EAEko herritarrek soldataren herena bideratzen dute hipoteka ordaintzera
Euskal Autonomia Erkidegoan iaz sinatu ziren hipoteken batez besteko kopurua 163.000 eurokoa izan zen, 2019an baino 13.000 euro gehiago, eta horiek ordaintzeko kuota batez beste 720 eurokoa da, Espainiako Estatuan baino 49 euro gehiago. Hala, herritarrek euren soldataren herena bideratu behar dute hipoteka ordaintzera, duela sei urte (% 26) baino lau puntu gehiago.
Interes-tasen igoerak —martxoan Euriborra % 3,64an kokatu zen— Araban, Bizkaian eta Gipuzkoan izandako inpaktu soziala neurtu du Eusko Jaurlaritzako Etxebizitzaren Euskal Behatokiak, eta gaur zabaldu ditu emaitzak. Horien arabera, zorpetze maila asko aldatzen da etxebizitzaren kokapenaren arabera: Gipuzkoan eta Bizkaian zorpetzea askoz altuagoa da, Araban baino.
Txostenaren ondorioetako bat da Euriborraren igoerak oraingoz ez diola eragin hipoteken kopuruari, goranzko joerari eusten baitio: 12,146 mailegu sinatu ziren 2013an, eta 22.905, berriz, iaz. Nolanahi ere, ikerketaren arabera, oraindik goiz da interes-tasen igoerak hipoteketan izango duen inpaktu erreala zein den jakiteko. 2023an ikusiko omen dira igoera horren eraginak familiei eta enpresei kreditua eskuratzeko orduan jarritako baldintzetan.
Hipoteken interes mota, baina, nabarmen aldatu da jada. 2022an izenpetutako hipoteken erdiek baino gehiagok interes finkoa zuten; orain sei urte, berriz, hipoteken % 90 interes aldakorrekoak ziren.
Halaber, 2023an eta 2024an hazi egingo da hipoteka ordaintzera soldataren % 30 baino gehiago (onargarritzat jotzen den langa) bideratu behar duten herritarren kopurua, Etxebizitzaren Euskal Behatokiaren azterketak jaso duenez.
Radio Euskadiko "Boulevard" saioan egin dioten elkarrizketan, Mario Yoldi Eusko Jaurlaritzako Etxebizitzako Plangintzaren eta Prozesu Eragileen zuzendariak zehaztu du urtebetean % 2 egin duela gora hipoteken kuotak. Horren iritzian, onargarria den langa gainditzear dago. Ez du uste, gainera, Euriborrak behera egingo duenik.
Horren aurrean, ahalegin bat egiteko eta bezeroei ezarritako baldintzak arintzeko eskatu die bankuei.
Albiste gehiago ekonomia
Eusko Jaurlaritzak Indartuz inbertsio funtsa sortuko du, eta 400 milioirekin hornituko du
Gainera, Finkatuz inbertsio funts publikoak estatutuak eguneratuko ditu enpresetan parte hartzeko irizpideak malgutzeko. Esaterako, ez da horretarako baldintza izango enpresak egoitza Euskadin izatea, eta nahikoa izango da lurraldean "eragina" izatea.
Mitxel Lakuntzaren arabera, CAFek Jerusalemen duen proiektua "ez da erabakigarria" enpresaren etorkizuna bermatzeko
ELAren idazkari nagusiak dioenez, "CAFek badaki tren hori hasieratik dela ilegala", eta proiektua babesteko eta "ilegalitatearekin jarritzeko argudio gisa darabilen txostena" egin duten adituak zeintzuk diren argitzeko eskatu dio enpresari. Euskadi Irratiko Faktorian hitz egin du asteazken goizean horren eta beste hainbat gairen inguruan.
Sindikatuek hiru orduko lanuztea eta hainbat manifestazio deitu dituzte euskal hiriburuetan, Gazako genozidioa salatzeko
Urriaren 15ean egingo duten lanuztearen berri eman dute LAB, CCOO, UGT, ESK, STEILAS, CGT/LKN, ETXALDE eta HIRU sindikatuek. Lanuzteak eta manifestazioak Espainiako Estatuko lantoki guztietan deitu dira.
CAFeko langileek ordu bateko lanuztea egin dute Jerusalemgo tranbiaren inguruan zuzendaritzak duen jarrera salatzeko
Ordubeteko lanuztearekin bat egin duten langileek elkarretaratzea egin dute CAFen bulego nagusien atarian. Enpresa Batzordeak enpresaren "zinismoa" salatu du Jerusalem tranbiaren proiektuaren inguruan duen jarreragatik, eta zuzendaritzari "NBEren argudioei aurre eginez bere irudia zuritzea" eta Israelen "tesiak onartzea" leporatu dio.
ELAk lanuztea deitu du urriaren 15erako enpresei, Eusko Jaurlaritzari eta Nafarroako zein Espainiako gobernuei Israelekin harremanak etetea eskatzeko
LAB, CCOO, Steilas, Solidari, Etxalde eta Hiru sindikatuek ere lanuzte orokorrak deitu dituzte Hego Euskal Herrian egun horretarako.
Donostian, 60 metro koadroko pisu baten alokairua 800 eurokoa izango da gehienez jota
Gipuzkoako erreferentziazko prezioen indizea Estatuko Aldizkari Ofizialean argitaratu ondoren, asteazken honetan indarrean sartuko da Gipuzkoako udalerri tentsionatuetan alokairuen prezioa mugatzeko aukera ematen duen araua. Irunen, 60 metro koadroko etxebizitza bat alokatzeko ezingo da 624 euro baino gehiago eskatu.
Jaurlaritzak hamarren bat igo ditu hazkunde-aurreikuspenak: % 2,2koa izango da aurten, eta % 1,9koa 2026an
Mikel Torres lehendakariorde eta Ekonomia, Lan eta Enplegu sailburuak adierazi duenez, Euskadik "ekonomia indartsua du, etorkizuneko erronkei aurre egiteko prest dago, eta nazioarteko edozein ziurgabetasunen aurrean egokitzeko gaitasuna du". Hazkunde horren gakoa barne-eskaria izango da.
Gipuzkoako erreferentziazko prezioen indizea argitaratu dute, asteazkenetik aurrera alokairuak mugatzeko
Donostian, Irunen, Errenterian, Lasarte-Orian eta Zumaian izango du eragina. Hileko errenta zehazteko, hainbat datu sartu beharko dira, hala nola katastroko erreferentzia eta higiezinaren helbidea, energia-ziurtagiria, planta eta kontserbazio-egoera. Horrela, higiezin horri aplikatu beharreko alokairu-prezioen tarte objektibo bat lortuko da.
BBVAk iragarri du azaroan akzio bakoitzeko 0,32 euroko dibidendua emango duela
Erakundearen "historiako dibidendu altuena" da, eta akzioen trukean parte hartuko duten Sabadell bankuko akziodunek ere jasoko dutela ziurtatu du bankuak.
Maderas de Llodioko langileek salatu dute erakundeek jarrera pasiboa dutela enplegu-erregulazioko espedientearen aurrean
Langileen batzordeak adierazi duenez, ekoizpenaren % 40 Laudiotik kanpo eramango lukete, eta horrek eskualdearen etorkizun ekonomikoa arriskuan jarriko luke.