Loli Garcia: "Etxebizitza eskubidea da gure herrian politika sozialak duen gabezia handiena"
CCOO sindikatuko idazkari nagusi Loli Garcia elkarrizketatu dute gaur, asteazkenarekin, Radio Euskadiko "Boulevard" saioan. Bertan, interes-tasen igoera eta horrek hipoteketan ekarri dituen ondorioak izan ditu hizpide, baita lau eguneko lanaldia ere.
"Etxebizitza eskubidea da gure herrian politika sozialak gaur egun duen gabezia handiena, eta horrek arazo handiak dakartza. Politika publikoak behar ditugu etxebizitza eskubidea bermatzeko. Alokairu soziala bultzatu behar da, eta interes-tasen aferan eskua sartu", nabarmendu du. Horretarako, banketxeek hipoteka aldakorretik finkorako aldaketak erraztu behar dituzte, horren aburuz. Egoera horren aurrean, Eusko Jaurlaritzak ez du pausorik eman, esan duenez, "etxebizitzaren erosketa pribatua gailentzen delako, oraindik ere".
Euskal Autonomia Erkidegoan lau eguneko lanaldia ezartzeko aukeraz galdetuta, CCOOko idazkari nagusiak uste du beharrezkoa dela lanorduak gutxitzea, "beharra eta bizitza pribatua uztartu ahal izateko".
Alabaina, argi du lanaldia murrizteko aukera bakarra ez dela lau eguneko txandan lan egitea. Garciak nabarmendu du CCOO sindikatua hasieratik egon dela murrizketa horrekin ados, "Confebask ez bezala". "Lan Sailari proiektu horretan parte hartzeko borondatea erakutsi diogu, eragile sozialok ere hor egon behar dugulako", erantsi du.
Juan Ugarte SEA Arabako enpresaburuen zuzendari nagusiak atzo egindako adierazpenei motzean erantzun die: "EAEn tarte handia dugu lanorduak murrizteko".
Zure interesekoa izan daiteke
CEBEKen ustez, lan-gatazkak "gizartearen aurrerabidearen aurkakoak dira"
CEBEK Bizkaiko patronalaren presidenteak, Guillermo Bucesek, lan-gatazkak "gizartearen aurrerabidearen kontrakotzat" jo ditu, eta sindikatu guztiei dei egin die enpresaburuekin eser daitezen haien arteko harreman-eredua aldatzeko.
ELA, LAB eta ESK Tubos Reunidoseko langileekin bilduko dira ostiralean
Batzarraren helburua da langile guztiei egoeraren balorazioa helaraztea eta greba mugagabeak eta hartzekodunen konkurtsoak markatutako aro berri honetarako jarduera-ildoak ezartzea.
Interinok Taldeak kalte-ordainen bidea ireki izana kritikatu du
Gorenak behin-behineko kontratazioan abusua jasan duten langileek kontratu finkoak lortzeko oposizioa gaindituta izatea beharrezkotzat jo ondoren, Egoitz Markaida Interinok Taldearen bozeramaileak adierazi du langile horiek lanpostua eskuratzeko baldintzak bete zituztela, eta, ondorioz, finko egin behar direla uste du.
Espainiako Gobernuak Tubos Reunidosen bideragarritasuna bilatzeko "bide guztiak" aztertuko dituela ziurtatu du Cuerpok
Josu Estarrona EH Bilduren senatariak egindako galderari erantzunez, Carlos Cuerpo Gobernuko lehen presidenteorde eta Ekonomia ministroak adierazi du Gobernuak "datozen asteetan" aztertuko duela Tubos Reunidosen egoera. Izan ere, gaur egun hartzekodunen konkurtsoan dago, eta konpromisoa hartu du "bide legal guztiak" aztertzeko, "estrategikotzat" jotzen duen enpresaren bideragarritasuna bilatzeko asmoz.
Nola eska dezaket emantzipaziorako dirulaguntza?
23 eta 29 urte bitarteko gazteek Emantzipa dirulaguntza eska dezakete gaurtik aurrera.
Epaileak Tubos Reunidosen konkurtso-administratzailea, enpresa eta sindikatuak deitu ditu hilaren 26rako
Tubos Reunidos taldeko zazpi sozietate borondatezko hartzekodunen konkurtsoan deklaratu ditu Gasteizko epaitegi batek, eta PKF Attest Concursal SL Profesional izendatu du konkurtso-administratzaile.
Gorenak ebatzi du behin-behinekotasunaren abusua jasan duen langileek oposizioa gaindituta izan beharko dutela plaza finkoa lortzeko
Gorenaren argudioa da oposizioa gainditu ez duten langileak finko egiteak Konstituzioa eta Langile Publikoen Estatutua urratuko lituzkeela.
Tubos Reunidosen zuzendaritzak autobusak jarri ditu, lanera itzuli nahi duten langileentzat
Greba mugagabearekin ez jarraitzea eta lanera itzultzea erabaki duten langileen eskariari erantzunez, langileak autobusez joan ahal izango dira Amurrioko lantegira. Pasa den ostegunean, 232 langilek greba amaitzearen eta berriro lan egitearen alde bozkatu zuten, ELA, LAB eta ESKk ordezkatutako gehiengoaren iritziaren aurka.
Langile bat larri zauritu da tren batek harrapatuta, Manzanosen (Araba)
Tren-zirkulazioa eten egin da, baina pixkanaka bere onera itzuli da 16:00ak alderako.
Murgan zabaldutako lantegi berriarekin hirukoiztu egingo dute Etorki eta Lana enpresek zur zerratuaren ekoizpena, eta 100 lanpostu sortuko dituzte
Etorki eta Lana kooperatibek aurten erabaki dute bat egite, guztira 300 langile baino gehiago dituzte eta 150 milioi euroko fakturazioa dute. Lantegiak 12,8 milioi euroko laguntza izan du Eusko Jaurlaritzarentzat, inbertsioaren % 20.