Kalitatezko hezkuntza publikoaren alde, kalera irten dira nafar irakasleak urteko bigarren greba deialdian
Grebara deituta daude Nafarroako irakaskuntza publikoan aritzen diren 10.000 langileak. LAB, Steilas, CCOO, ELA eta UGT sindikatuek ikasturte honetan deitutako bigarren mobilizazioa da.
Hezkuntzako etapa guztietan ratioak jaistea, erosahalmena berreskuratzea —KPIari lotutako soldata igoera eta 2010etik % 20 galdu ostean berreskuratzea—, behargin guztiei karrera profesionala bermatzea, behin-behinekotasuna % 8tik behera murriztea eta, ikasleen hezkuntza premiei denbora gehiago eskaini ahal izateko, lan gainkarga murriztea dira horien aldarrikapen nagusiak.
Iruñerrian, 10:00etan abiatu dira zutabeak, Cuatrovientosetik, Mendillorritik, Barañaindik eta Txantreatik, eta 11:00etan, manifestazioa egin dute Hezkuntza Departamentuaren egoitzaren aurrean. Halaber, elkarretaratzeak egin dituzte Tuteran, Altsasun, Donezteben, Lizarran eta Tafallan.
Ikasturte honetan egiten duten bigarren mobilizazioa da gaurkoa —aurrekoa otsailaren 15ean egin zuten, administrazioko eta osasuneko langileekin batera—. Hain justu, greba horri "entzungor" egitea eta Mahai Sektorialean sindikatuak "gutxiestea" egotzi diete Nafarroako Gobernuari eta Hezkuntza Departamentuari.
Sindikatuon hitzetan, Foru Gobernuak "legealdi osoa darama Mahai Sektorialeko ordezkaritza sindikala gutxiesten". Are gehiago, otsailaren 15eko greban euren kolektiboak planteatutako aldarrikapenei "inolako erantzunik eman ez izana" egotzi diote gehiengo sindikala osatzen dutenek, eta, horren aurrean, "beste greba bat" deitu dute apirilaren 3rako.
Sindikatu deitzaileek martxoaren 6an mobilizazioa aurkeztu zutenean nabarmendu zutenez, euren aldarrikapenek, "lan baldintzak hobetzeaz gain, zerbitzu publikoa nabarmen hobetzea" ekarriko dute. Horien ustez, "hezkuntza gizartea hobetzeko tresna nagusia da, eta, beraz, mimatu beharra dago justizia sozial handiagoa eskuratzeko". Horren ildoan, grebarekin bat egiteko deia egin zieten gainerako sindikatuei eta hezkuntza komunitateko beste eragileei.
Kazetarien galderei erantzunez, Pilar Garciak (CCOO) esan zuen otsailaren 15eko greba "nahiko sendoa" izan zela eta hezkuntza alorrean jarraipen zabala izan zuela, osasungintzan eta administrazioan baino handiagoa. "Halere, ez dugu erantzunik jaso, deitu ere ez digute egin. Legegintzaldi osoa daramagu negoziaziorik gabe, eta beti esaten digute gauza bera: ez dagoela diru gehiago eta ezin direla aurrekontu partidak handitu", erantsi du.
Horin aurreikuspenen arabera, gaurko grebak hilaren 15ekoak izan zuen "jarraipen bera edo handiagoa" izango du. "Kasu honetan, hezkuntza alorrean deitu dugu, osasungintzatik berezita, gurea ikusarazteko", argitu du.
Zure interesekoa izan daiteke
Deustobarometroaren arabera, etxebizitza da oraindik ere kezka nagusia Euskadin, eta galdetutakoen % 47k uste dute euskara eskakizunak gehiegizkoak direla enplegu publikoan
Etxebizitza da Euskadin kezka nagusia, eta osasun arloak garrantzia hartu du berriz herritarrak gehien kezkatzen dituzten arazoen artean. Deustobarometroak, gainera, euskararen egoerari, bizitzaren kostuarekiko kezkari eta etorkizuneko Estatutuan zerbitzu publikoak blindatzeari buruzko kezkak islatzen ditu.
Hasi da Osakidetzako inoizko lan eskaintzarik handiena: 100.000 hautagai 3.700 lanpostutarako
Bederatzi kategoria profesionaletarako azterketak egingo dira BECen: Administrazioko eta kudeaketako goi mailako teknikaria, Fisioterapeuta, Laborategiko teknikari espezialista, Zeladorea, Erizaintzako laguntzailea, Zerbitzuetako langilea, Erizaina, Administrazioko laguntzailea eta Administraria.
Albiste izango dira: Saretzen mugikortasunari buruzko azterlana, Osakidetzako inoizko LEP handiena eta "Mitoaroa III"
Gaurkoan Orain-en albiste izango direnen laburpena, bi hitzetan.
Nafarroak etxebizitza berrien stocka agortu zuen 2025eko amaierarako, eta Euskadik % 0,23ra murriztu zuen
Urte amaieran, 2.502 etxebizitza zeuden saldu gabe Euskal Autonomia Erkidegoan (EAE). Espainiar Estatuan, berriz, saldu gabeko etxebizitza berrien stocka 452.670 etxebizitzakoa izan zen.
Zabalik dago Tubos Reunidos erosteko interesa agertzeko epea
Hartzekodunen konkurtsoa kudeatzen duen epaileak erosketa-prozesua aktibatu du eta konkurtso-administratzaileak prozesua bideratzeko jarritako arauak onartu ditu. Lehentasuna ematen dio talde osoa saltzeari.
Ekitaldi eta ikuskizunetako teknikariek greba egingo dute berriz
“Patronalaren pasibotasunaren aurrean”, maiatzaren 15ean egin zuten bezala, greba egingo dute Bilbao BBK Liveko zein Gasteiz, Donostia eta Bilboko jaietako egun banatan.
Pirinioetako abeltzainek hartzak zaintzeko eskatu dute, horien kopurua abeltzaintza estentsiboarekin "bateragarria" izan dadin
Ezkaroze eta Aribe herrietan, etxeetatik gertu dauden eremuetan, bi hartz ikusi dituzte asteburuan. Hartza hain gertu izateak kezka zabaldu du inguruko abeltzainen artean, abere taldeetan zer ondorio izango dituen beldur.
Tubos Reunidosko langileen batzordeak konpainiaren jarraipena bermatzeko eskatu du Diputatuen Kongresuan
Amurrioko lantegiko beharginen ordezkariak Diputatuen Kongresuko hainbat talderekin bildu dira, tartean Podemos eta EH Bildurekin, legez besteko proposamen bat aurkezteko. SEPIren zorra akzio bihurtzea eskatu dute, jarduera eta enplegua bermatzeko, hala nola plan industrial bat eta bankuei laguntzeko neurriak hartu ditzatela, besteak beste, BBVAri, akziodun eta hartzekodun gisa. Tubos Reunidosek 263 milioi euroko zorra duen hartzekodunen konkurtso bati aurre egin behar dio.
Arabako lantegietan aldi baterako lan erregulazioa aktibatzea proposatu du Tubacexek, eskaeren jaitsieragatik
Ormuzko itsasartea ixtearen ondorioz, eskaera-kopuru asko jaitsi delako proposatu du neurria. Alabaina, Iranen eta AEBren arteko akordioa gauzatzen bada, egoera alda daiteke.
Cl Group taldeak Papresa erosteko eskaintza onartu du epaitegi batek
Cristian Layri lotutako Extremadurako taldeak 39,3 milioi euroko eskaintza egin zuen, baina azkenean erosketaren zenbatekoa handiagoa izango da Donostiako Merkataritza Arloko Epaitegiaren arabera.