Sindikatuek arrakastatsutzat jo dute greba, baina Nafarroako Gobernuaren arabera % 21eko jarraipena izan du
Astelehen honetarako Nafarroako hezkuntza publikoan greba deitu duten sindikatuen (LAB, Steilas, CCOO, ELA eta UGT) arabera, "arrakastatsua" izan da gaurko mobilizazioa, eta lan baldintzen hobekuntza negoziatzeko eskatu diote Nafarroako Gobernuari.
Grebaren kariaz, Iruñean, lau zutabetan banatu dute manifestazio nagusia, eta Hezkuntza Departamentuaren egoitzaren aurrean batu dira guztiak.
"Negoziazioa orain", "Kalitatezko hezkuntza publiko baten alde", "Lan berdina, baldintza berdinak", "Bereizketarik ez" eta "Egonkortasuna! Kalitatezko Hezkuntza" dira pankartetan irakurri diren mezuetako batzuk, eta "Gastu militarra eskola eta ospitaleentzat", "Behin-behineko enpleguak porrota dakar" eta antzekoak oihukatu dituzte manifestariek.
Elkarretaratzean, UGTko Isabel Fernandezek komunikabideen aurrean azaldu du otsailaren 15ean egindako grebak ez duela fruiturik eman, eta horregatik deitu zutela bigarren lanuzte hau.
"Zuhurrak izan behar gara, baina baliteke gaurko lan etenaldiak % 50 inguruko jarraipena izatea, eta horrek esan nahiko luke deialdia oso arrakastatsua izan dela", esan du.
"Arrakasta da, halaber, ehun bat zentrok gure aldarrikapenekin bat egin izana", azpimarratu du.
Jarraipena % 21,3koa, Gobernuaren arabera
Nafarroako Gobernuko Hezkuntza Departamentuak, bere aldetik, grebaren jarraipena % 21,3koa izan dela adierazi du. Argitaratu dituzten datuen arabera, 13:00etan sare publikoko 2.024 irakaslek (1.440 emakumek eta 585 gizonek) egin dute bat deialdiarekin.
Haur Hezkuntzan, Lehen eta Bigarren Hezkuntzetan, Batxilergoan eta Lanbide Heziketan aritzen diren 11.033 irakasleetatik 1.536k (% 14,1ek) gutxiengo zerbitzuak bete behar zituzten. Gainerako 9.497 irakasleetatik 2.024 (% 21,3) izan dira grebarekin bat egin dutenak.
Carlos Gimeno Hezkuntza kontseilariaren hitzetan, sindikatuekin "sarritan" hitz egin ohi dute.
Eman dituen azalpenen arabera, urtarriletik, 11 aldiz bildu dira unibertsitatez kanpoko irakasleen mahai sektorialarekin. "Horietan sindikatuek ez dute soldata igoeraren gaia atera, badakitelako mahai orokorrera mugatzen den gaia dela", azaldu du.
Ratioen gaian eta behin-behinekotasunaren alorrean lortu dituzten aurrerapenak azpimarratu ondoren kontseilariak zehaztu duenez, "mahai sektorialean dauden sindikatu guztiek ez dute greba honekin bat egin". Grebarako eskubidearekiko "errespetu osoa" agertu du, baina "Hezkuntzak ez du presioak bultzatuta jokatzen, arrazoiak bultzatuta baizik", argitu du.
Zure interesekoa izan daiteke
Euriborrak % 2,855ean itxi du uztaila, mailarik altuena 2024ko irailetik
Ekainarekin alderatuta, tasa oinarrizko 6 puntu igo da.
Euroguneko inflazioa % 2,9an kokatu da uztailean, hamarren bat igota
Eurostatek argitaratu berri duen urte arteko tasa % 3,8koa da Espainian, ekainekoa baino bi hamarren handiagoa, eta % 2,4koa Frantzian, joan den hilean baino lau hamarren handiagoa. Energiaren esparruan igo da gehien inflazioa.
Gipuzkoako Moeve gasolindegietako langileek greba ziklo bati ekin diote, lan-baldintzak hobetzeko asmoz
Lehenengo lanuztea ostegunean hasi zen, 22:00etan, eta igandean amaituko da. Mobilizazioen artean, gaur elkarretaratzea egin dute AP-8 autobidearen Oiartzungo gasolindegian.
Gasolina eta gasolioa 6 zentimo baino gehiago garestitu dira litroko, Hidrokarburoen Zerga Bereziaren igoeraren ondorioz
Batez beste, gasolina depositua betetzeak duela urtebete baino 8,5 euro gehiago balio du, eta gasolio deposituak ia 16 euro gehiago, abuztuko irteera-operazio betean.
38 urteko langile bat oso larri zauritu da Alesbeseko kontserba-enpresa batean izandako istripuan
Foru Gobernuak zabaldutako oharraren arabera, langileari ur irakina erori zaio gainera, eta erredurak ditu gorputzaren % 80an.
Bazka erosketa bateratua aztertuko du Euskadik, lehorteak eragindako larre-eskasia dela eta
ENBA sindikatuko eta UAGA Arabako nekazarien elkarteko ordezkariak Eusko Jaurlaritzarekin bildu dira Lakuan, beroak eta euri faltak lehen sektorean eragindako kalteak aztertzeko.
Tubos Reunidosek 88,19 milioi euroko galera ekonomikoa izan du 2026ko lehen seihilekoan
Konpainiak nazioarteko arantzelek eragindako beherakadari eta enplegu-erregulazioko espedientearen negoziazioan zehar lantegietan izandako mobilizazioei egotzi die emaitza negatibo hori.
Etxebizitza-salerosketen kopurua % 8,2 igo da Nafarroan, eta % 13,6 jaitsi da EAEn, maiatzean
Notariotzaren Kontseilu Nagusiaren arabera, etxebizitzaren prezioa % 13,5 garestitu da Nafarroan eta EAEn, berriz, egonkor mantendu da.
BBVAk 6.051 milioi irabazi ditu ekainera arte, iaz baino % 11 gehiago, diru-sarrera errepikariek eta kredituen igoerak bultzatuta
Erakundeak akzioak berrerosteko ezohiko programa berri bat iragarri du, 2.000 milioi eurokoa. Lehenengo tartea, 1.000 milioikoa, abuztuaren 5ean hasiko da.
Urte arteko KPIa % 3,5eraino igo da uztailean Espainian, erregaien eta argindarraren igoeragatik
Azpiko inflazioa (energia eta elikagai freskoak kontuan hartzen ez dituena) hamarren bat igo da uztailean, % 3raino.