobilizatu dira. Alderdi politikoek ordezkariak bidali dituzte deialdi horietako askotara.
Lan eskubideak arriskuan daudela ohartarazi du Anduezak, eta Euskadiko LEPetako euskara eskakizunak kritikatu ditu
PSE-EEko buruaren esanetan, langileak mehatxupean daude eskuin eta ultraeskuinaren eta nazioarteko gerren ondorioz, baita EAJk eta EH Bilduk enplegu publikoan dituzten politiken ondorioz ere.
Tubos Reunidoseko langile talde batek Amurrioko greba mugagabeari buruzko erreferenduma egitea eskatu du
Enpresa batzordeak deituta, martxoaren 15etik daude greba mugagabean Amurrioko lantegian. ELAk, LABek eta ESK-k babestu zuten lanuztea, eta CCOO eta UGT kontra agertu ziren. Azken horiek hasieratik eskatu dute grebari buruzko erabakia erreferendumean hartzea.
Behargin bat hil da Zamudion, lan-istripuz
Langileak 61 urte zituen. Ezbeharra ostegun goizean gertatu da, Ugaldeguren industrialdean, eta biktima bertan hil da, osasun-zerbitzuek esku hartu duten arren. ELAk lan-istripua salaktzeko elkarretaratzea deitu du maiatzaren 5erako.
AAk 2,3 milioi lanpostu suntsitu ditzake datorren hamarkadan Espainian
Bereziki enplegatu administrarien eta erdi-mailako zein goi-mailako teknikarien taldeei eragingo lieke. Hala ere, AAri lotutako 1,61 milioi lanpostu berri inguru sortuko lirateke eta, horrek, suntsitutako lanpostuen zati handi bat konpentsatuko luke.