Maiatzaren Lehena, Frantzian: 406 polizia eta 61 manifestari, zaurituta
Guztira, 406 polizia eta 61 manifestari zauritu dituzte bart Frantzian, Maiatzaren Lehenaren kariaz egindako protestetan, Gerald Darmanin Barne ministroak aurreratu duenez.
BFMTV telebista katean egin dioten elkarrizketan iragarri du 540 lagun hartu dituztela atxilo; horietako 305, Parisen. Ezker muturrari egotzi dizkio erasoak.
Hain zuzen ere, Jean-Luc Melenchon buruaren aurka egin du gogor. Poliziaren aurka gertatutako erasoak gaitzetsi ez izana aurpegiratu dio hari. "Erantzukizun handia du horretan", azpimarratu du ministroak.
Batez ere, Parisen zauritu duten polizietako baten osasun egoerarekin agertu da kezkatuta Darmanin, "hilzorian egon delako".
Parisko manifestazioa. EFE.
Gauzak horrela, indarkeria gaitzesten ez duten buruzagi politikoen eta sindikalen arteko konplizitateaz hitz egin du, eta ziurtatu du, poliziarik ezean, ez liratekeela posible izango Parisen Maiatzaren Lehenean egindako protestak, "demokrazia sozialik ez zelako egongo", horren hitzetan.
"Talde erradikalek eragiten duten arriskuari aurre egiteko, lege berri bat proposatu du Barne ministroak, identifikatuta dauden pertsonei manifestazioetan berriro parte hartzea galarazte aldera.
Halaber, Justiziari eskatu dio segurtasun indarren aurka oldartzen direnei zigor handiagoak ezartzea.
300 manifestazio inguru egin zituzten atzo Frantzia osoan, Gobernuak bultzatutako erretreten erreformaren aurka protesta egiteko, besteak beste. 782.000 lagun bildu ziren horietan, 112.000 inguru Parisen, Barne ministroaren arabera.
Zure interesekoa izan daiteke
OPEP+ek ekainerako petrolio eskaintza erabakiko du Vienan, mundu mailako energia krisiaren erdian
Zazpi ekoizle handi baino ez dira bilduko (Saudi Arabia, Errusia, Irak, Kuwait, Kazakhstan, Aljeria eta Oman) batzarrean, Arabiar Emirerri Batuek erakundea uztea erabaki ondoren.
Pentsiodunek gutxieneko pentsioak LGSra arte osatzea eskatuko dute berriz ere datorren ostegunean Gasteizen
Mobilizazio horrekin, Eusko Jaurlaritzari eta Legebiltzarrari gogorarazi nahi diete "ezin dela denbora gehiagoz luzatu gutxieneko pentsioen osagarria LGSraino iristeko konpromisoa, are gehiago bizitzaren kostua nabarmen garestitzen ari denean", defendatu dute pentsiodunek.
Euskal langileria kalera atera da Maiatzaren Lehenean
ELA eta LAB deialdi bereizietan atera dira kalera, ESK eta LSB-USO bezala; CCOO eta UGT, aldiz, elkarrekin mobilizatu dira.
Gutxieneko soldata propioa ezartzeko aldarriarekin "jarrera argia" eskatu dio ELAren idazkari nagusiak lehendakariari
1.500 euroko gutxieneko soldata propioa ezartzeko “patronala interpelatzen eta presionatzen” jarraitzeko prest agertu da Mitxel Lakuntza. Eskubide sozialen alde egiteaz gain, euskaraz bizitzeko eta lan egiteko eskubidea ere aldarrikatu du ELA sindikatuaren idazkari nagusiak.
Berdelaren kostera txarraren eragina arintzea lortu da, eta antxoaren bilakaera "hobea" izan da Euskadin
Arrantza-sektoreko ordezkariak kezkatuta agertu dira berdelaren egoerarekin, eta berreskuratze-neurrien beharra aztertzeko eskatu dute. Ildo horretatik, antxoari ezarritako kudeaketa-ereduaren eragin positiboa nabarmendu dute.
Maiatzaren 1eko mobilizazioetan, LGS propioa, pentsio eta soldata "duinak" eta etxebizitza eskubidea aldarrikatu dituzte
ELA eta LAB bakoitza bere aldetik atera dira kalera, ESK eta LSB-USO bezala; CCOO eta UGT, aldiz, elkarrekin mobilizatu dira. Alderdi politikoek ordezkariak bidali dituzte deialdi horietako askotara.
Lan eskubideak arriskuan daudela ohartarazi du Anduezak, eta Euskadiko LEPetako euskara eskakizunak kritikatu ditu
PSE-EEko buruaren esanetan, langileak mehatxupean daude eskuin eta ultraeskuinaren eta nazioarteko gerren ondorioz, baita EAJk eta EH Bilduk enplegu publikoan dituzten politiken ondorioz ere.
Tubos Reunidoseko langile talde batek Amurrioko greba mugagabeari buruzko erreferenduma egitea eskatu du
Enpresa batzordeak deituta, martxoaren 15etik daude greba mugagabean Amurrioko lantegian. ELAk, LABek eta ESK-k babestu zuten lanuztea, eta CCOO eta UGT kontra agertu ziren. Azken horiek hasieratik eskatu dute grebari buruzko erabakia erreferendumean hartzea.
Behargin bat hil da Zamudion, lan-istripuz
Langileak 61 urte zituen. Ezbeharra ostegun goizean gertatu da, Ugaldeguren industrialdean, eta biktima bertan hil da, osasun-zerbitzuek esku hartu duten arren. ELAk lan-istripua salaktzeko elkarretaratzea deitu du maiatzaren 5erako.
AAk 2,3 milioi lanpostu suntsitu ditzake datorren hamarkadan Espainian
Bereziki enplegatu administrarien eta erdi-mailako zein goi-mailako teknikarien taldeei eragingo lieke. Hala ere, AAri lotutako 1,61 milioi lanpostu berri inguru sortuko lirateke eta, horrek, suntsitutako lanpostuen zati handi bat konpentsatuko luke.