Gero eta elikagai gutxiago kontsumitzen dugu etxean
Etxean kontsumitzen dugun elikagai kopurua gero eta murritzagoa da. Hamarkada batean, Euskal Autonomia Erkidegoan, urtean 9 kg jaitsi da pertsona bakoitzak etxean kontsumitzen duena, EITB Datak egiaztatu duenez.
2012an EAEn, 669 kg kontsumitzen zuen biztanle bakoitzak etxean, Nekazaritza, Arrantza eta Elikadura Ministerioaren datuen arabera. 2022an, pertsona bakoitzak EAEn 587 kg elikagai kontsumitzen du. Datu horiek Espainiakoen oso antzekoak dira: 663 kg 2012an eta 577 kg 2022an. EAEn, 82 kg gutxiago hamar urtean, eta Espainian, 86 kg.
Nafarroan jaitsiera txikiagoa da. 2012an nafar bakoitzak 623 kg kontsumitzen zuen, eta 2022an, 603 kg. Hamar urteko epean, 20 kg gutxiago.
Jaitsierak ez du etenik izan. EAEn, urtero 9 kg gutxiago kontsumitu dira pertsona bakoitzeko (Espainian, 10 kg). Nafarroan, murrizketa horren ibilbidea lausoagoa izan da, urtean 2 kg gutxiago kontsumituta.
EITB Datak egindako azterketaren arabera, beherakada hori ohituren aldaketarekin lotuta dago. Etxeko kontsumoa murriztu den bitartean, etxetik kanpoko kontsumitua handitu da. Era berean, janaria prestatzeari denbora gutxiago eskaintzen diogu egunero.
Bestela, familiak txikiagoak izateak, gazte gutxiagorekin eta adineko pertsona gehiagorekin, eragina izan du kontsumo kopuruetan.
EITB Media
2022tik aurrera nabarmenagoa da beherakada
Azken urtean, gainera, inflazioaren eragina gehitu zaio. Familiek, elikagaien kontsumoa murrizteko eboluzioan dagoeneko sartuta, elikagaien prezioen igoerari aurre egin behar izan diete.
EAEn, 18 kg gutxiago kontsumitu du pertsona bakoitzak, 2022 eta 2023 alderatuta. Espainian, beherakada hori 37 kg-koa da. Gastua, ordea, igo egin da: 204 euro gehiago EAEn eta 163 euro gehiago Espainian.
Zure interesekoa izan daiteke
Babes zabala jaso du osasun publikoaren aldeko plataformek larunbaterako deitutako protestak
60 taldek baino gehiagok egin dute bat deialdiarekin. Manifestazioak 12:00etan abiatuko dira Bilbon (Jesusen Bihotza plazatik) eta Gasteizen (Bilbo plazatik), eta 17:00etan, Donostian (Boulevardetik).
Lan Ikuskaritzak ondorioztatu du Tubos Reunidoseko enplegu-erregulazioko espedienteak legea betetzen duela eta arrazoi ekonomikoak daudela
Espedienteak 240 langileri eragiten die: 177, Amurrioko lantegian, eta 63, Trapagaranen.
Etxeko hegaztien konfinamendua kendu dute, hegazti gripearen egoerak hobera egin baitu
Neurria 2025eko azarotik zegoen indarrean, eta bertan behera utzi da, kasurik ez dagoela egiaztatu baitute, eta tenperaturak gora egin duela ikusita.
Metroko bi zaintzailek salatu dute eraso "bortitza" jasan zutela Urdulizen
CCOO sindikatuak Metro Bilbaori eta enpresa esleipendunari eskatu die langileei baliabide egokiak emateko, "muturreko indarkeria" egoerei aurre egin ahal izateko.
Justiziak ez du onartu mediku gazatar bat Sidenorren aurkako akusazio partikular gisa aurkeztea, eta ez ditu kontuan hartuko Basauriko erregistroak
Akusazio partikularra erretiratu ostean, ezin izango dira Jose Antonio Jainaga eta beste bi zuzendari ikertu genozidio eta gizateriaren aurkako delituen konplize gisa. Siderurgia-enpresaren aurkako ikerketa zabalik dago Auzitegi Nazionalean, altzairua Israelgo enpresa batera esportatzeagatik, eta hori, ustez, armamentua fabrikatzeko erabiltzeagatik.
Voloteak txartelen prezioa erregaiaren kostuaren arabera igo eta jaitsi ahal izango du, 14 eurorainoko tartearekin, hegaldia baino astebete lehenago
Fair Travel Promise sistema berri eta aldakorraren bidez gehigarri finko tradizionalak ekidin nahi ditu konpainiak. Hala, airelineak txartelaren behin betiko salneurria erregaiaren prezioaren arabera doitzeko aukera izango du.
Hithiumen inbertsioa Nafarroan gauzatzeko akordioa sinatu dute Chivitek eta Txinako enpresak, Pekinen
Proiektuari esker 405 milioi euro inbertitu eta 700 lanpostu inguru sortuko dira, lehen fasean, Nafarroan, eta bigarren fasean mila lanpostu ere izan daitezke.
Tasa turistikoa Donostian: Hurtadok uste du ezinezkoa dela uda baino lehen ezartzea, eta Mendoza elkarrizketarako prest agertu da
Jon Insausti alkateak Donostiako tasa turistikoa uda aurretik ezartzea mahai gainean jarri ondotik, gaia pil-pilean dago: Javier Hurtado Turismo sailburuak Radio Euskadin adierazi du ez duela uste bideragarria denik 2027a baino lehen ezartzea, epe teknikoak direla eta. Bien bitartean, Eider Mendoza Gipuzkoako ahaldun nagusiak Euskadi Irratian esan du Gipuzkoako Batzar Nagusietan eztabaidatuko dutela, akordio batera iristeko.
Abian da errentaren kanpaina Bizkaian: % 70ek "itzultzeko" emaitza izango dute, zergadunen alde
Ekainaren 30era arte luzatuko da epea, eta Foru Ogasunak 683.000 errenta-aitorpen inguru aurkeztea aurreikusten du.
Osakidetzarako lan-eskaintzaren lehen probak ekainaren 19an, 20an eta 21ean egingo dira
Aurreko deialdiekin alderatua, badira zenbait berritasun: besteak beste, probaren nota gorde ahalko da, eta test motako azterketa bakarra egingo da. Guztira, 5.425 lanpostu eskainiko dira, eta 2.160 berriak izango dira.