Etxebizitzaren prezioa % 3,1 igo da Euskadin eta % 5,8 Nafarroan urteko lehen hiruhilekoan
Etxebizitzaren prezioa % 3,1 garestitu da Euskadin 2023ko lehen hiruhilekoan, 2022ko aldi beraren aldean. Nafarroan, berriz, igoera % 5,8koa izan da; hau da, etxebizitza librearen prezioa bertan garestitu da gehien 2022ko lehen hiruhilekoaren eta aurtengo lehenengoaren artean, Estatistikako Institutu Nazionalak gaur argitaratutako datuen arabera.
Etxebizitza berriak % 3,8 garestitu dira Euskal Autonomia Erkidegoan, eta bigarren eskukoak, berriz, % 3. Nafarroako Foru Erkidegoan, berriz, etxebizitza berriak % 8,9 garestitu dira, eta bigarren eskukoak, % 4,3.
Espainian, oro har, etxebizitza % 3,5 garestitu da; beraz, etxebizitzaren prezioak 36 hiruhileko jarraian egin du gora. Halere, bi urtean izan duen gorakada txikiena izan da.
Lehen hiruhilekoan, etxebizitzaren prezioak gora egin du autonomia-erkidego guztietan. Nafarroan (% 5,8), Kantabrian (% 5,6) eta Kanariar Uharteetan (% 5,5) garestitu da gehien etxebizitzaren prezioa, eta Extremaduran (% 1,1), Gaztela-Mantxan (% 1,6) eta Murtzian (% 1,7) garestitu da gutxien.
Estatistikako Institutu Nazionalak urtero berrikusten du Etxebizitzen Prezioen Indizea. Indize horren helburu nagusia da Espainiako familiek erositako etxebizitza libreen salerosketa-prezioaren bilakaera neurtzea, bai etxebizitza berriena, bai bigarren eskukoena.
Etxebizitzen erosketa hondoratu egin da
Etxebizitzen salerosketa % 25,1 jaitsi da Euskadin eta % 25 Nafarroan apirilean, urtebete lehenagoko datuekin alderatuta, Notariotzaren Kontseilu Nagusiak gaur emandako datuen arabera.
Espainian, % 20,7ko jaitsiera izan da apirilean, aurreko urtearekin alderatuta; etxe bat erosteko hipoteka-maileguen emakida, berriz, % 31,9 hondoratu da, interes-tasen igoerak eta, ondorioz, finantzaketaren garestitzeak markatutako testuinguruan.
Zure interesekoa izan daiteke
Lekeitioko arrantzale bat hil da Senegalgo uretan
Bermeoko ATUNSA enpresako langilea zen. LAB sindikatuaren esanetan, "heriotza ez traumatiko" gisa sailkatu dute, eta enpresa horretan aurten izan den bigarren heriotza ez traumatikoa izan dela salatu du.
Pakistandarrak lanean esplotatzeagatik ikertutako hiru pertsonak aske utzi dituzte, Espainiatik irtetea galarazita
Ikertuek epailearen aurrean ez deklaratzeko eskubideari heldu diote, eta epaileak pasaportea kentzea eta hileko lehenengo egunean eta hamabosgarrenean epaitegian agertzea agindu du.
A-15 autobidea osorik zabalduko dute igandean, tunelak egokitzeko lanak guztiz amaitu ostean
Asteburuan behin-behineko seinaleak eta obrako gainerako elementuak kenduko dira eta, lanak bukatzeko, Andoain eta Berastegi artean itxita egongo da errepidea, ostiral gauetik igandera bitarte.
Iberdrolak 125. urteurrena ospatu du Bilbon, begirada "argindarraren aroan" jarrita
Iberdrolak bere 125. urteurrena ospatu du astearte honetan, Bilboko egoitzan. Erakundeetako eta enpresa munduko ordezkariak bildu ditu ekitaldiak, eta konpainiaren historia gogora ekarri dute. "Argindarraren aroa" deiturikoan jarri dute etorkizunerako begirada. Bere hitzartzean, Ignacio Sanchez Galan Iberdrolaren presidenteak esan du "euskal sustraiak" inoiz galdu ez dituen "proiektu integratzaile baten emaitza" dela gaur egungo konpainia.
Tubos Reunidosen interesa duten "inbertsore berriak" daudela dio Jauregi sailburuak, baina oraindik ez dago "proposamen zehatzik"
Mikel Jauregi Eusko Jaurlaritzako Industria, Trantsizio Energetiko eta Jasangarritasun sailburuaren hitzetan, Tubos Reunidosen zorra berregituratu eta langileak lanera itzuli izana funtsezko bi baldintza izan dira "inbertitzaile berriak erakartzeko".
Papresak erosteko eskaintza bakarra jaso du: CL Grupo Industrialek aurkeztu du proposamen loteslea
Papresa hartzekodunen konkurtsoan sartu eta lehen asteetan balizko iteresdun gehiago zeudela aditzera eman bazen ere, euskal talde bat barne, ez dira eskaintza gehiago aurkeztu ezarritako epearen barruan; CL Group enpresak (Cristian Layri lotutakoa) bakarrik egin du hura erosteko eskaintza loteslea.
Eusko Jaurlaritzak onetsi egin du Aiaran baterien biltegi bat eraikitzeko proiektua
Arena Green Assest 4, SLUren "PB Navegantes 31" proiektuak 23 milioi euroko aurrekontua du eta 30MW-ko potentzia instalatua, 20 oineko neurriko edukiontzietan dauden 18 biltegiratze unitaterekin, kontrol eta monitorizazio sistemak integratzeko.
Astigarraga, etxebizitza garestien dagoen Gipuzkoako hirugarren herria
Prezioa % 55 igo da 4 urtetan eta metro koadroa 5.228 eurotan saltzen da. Donostiaren eta Zarautzen atzetik, udalerririk garestiena da.
Monica Garciak uste du sindikatu mediku batzuek grebari eusteko aparteko interesa dutela
Espainiako Osasun ministroaren ustez, "mediku sindikatu batzuek pizgarriren bat dute gatazkari eusteko, eta Estatutu Markoak dakartzan hobekuntzak sektoreko profesionalengana iristea saihesteko edo atzeratzeko". Era berean, Aragoi, Nafarroa, Kantabria, Asturias eta Galiziako erkidegoek grebari amaiera ematea lortu dutela nabarmendu du, eta gainerako erkidegoei "euren lana egiteko" eskatu die, "profesionalen lan-baldintzak eskumen autonomikoen menpe daudelako".
Kalera atera dira berriro medikuak, protesta egitera, urteko laugarren greba astearen hasieran
Donostia Ospitaleko anestesista Elena del Valek kazetarien aurrean hitz egin du protestetako batean, eta ziurtatu du "itxaropentsuago" daudela, Euskadiko Medikuen Sindikatuaren bitartez, Osakidetzarekin bilerak hasi dituztelako, eta "badirudielako", aldarrikapenetako batzuk negoziatzen hasiko direla.