Petronor hidrogeno berdea ekoizten hasi da EAEn jarri duen lehen elektrolizagailuan
Petronorrek hidrogeno berriztagarria ekoizteari ekin dio Muskizko findegian jarri duen lehen elektrolizagailuan. 2,5 megawatteko potentzia duen instalazioak urtean 350 tona hidrogeno berriztagarri ekoiztuko ditu.
Elektrolizagailua ur molekulatik hidrogenoa eta oxigenoa bereizteko aparatua da, eta hori egiteko energia berriztagarria erabiltzen da.
Guztira, 11 milioi euroko inbertsioa egin da elektrolizagailua martxan jartzeko eta hidrogeno berriztagarriaren ekoizpen eta banaketarako behar diren azpiegiturak gauzatzeko.
Petronorrek Muskizen ekoiztutako hidrogeno berriztagarria Energy Intelligence Center eta konpainiak Abantoko Teknologia Parkean dituen bulego berriak hornitzeko erabiliko da.
Gainera, hidrogeno berriztagarri hau parkeko mugikortasun-plataforma logistikoko lehen autobus eta ibilgailu astunetan ere erabiliko da. Hori guztia, EVEk eta Repsolek bultzatuta egingo da.
Sortutako energia Petronorren findegitik Energy Intelligence Centerreraino eramateko beharrezkoak diren hidroduktu guztiak Nortegasek garatu ditu.
Emiliano Lopez Atxurra Petronorreko presidenteak gaur nabarmendu duenez, Europako teknologiarekin ekoiztutako lehen hidrogeno berriztagarria da. "Mugaz gaindiko lankidetzan oinarritutako teknologiaren aldeko apustu honek hidrogeno berriztagarriaren Europako industriaren garapena erraztuko du, energia deskarbonizatuaren iturritzat ezartzeko behar diren azpiegitura guztiak barne", gaineratu du.
Elektrolizagailuak Europako industriaren transformazioan eta berrikuntzan lagunduko duela azpimarratu du Josu Jon Imaz Repsoleko kontseilari ordezkariak.
Urkullu lehendakariak Euskadiren papera goraipatu eta "berriztagarrien eta lankidetza publiko-pribatuaren ereduaren aldeko apustua" berretsi du.
Zure interesekoa izan daiteke
Tubos Reunidosko langileen batzordeak grebari eutsi dio, eta asteazken honetan zuzendaritzarekin biltzeko zain dago
Tubos Reunidos enpresako langileek elkarretaratzea egin dute astearte honetan enpresaren Bilboko bulegoen aurrean, enpresak hartzekodunen borondatezko konkurtsoa aurkeztu eta biharamunean. Tubos Reunidosek 1.300 langile inguru ditu, eta 260 milioi eurotik gorako zorra pilatuta.
Apirilean, 3.368 langabe gutxiago zenbatu dituzte EAEn, eta 833 gutxiago, Nafarroan
Urtearteko datuak alderatuta, langabeziak behera egin du bai EAEn (-3.006) eta baita Nafarroan ere (-588).
Tubos Reunidosek hartzekodunen konkurtsoa aurkeztu du
Enpresak maiatzaren 6an bilera egingo du Trapagaran eta Amurrioko langile batzordeekin. Bestalde, Amurrioko greba mugagabearekin jarraitu ala ez erabakitzeko asanblada egin ahal izateko beharrezkoak ziren 235 sinadurak aurkeztu dituzte Lan Ikuskaritzaren aurrean.
Medikuek mahai sektoriala eratzea eskatu dute, “Osakidetzaren egitura aldatzeko”
Salatu dutenez, lanean jasaten duten "gainkargak" etengabe luzatzen diren "agenda txikle" deritzonak eragiten dizkie, eta horrek haien osasunerako kaltegarria da.
Gipuzkoan, hiru kontrataziotik bi goi-mailako ikasketak dutenek beteko dituzte
Unibertsitatera joan direnek zein graduondoa dutenek kontratuen % 47 biltzen dute, eta bereziki nabarmentzekoa da STEM profilen eskaera handia. Nolanahi ere, kontratazioa aurreikusten duten enpresa guztiek diote zailtasunak dituztela langileak aurkitzeko eta lanpostuak betetzeko.
Eusko Jaurlaritza, Gipuzkoako Foru Aldundia eta Papresako batzordea gaur arratsaldean bilduko dira, CL Groupen eskaintzaren ostean
Hitzordua arratsaldean izango da, Gipuzkoako Foru Jauregian, Extremadurako enpresak Errenteriako paper-fabrika 39 milioi euroren truke erostea planteatu baitu, plantillaren % 72ri eutsita. Langileek aurreratu dute ez dutela proposamena onartuko.
Egunean 188.000 petrolio upel gehiago ekoitziko ditu OPEP+ aliantzak ekainetik aurrera
Bestalde, merkatuaren egoera gertutik aztertzen jarraitzeko konpromisoa hartu dute aliantza osatzen duten herrialdeek, eta berretsi dute garrantzitsua dela "ikuspegi zentzuduna" izatea, "baita ekoizpenaren doikuntza handitzeko, gelditzeko edo kentzeko malgutasuna izatea ere".
Pentsiodunek gutxieneko pentsioak LGSra arte osatzea eskatuko dute berriz ere datorren ostegunean Gasteizen
Mobilizazio horrekin, Eusko Jaurlaritzari eta Legebiltzarrari gogorarazi nahi diete "ezin dela denbora gehiagoz luzatu gutxieneko pentsioen osagarria LGSraino iristeko konpromisoa, are gehiago bizitzaren kostua nabarmen garestitzen ari denean", defendatu dute pentsiodunek.
Euskal langileria kalera atera da Maiatzaren Lehenean
ELA eta LAB deialdi bereizietan atera dira kalera, ESK eta LSB-USO bezala; CCOO eta UGT, aldiz, elkarrekin mobilizatu dira.
Gutxieneko soldata propioa ezartzeko aldarriarekin "jarrera argia" eskatu dio ELAren idazkari nagusiak lehendakariari
1.500 euroko gutxieneko soldata propioa ezartzeko “patronala interpelatzen eta presionatzen” jarraitzeko prest agertu da Mitxel Lakuntza. Eskubide sozialen alde egiteaz gain, euskaraz bizitzeko eta lan egiteko eskubidea ere aldarrikatu du ELA sindikatuaren idazkari nagusiak.