Langabezia % 0,76 igo da EAEn, eta % 0,39 egin du behera Nafarroan
Uztailean langabeziak gora egin du eta afiliazioak behera Euskal Autonomia Erkidegoan. Aurreko hilean baino 796 langabe gehiago zenbatu zituzten (% 0,76 gehiago), eta horrenbestez, guztira 106.175 pertsona daude lan bila, Lanbideren datuen arabera.
Nolanahi ere, duela urtebeteko datuekin alderatuta, 5.019 pertsona gutxiago daude langabezian. Hain zuzen ere, 2008tik uztailean erregistratutako langabe kopururik txikiena izan da.
Bestalde, kontratu mugagabeak kontratazio guztien % 22,71 izan dira; hau da, 63.589tik, 14.444. Gehienbat, etxeko langileen eta eraikuntzaren sektoreetan egin dituzte tankera horretako kontratuak.
Gizarte Segurantzari dagokionez, afiliatuak 998.734 izan dira uztailean, aurreko hilabetean baino 4.220 gutxiago (% 0,42), baina iaz baino 16.713 gehiago (% 1,70).
Eusko Jaurlaritzak onartu du enplegagarritasunaren goranzko joera apaldu egin zela, baina uda garaian ohikoa izaten dela azaldu du. Alfonso Gurpegui Ruiz Enplegu eta Gizarteratzeko sailburuordearen hitzetan, "ez da aparteko zerbait, uda ez baita izaten Euskadiko enplegurako garairik onena". "Baina aurreikuspen guztien arabera, udazkenean susperraldi ekonomiko berri bat izango da", gehitu du.
Nafarroa
Bere aldetik, Nafarroan, langabeziak % 0,39 egin du behera uztailean, eta horren ondorioz, 114 pertsonak lortu dute enplegua. Orotara, 29.151 daude lan gabe Foru Erkidegoan. Iazko uztailari begiratuta, are handiagoa da jaitsiera, % 7,28koa (2.289 pertsona).
Halaber, ekaineko datuekin alderatuta, 1.250 afiliazio gehiago erregistratu dira uztailean, orotara, 305.106. Kopuru hori iazko uztailekoa baino % 0,9 handiagoa da eta aurtengo ekainekoa baino % 0,4 handiagoa.
Carmen Maeztu Eskubide Sozialetako kontseilariak esan du "zalantzarik gabe, irakurketa positiboa" egiten duela, langabezia jaitsi egin delako eta enplegua sortzen ari direlako Nafarroan. Bere hitzetan, Espainiako Gobernuak onartutako Lan Erreformari esker lortu dira hein handi batean datu hauek. Nolanahi ere, ohartarazi du datozen hilabeteotan "ekonomia moteltzea" aurreikusten dutela eta, ondorioz, datuak ez direla hain onak izango.
Estatua
Estatu osoa kontuan hartuta, 10.968 pertsona gutxiago daude lan barik, 2.677.874 guztira. 2008tik jazotako kopuru txikiena da.zzzz
Zure interesekoa izan daiteke
Gipuzkoan, hiru kontrataziotik bi goi-mailako ikasketak dutenek beteko dituzte
Unibertsitatera joan direnek zein graduondoa dutenek kontratuen % 47 biltzen dute, eta bereziki nabarmentzekoa da STEM profilen eskaera handia. Nolanahi ere, kontratazioa aurreikusten duten enpresa guztiek diote zailtasunak dituztela langileak aurkitzeko eta lanpostuak betetzeko.
Eusko Jaurlaritza, Gipuzkoako Foru Aldundia eta Papresako batzordea gaur arratsaldean bilduko dira, CL Groupen eskaintzaren ostean
Hitzordua arratsaldean izango da, Gipuzkoako Foru Jauregian, Extremadurako enpresak Errenteriako paper-fabrika 39 milioi euroren truke erostea planteatu baitu, plantillaren % 72ri eutsita. Langileek aurreratu dute ez dutela proposamena onartuko.
Egunean 188.000 petrolio upel gehiago ekoitziko ditu OPEP+ aliantzak ekainetik aurrera
Bestalde, merkatuaren egoera gertutik aztertzen jarraitzeko konpromisoa hartu dute aliantza osatzen duten herrialdeek, eta berretsi dute garrantzitsua dela "ikuspegi zentzuduna" izatea, "baita ekoizpenaren doikuntza handitzeko, gelditzeko edo kentzeko malgutasuna izatea ere".
Pentsiodunek gutxieneko pentsioak LGSra arte osatzea eskatuko dute berriz ere datorren ostegunean Gasteizen
Mobilizazio horrekin, Eusko Jaurlaritzari eta Legebiltzarrari gogorarazi nahi diete "ezin dela denbora gehiagoz luzatu gutxieneko pentsioen osagarria LGSraino iristeko konpromisoa, are gehiago bizitzaren kostua nabarmen garestitzen ari denean", defendatu dute pentsiodunek.
Euskal langileria kalera atera da Maiatzaren Lehenean
ELA eta LAB deialdi bereizietan atera dira kalera, ESK eta LSB-USO bezala; CCOO eta UGT, aldiz, elkarrekin mobilizatu dira.
Gutxieneko soldata propioa ezartzeko aldarriarekin "jarrera argia" eskatu dio ELAren idazkari nagusiak lehendakariari
1.500 euroko gutxieneko soldata propioa ezartzeko “patronala interpelatzen eta presionatzen” jarraitzeko prest agertu da Mitxel Lakuntza. Eskubide sozialen alde egiteaz gain, euskaraz bizitzeko eta lan egiteko eskubidea ere aldarrikatu du ELA sindikatuaren idazkari nagusiak.
Berdelaren kostera txarraren eragina arintzea lortu da, eta antxoaren bilakaera "hobea" izan da Euskadin
Arrantza-sektoreko ordezkariak kezkatuta agertu dira berdelaren egoerarekin, eta berreskuratze-neurrien beharra aztertzeko eskatu dute. Ildo horretatik, antxoari ezarritako kudeaketa-ereduaren eragin positiboa nabarmendu dute.
Maiatzaren 1eko mobilizazioetan, LGS propioa, pentsio eta soldata "duinak" eta etxebizitza eskubidea aldarrikatu dituzte
ELA eta LAB bakoitza bere aldetik atera dira kalera, ESK eta LSB-USO bezala; CCOO eta UGT, aldiz, elkarrekin mobilizatu dira. Alderdi politikoek ordezkariak bidali dituzte deialdi horietako askotara.
Lan eskubideak arriskuan daudela ohartarazi du Anduezak, eta Euskadiko LEPetako euskara eskakizunak kritikatu ditu
PSE-EEko buruaren esanetan, langileak mehatxupean daude eskuin eta ultraeskuinaren eta nazioarteko gerren ondorioz, baita EAJk eta EH Bilduk enplegu publikoan dituzten politiken ondorioz ere.
Tubos Reunidoseko langile talde batek Amurrioko greba mugagabeari buruzko erreferenduma egitea eskatu du
Enpresa batzordeak deituta, martxoaren 15etik daude greba mugagabean Amurrioko lantegian. ELAk, LABek eta ESK-k babestu zuten lanuztea, eta CCOO eta UGT kontra agertu ziren. Azken horiek hasieratik eskatu dute grebari buruzko erabakia erreferendumean hartzea.