Alokairuak mugatzen dituen etxebizitzaren legea onartu dute Kongresuko Batzordean
Diputatuen Kongresuko Garraio, Mugikortasun eta Hiri Agendaren Batzordeak onartu egin du PSOEk, Unidas Podemosek, ERCk eta EH Bilduk azken hamalau hilabeteetan hitzartu duten Etxebizitza Eskubidearen aldeko Lege Proiektua, alokairuaren igoerak mugatuz, errentak maximo historikoetan daudenean.
Batzordearen irizpena datorren asteko osoko bilkuran bozkatuko dute. EAJ abstenitu egin da, eta PP, Vox, Cs, PDeCAT eta Coalicion Canariaren kontrako botoak jaso ditu irizpenak (aldeko 19 boto, kontrako 17 eta abstentzio bat).
Ideologikoa eta eskumenekoa izan den eztabaidan, Voxek eta Ciudadanosek lege hori bere garaian Konstituzioaren aurkakotzat joko dutela eta alokairu eskaintza kenduko dutela adierazi dute, horrek ekarriko duen prezioen igoerarekin.
Bestalde, EAJk eta PDeCATek uste dute autonomia erkidegoek soilik dituzten etxebizitza eskumenen inbasioa dela.
Iñigo Barandiaran EAJko diputatuak "oso bidezkoa den abstentzioa" justifikatu du, legeak "oinarrizko gaiei babesa ematen dielako". Hala ere, "beharrezkoa ez den lege" horrek "Estatuaren esku sartzeari alfonbra ipintzea" dakarrela esan du, eta erkidego bakoitzak "bere etxebizitza politika erabaki ahal izatea" defendatu du, "Gobernuari gustatu ez arren".
Gainera, alderdi politikoen "koherentziarik eza" kritikatu du, "subiranistak" direla adieraztearekin batera, eskumenen "birzentralizazioa" dakarrela onartzen dutelako, eta "pisu turistikoen arazoari" heldu gabe jarraitzen dutela salatu du.
Oskar Matutek (EH Bildu), berriz, legea defendatu du, "etxebizitzaren arazoan zerbait egin nahi duten botere publikoek hala egin dezaten bermatzeko aterki juridikoa" dela esanez.
Albiste gehiago ekonomia
Lan mahai bat osatu da Barrualde-Galdakao ESIko larrialdi zerbitzuaren egoera bideratzeko
Inplikatutako alderdi guztiek hartuko dute parte, “diskrezioz” lan eginda. Egoerak eztanda egin du, larrialdi zerbitzuetako langileen zati handi bat bajan dagoen garaian, zuzendari medikoak dimisioa eman duenean.
Eusko Jaurlaritzak hamarren bat apaldu du 2026rako hazkunde aurreikuspena eta % 1,7an kokatu du
Industria izango da ziurgabetasunak eta nazioarteko merkataritzaren moteltzeak gehien eragingo duen sektorea, kanpoko lehiak daukan eraginagatik.
Sindikatuek salatu dute Galdakaoko Ospitaleko zuzendaritza duela bi urtetik zela arazoaren jakitun
Galdakaoko larrialdi-zerbitzuetako langileek duela bi urte salatu zuten lan karga handiegia zutela, LAB sindikatuko Jesica Gondraren hitzetan. Adierazi duenez, zuzendaritzak urte biko epean ez du ezer egin baieztatu. Sindikatuen ustez, zuzendaritzak egoera baliatu nahi du langileen irudia zikintzeko, Gernikako larrialdi-zerbitzua gauez itxita.
Barrualde-Galdakao ESIaren zuzendari medikoak dimititu egin du, larrialdi-zerbitzuko langileen bajak direla eta sortutako krisi betean
Langileen batzordea eta zuzendaritza 13:00etan bilduko dira, Galdakao-Usansolo Ospitaleko Larrialdi Zerbitzuko egoera bideratzeko. Bertan, azken asteetan hainbat baja-mediko eta barne mugimenduak pilatu dira.
Auzitegi Gorenak atzera bota du ABRAren helegitea, eta 'Arabako Mahastiak' jatorri-deitura behin betiko baliogabetzea berretsi du
Uste du bederatzi urte hauetan "kalte larria" egin zaiela "Errioxa jatorri-deiturari, haren kideei, markari eta izen onari".
Gasteizko lorezainak lanera itzuli dira, gutxieneko zerbitzuak betetzeko
Gasteizko lorezainak lanera itzuli dira gutxieneko zerbitzuak betetzeko. Florida parkeko belarra mozten hasi dira. Belarra mozteko bost makina eta sasiak garbitzeko beste pare bat makinarekin ia hiru hilabetez ukitu gabe egon diren lorategiak zaintzen hasteko agindua jaso dute. Ezarritako zerbitzu minimoak gehiegizkoak eta justifikazio gabeak direla salatu dute lorezainek.
Hasi da hegaluzearen denboraldia: 8.000 kilo heldu dira Getariako portura
Datozen egunetan olatu handia espero da, euskal arrantzaleek hegaluze asko arrantzatu baitute kostaldetik gertu. Salneurria: 13 euro.
ELAk helegitea jarriko die Gasteizko lorezainei ezarritako gutxieneko zerbitzuei
Sindikatu abertzalearen ustez, "justifikaziorik gabekoak" dira eta "grebarako eskubidea urratzen dute". ELAk salatu duenez, "orain funtsezkotzat jotzen da baldintza prekarioak dituen lan bat".
Ekainaren 25etik eskatu ahal izango dira ibilgailu elektrikoak erosteko 7.000 eurorainoko dirulaguntzak
Eusko Jaurlaritzak Moves III 2025 plana martxan jarriko du, 14,9 milioi euroko partida bideratuta, mugikortasun elektrikoa sustatzeko eta autoak eta birkarga-puntuak erosteko dirulaguntzak emateko.
Euskadik Estatuko bigarren soldata-kosturik altuena izan du urteko lehen hiruhilekoan
Euskadin, soldaten kostua 2.543,50 eurokoa izan da lehen hiruhilekoan, eta Espainian, berriz, batez bestekoa 2.290,46 eurokoa.