Alokairua ordaintzeko laguntza berria emango du Eusko Jaurlaritzak, epemugarik gabe
Eusko Jaurlaritzako Etxebizitza Sailak dirulaguntza berri bat emango du aurki alokairu soziala eskuratzeko edota, halakorik ezean, hilero merkatu libreko alokairuzko etxebizitza bat ordaintzea errazteko. Euren egoera ekonomikoa tarteko etxebizitzarako eskubide subjektiboa aitortuta ez duten horiei zuzenduta dago.
Jaurlaritzak gaur onartu du, hain justu, eskubide hori arautzen duen dekretua, eta urriaren 25ean sartuko da indarrean. Iñaki Arriola Lurralde Plangintza, Etxebizitza eta Garraio sailburuak gobernu bileraren osteko prentsaurrekoan azaldu ditu prestazio berri hori eskatzeko baldintzak eta xehetasunak. Aurreratu duenez, 18.000 pertsonari lagunduko dielakoan daude, hots, gaur egun baino 10.000 pertsona gehiagori.
Etxebizitza bat edukitzeko eskubide subjektiboa 2015eko legean zegoen jasota, baina ez zegoen araututa. Dena dela, azken zortzi urteotan pixkanaka-pixkanaka aitortu du eskubide hori: aurrena, hiru kide baino gehiagoko familiei eta, gerora, bi kideko eta pertsona bakarreko bizikidetza unitateei. Gaur-gaurkoz, 8.200 lagunek jasotzen dute etxebizitzarako laguntza.
Arauaren arabera, gizarte bazterketarako arriskuan dauden pertsonak "etxebizitza duin eta egoki" baterako eskubidea dute, eta Jaurlaritzari dagokio eskubide hori bermatzea.
Gaur onartu duten dekretuak laguntza eskatzeko baldintzak zehazten ditu. Apenas aldatu dira, baina bi moldaketa erantsi dituzte: laguntzak ez du epemugarik izango (etxebizitza prestazio osagarriak, adibidez, bi urteko muga du), eskatutako diru-sarrera maximoak igo dituzte (DSBEren legearekin bat egiteko) eta Etxebiden hiru urtez egon beharko da izena emanda (lehen lau ziren).
Arriolak azaldu du prestazio berri hau jaso behar dutenek eskaria bete egin behar dutela. Sei hilabeteko epean, egungo Etxebizitzarako Prestazio Osagarria (EPO) ordezkatuko du gaur iragarritako laguntzak, eta Eusko Jaurlaritzak trantsizio-plan berezi bat prestatu du, osagarri bat jasotzetik bestea jasotzera igarotzeko, hala dagokien kasuetan. Hala, urtebeteko epean automatikoki egingo da batetik besterako aldaketa. Epe horretan, hori bai, etxebizitzarako eskubide subjektiboa aitortzea eskatu beharko dute laguntza jaso nahi duten herritarrek.
Zure interesekoa izan daiteke
Medikuek "benetako negoziazioa" eskatu dute, "greba mugagabea saihestu" nahi bada
"Lanbidearen garrantzia eta berezitasuna onartua izan arte", mobilizatzen jarraituko dutela ziurtatu du Euskadiko Medikuen Sindikatuak.
Deustobarometroaren arabera, etxebizitza da oraindik ere kezka nagusia Euskadin, eta galdetutakoen % 47k uste dute euskara eskakizunak gehiegizkoak direla enplegu publikoan
Etxebizitza da Euskadin kezka nagusia, eta osasun arloak garrantzia hartu du berriz herritarrak gehien kezkatzen dituzten arazoen artean. Deustobarometroak, gainera, euskararen egoerari, bizitzaren kostuarekiko kezkari eta etorkizuneko Estatutuan zerbitzu publikoak blindatzeari buruzko kezkak islatzen ditu.
Abian da Osakidetzako inoizko lan eskaintzarik handiena: 100.000 hautagai 3.700 lanpostutarako
Bederatzi kategoria profesionaletarako azterketak egingo dira BECen: Administrazioko eta kudeaketako goi mailako teknikaria, Fisioterapeuta, Laborategiko teknikari espezialista, Zeladorea, Erizaintzako laguntzailea, Zerbitzuetako langilea, Erizaina, Administrazioko laguntzailea eta Administraria.
Albiste izango dira: Saretzen mugikortasunari buruzko azterlana, Osakidetzako inoizko LEP handiena eta "Mitoaroa III"
Gaurkoan Orain-en albiste izango direnen laburpena, bi hitzetan.
Nafarroak etxebizitza berrien stocka agortu zuen 2025eko amaierarako, eta Euskadik % 0,23ra murriztu zuen
Urte amaieran, 2.502 etxebizitza zeuden saldu gabe Euskal Autonomia Erkidegoan (EAE). Espainiar Estatuan, berriz, saldu gabeko etxebizitza berrien stocka 452.670 etxebizitzakoa izan zen.
Zabalik dago Tubos Reunidos erosteko interesa agertzeko epea
Hartzekodunen konkurtsoa kudeatzen duen epaileak erosketa-prozesua aktibatu du eta konkurtso-administratzaileak prozesua bideratzeko jarritako arauak onartu ditu. Lehentasuna ematen dio talde osoa saltzeari.
Ekitaldi eta ikuskizunetako teknikariek greba egingo dute berriz
“Patronalaren pasibotasunaren aurrean”, maiatzaren 15ean egin zuten bezala, greba egingo dute Bilbao BBK Liveko zein Gasteiz, Donostia eta Bilboko jaietako egun banatan.
Pirinioetako abeltzainek hartzak zaintzeko eskatu dute, horien kopurua abeltzaintza estentsiboarekin "bateragarria" izan dadin
Ezkaroze eta Aribe herrietan, etxeetatik gertu dauden eremuetan, bi hartz ikusi dituzte asteburuan. Hartza hain gertu izateak kezka zabaldu du inguruko abeltzainen artean, abere taldeetan zer ondorio izango dituen beldur.
Tubos Reunidosko langileen batzordeak konpainiaren jarraipena bermatzeko eskatu du Diputatuen Kongresuan
Amurrioko lantegiko beharginen ordezkariak Diputatuen Kongresuko hainbat talderekin bildu dira, tartean Podemos eta EH Bildurekin, legez besteko proposamen bat aurkezteko. SEPIren zorra akzio bihurtzea eskatu dute, jarduera eta enplegua bermatzeko, hala nola plan industrial bat eta bankuei laguntzeko neurriak hartu ditzatela, besteak beste, BBVAri, akziodun eta hartzekodun gisa. Tubos Reunidosek 263 milioi euroko zorra duen hartzekodunen konkurtso bati aurre egin behar dio.
Arabako lantegietan aldi baterako lan erregulazioa aktibatzea proposatu du Tubacexek, eskaeren jaitsieragatik
Ormuzko itsasartea ixtearen ondorioz, eskaera-kopuru asko jaitsi delako proposatu du neurria. Alabaina, Iranen eta AEBren arteko akordioa gauzatzen bada, egoera alda daiteke.