OCUk salatu du Espainian oliba-olioa Italian, Frantzian eta Portugalen baino "askoz garestiagoa" dela
Kontsumitzaileen eta Erabiltzaileen Erakundeak (OCU) salatu duenez, oliba-olioaren prezioa "izugarri" garestitu da, eta "gutxi batzuek" baino ezin dute erosi. Aldi berean, Nekazaritza, Arrantza eta Elikadura Ministerioari (MAPA) eskatu dio "berehalako ikuskapenak" egin ditzala, oliba-olioaren ekoizpen-katearen kontrola bermatzeko, "gehiegikeriak eta espekulazioa saihesteko".
"Kontrol horren helburua gehiegikeriak saihestea eta kontsumitzaileei zein nekazariei kalte handia eragiten dien espekulazioa prebenitzea da", nabarmendu du OCUk.
Zehazki, OCUk prentsa-ohar baten bidez jakinarazitakoaren arabera, oliba-olio birjina estra % 15,4 garestitu da uztaileko lehen hamabostalditik (% 30etik gora kasu batzuetan), eta litro bat "erraz" iristen da 10 eurora.
Horrez gain, zehaztu du ez direla "uste hutsetan" oinarritzen; izan ere, uztailaren hasieran oliba-olio birjina estra saltzen duten 19 markak 10 supermerkatu katetan zuten prezioa abuztu amaieran erregistratutakoarekin alderatu du OCUk. Prezioen igoera orokorra izan da, eta aztertutako kate guztietako ia marka guztietan nabari da, gainera.
Horrez gain, Espainian oliba-olioaren prezioa inguruko herrialdetakoa (Italia, Frantzia eta Portugal) baino "askoz altuagoa" dela salatu du. Erakundearen arabera, marka zuriko oliba-olio birjina estra Espainian Italian baino % 6 garestiago dago, Frantzian baino % 16 garestiago eta Portugalen baino % 27 garestiago.
Erakundearen ustez, "esplikaezina" da, Espainia oliba-olioaren munduko ekoizle nagusia izanik, gaur egun kategoria goreneko olioaren prezioak inguruko herrialdeetakoak baino "nabarmen garestiagoak" izatea.
Zure interesekoa izan daiteke
Gipuzkoarrek bizkaitarrek baino merkeago dute Bilbo-Donostia autobus zerbitzua, baina Facuak berdintasuna eskatu du
Zerbitzua ematen duten Avanza enpresak Mugi txartela onartzen du eta deskontuak aplikatzen ditu, baina ez du Barik txartela onartzen. Gipuzkoako Foru Aldundiak du linea horren gaineko eskumena.
Euskal Y-aren eta Nafarroaren arteko lotura urtea amaitu aurretik erabakiko dela esan du Santanok
Espainiako Gobernua lotura Gasteiztik edo Ezkiotik egitea aztertzen ari da. Dena den, eztabaida irabazle eta galtzaile terminoetan egitea baztertu du Jose Antonio Santano Espainiako Gobernuko Garraio eta Mugikortasun Jasangarriko estatu idazkariak Radio Euskadin gaur egin dioten elkarrizketan.
Eusko Jaurlaritza kezkatuta agertu da medikuen grebarekin, Osasun Ministerioak eta greba batzordeak astelehenean bilera egin atarian
Sindikatuek mobilizazio egutegiari eutsi diote, eta akordiorik lortu ezean, apirilaren 27tik 30era greba egingo dute berriro.
Berako Arcelorreko beharginek salatu dute lantegiko mediku-arreta kaskartzen ari dela
ELA sindikatuak salatu du, besteak beste, istripua izan duten langileak —baita lesio larriak dituztenak ere— birkokatu egiten dituztela, dagokien baja medikoa eman beharrean. Hori dela eta, ostegunero lanuzteak egingo dituzte, osasasun arreta kaskartu egin dela salatzeko.
ELAk eta LABek lanuzteak deitu dituzte udal guztietan, apirilaren 23tik aurrera, lan baldintzen gaineko akordioa berritzeko
Sindikatuek lanuzteak eta grebak iragarri dituzte apirilean, maiatzean eta ekainean, lan hobekuntzak aldarrikatzeko eta 28.000 udal langileren baldintzak arautzen dituen akordioaren negoziazioa desblokeatzeko.
Berretsi egin dute Aceros Olarra enpresari ezarritako zigorra, amiantoaren ondorioz hildako behargin baten heriotza ikertzeko auzian
EAEko Justizia Auzitegi Nagusiak berretsi egin du Bilboko epaitegi baten ebazpena. Horren arabera, Cofivacasa sozietate publikoa eta Aceros Inoxidables Olarra enpresa zigortu zituen, eta langilearen familiari 153.000 euro baino gehiago ordaindu behar dizkiote, bien artean, amiantoak biriketako kartzinoma eragin ziola ebatzita.
ESK sindikatuak bi greba egun deitu ditu Gasteizko Mercedes Benz lantegian
Protesta apirilaren 25ean eta 27an izango da, eta salatu nahi dute zuzendaritza “eten barik” urratzen ari dela hartutako akordioak.
Zumaiako Estaños Matienako langileak grebara joango dira apirilaren 13tik 17ra, lan segurtasunean hobekuntzak aldarrikatzeko
Langileek "euren osasuna eta segurtasuna bermatzea" eskatu dute, hainbat istripu izan baitira lantegian, besteak beste, urtarrilaren 31n langile gazte bat hil zen, lan-istripuz.
Ekialde Hurbileko su-eten hauskorrak urduri ditu parketak
Petrolioaren prezioa % 2 inguru igo da lehen orduko enkanteetan. Asiako burtsek galerekin zabaldu dute, eta Europako eta Estatu Batuetako burtsetan ere beherakadak aurreikusi dira.
Euskalduna Jauregiko garbitzaileek bost greba-egun deitu dituzte, soldatak parekatzea aldarrikatzeko
Apirilaren 14tik 18ra egingo dute greba. ISS Facility zerbitzuaren enpresa esleipenduneko langileek salatu dutenez, urtean 18.000 euro inguru kobratzen dituzte, eta Bizkaiko Foru Aldundiko beste eraikin batzuetako garbiketako beste langile batzuek, berriz, 27.000 euro.