Langabezia-tasa %7,4ra arte jaitsi da bigarren hiruhilekoan EAEn
Langabezia tasak behera egin du Euskal Autonomia Erkidegoan 2023ko bigarren hiruhilekoan eta % 7,4an geratu da Eustatek, Euskal Estadistika Institutuak, gaur argitaratutako datuen arabera. Zehaztasunetara joaz, aurtengo lehen hiruhilekoarekin alderatuta, % 1,3 egin du behera eta, iazko garai berean baino % 1,1 txikiagoa da; iaz % 8,5ean baitzegoen.
Langabezian dauden pertsonen zenbakia ateratzeko kontuan hartzen dira enplegua bilatzen ari diren, bilaketarako kudeaketa aktiboak egiten dituzten eta, gainera, lan egiteko prest dauden pertsonak. Kasu honetan, bigarren lauhilekoan 77.600 pertsona dira lagabezian daudenak, aurrekoan baino 14.500 gutxiago. Emakume langabeen kolektiboa 38.400 pertsonakoa da; 8.600 gutxiago. Gizon langabeen kopurua ere jaitsi egin da, eta 5.900 gutxiago dira, eta guztira 39.200 dira hiruhilekoan.
Eustatek argitaratu dituen datuek diote, gainera, ekaina amaieran lehen hiruhilekoan baino 10.800 landun gehiago zeudela, orotara, 971.600 lagun.
Datuei lurralde historikoen arabera begiratuta, eta aurreko hiruhilekoarekin alderatuta, Bizkaian eta Gipuzkoan okupazioak gora egin du eta 8.900 eta 2.200 landun gehiago daude, hurrenez hurren. Araban kontrakoa da datua, 300 landun gutxiago zenbatu dira. Orokorrean, okupazioaren gorakadarik handiena emakumeen artean izan da (+7.600); gizonen kasuan, 3.200 landun gehiago daude.
16 eta 64 urte bitarteko biztanleria osoarekin alderatuta, adin tarte horretan dauden eta lana daukaten pertsonen ehunekoa izaten da okupazio tasa. Hiruhileko honetan ehuneko puntu bat igo da datua, aurreko hiruhilekoaren alderatuta, eta % 70,1ekoa da.
Industriak landunak galdu ditu
Okupazioak gora egin du sektore guztietan, industrian izan ezik. Azken honetan 800 landun gutxiago zeuden ekaina amaieran (- % 0,4). Zerbitzuen sektorean 8.600 landun gehiago dira (+ % 1,2), eraikuntzan 2.500 gehiago (+ % 4,6) eta lehen sektorean 500 gehiago (+ % 6,1).
Soldatapeko pertsonen kontratazio-modalitateari dagokionez, kontratu mugagabeak dituzten pertsonen kopuruak gora egin du. Aurreko hiruhilekoarekin alderatuta 11.100 gehiago dira eta aurreko urtearekin alderatuta, berriz, 51.400 gehiago.
Eusko Jaurlaritzako Ekonomia eta Ogasun Sailburu Pedro Aizpuruk azpimarratu nahi izan du langabezia tasa pandemiaren aurretik zegoena baino % 2,5 baxuagoa izan dela oraingoan. Bere iritzian, lan merkatuak "indartsu eusten dio eta erresilientzia maila oso altua" du. EAEko ekonomia ere "indartsu" dagoela adierazi du.
Zure interesekoa izan daiteke
Medikuek "benetako negoziazioa" eskatu dute, "greba mugagabea saihestu" nahi bada
"Lanbidearen garrantzia eta berezitasuna onartua izan arte", mobilizatzen jarraituko dutela ziurtatu du Euskadiko Medikuen Sindikatuak.
Deustobarometroaren arabera, etxebizitza da oraindik ere kezka nagusia Euskadin, eta galdetutakoen % 47k uste dute euskara eskakizunak gehiegizkoak direla enplegu publikoan
Etxebizitza da Euskadin kezka nagusia, eta osasun arloak garrantzia hartu du berriz herritarrak gehien kezkatzen dituzten arazoen artean. Deustobarometroak, gainera, euskararen egoerari, bizitzaren kostuarekiko kezkari eta etorkizuneko Estatutuan zerbitzu publikoak blindatzeari buruzko kezkak islatzen ditu.
Abian da Osakidetzako inoizko lan eskaintzarik handiena: 100.000 hautagai 3.700 lanpostutarako
Bederatzi kategoria profesionaletarako azterketak egingo dira BECen: Administrazioko eta kudeaketako goi mailako teknikaria, Fisioterapeuta, Laborategiko teknikari espezialista, Zeladorea, Erizaintzako laguntzailea, Zerbitzuetako langilea, Erizaina, Administrazioko laguntzailea eta Administraria.
Albiste izango dira: Saretzen mugikortasunari buruzko azterlana, Osakidetzako inoizko LEP handiena eta "Mitoaroa III"
Gaurkoan Orain-en albiste izango direnen laburpena, bi hitzetan.
Nafarroak etxebizitza berrien stocka agortu zuen 2025eko amaierarako, eta Euskadik % 0,23ra murriztu zuen
Urte amaieran, 2.502 etxebizitza zeuden saldu gabe Euskal Autonomia Erkidegoan (EAE). Espainiar Estatuan, berriz, saldu gabeko etxebizitza berrien stocka 452.670 etxebizitzakoa izan zen.
Zabalik dago Tubos Reunidos erosteko interesa agertzeko epea
Hartzekodunen konkurtsoa kudeatzen duen epaileak erosketa-prozesua aktibatu du eta konkurtso-administratzaileak prozesua bideratzeko jarritako arauak onartu ditu. Lehentasuna ematen dio talde osoa saltzeari.
Ekitaldi eta ikuskizunetako teknikariek greba egingo dute berriz
“Patronalaren pasibotasunaren aurrean”, maiatzaren 15ean egin zuten bezala, greba egingo dute Bilbao BBK Liveko zein Gasteiz, Donostia eta Bilboko jaietako egun banatan.
Pirinioetako abeltzainek hartzak zaintzeko eskatu dute, horien kopurua abeltzaintza estentsiboarekin "bateragarria" izan dadin
Ezkaroze eta Aribe herrietan, etxeetatik gertu dauden eremuetan, bi hartz ikusi dituzte asteburuan. Hartza hain gertu izateak kezka zabaldu du inguruko abeltzainen artean, abere taldeetan zer ondorio izango dituen beldur.
Tubos Reunidosko langileen batzordeak konpainiaren jarraipena bermatzeko eskatu du Diputatuen Kongresuan
Amurrioko lantegiko beharginen ordezkariak Diputatuen Kongresuko hainbat talderekin bildu dira, tartean Podemos eta EH Bildurekin, legez besteko proposamen bat aurkezteko. SEPIren zorra akzio bihurtzea eskatu dute, jarduera eta enplegua bermatzeko, hala nola plan industrial bat eta bankuei laguntzeko neurriak hartu ditzatela, besteak beste, BBVAri, akziodun eta hartzekodun gisa. Tubos Reunidosek 263 milioi euroko zorra duen hartzekodunen konkurtso bati aurre egin behar dio.
Arabako lantegietan aldi baterako lan erregulazioa aktibatzea proposatu du Tubacexek, eskaeren jaitsieragatik
Ormuzko itsasartea ixtearen ondorioz, eskaera-kopuru asko jaitsi delako proposatu du neurria. Alabaina, Iranen eta AEBren arteko akordioa gauzatzen bada, egoera alda daiteke.