Nafarroako pentsiodunek 1.080 euroko gutxieneko pentsioa aldarrikatu dute Iruñean
Ehunka pertsona kalera atera dira larunbat honetan Iruñean, 1.080 euroko gutxieneko pentsioaren aldeko manifestazioan, "AHORA 1.080 € ORAIN" Herri Ekimenaren deialdiari erantzunez. Ekimen hori hogei kolektibo sozial, feminista, pentsiodun, sindikal, kultural eta gaztek baino gehiagok osatzen dute.
Manifestariak Baluarteko plazan bildu dira, eta Iruñeko erdigunea zeharkatu dute Sarasate pasealekuko Foruen Monumenturaino. Zeramatzaten karteletan, besteak beste, honakoak irakur zitezkeen: "1.080 euro, gutxieneko pentsioa", "Orain, orain, 1.080 euro" eta "Guztiontzako pentsio duin baten alde. Greba Feminista Orokorra".
Parte-hartzaile askok txaleko berdeak zeramatzaten eta honako leloak ohiukatu dituzte: "1.080 baino gutxiagorekin ez zaizkigu kontuak aterazten", "Hemen, orain, 1.080 euro" eta "Enplegu duinak, pentsio justuak".
Martxa Sarasate pasealekura iritsi denean, ohar bat irakurri dute, eta manifestazioa babestu duten kolektiboek salaketa bat egin dute: "Gero eta gehiago dira gizartean diru-sarrera duin bat kobratzen ez duten sektoreak".
Ildo horretan, esan dute 2024rako foru aurrekontuetan gutxieneko pentsioaren osagarri bat ezartzea, 14 ordainsaritan 1.080 eurora iristeko, ez dela "ez ezinezkoa, ezta apartekoa ere".
Neurri horrek, gaineratu dutenez, "pobreziaren atalasearekin gutxieneko pentsioa eguneratzeko bidean jarriko gintuzke, Europako Gutun Sozialak ezartzen dituen diru-sarreren nahikotasun-irizpideetan".
Manifestazioaren amaieran irakurritako manifestuaren arabera, Nafarroan 1.080 eurotik beherako pentsioa kobratzen duten hamar pertsonatik ia zazpi emakumeak dira, eta, horrela, "beste behin ere argi geratu da pentsioetan dagoen genero-arrakala ukaezina dela".
"Borroka hori Errenta Bermatua handitzeko eskaerarekin lotzen da, zailtasun ekonomikoak dituzten familiei gutxieneko diru-sarrerak bermatzeko", gaineratu dute.
Zure interesekoa izan daiteke
Justiziak errefusatu egin du mediku gazatar bat Sidenorren aurkako akusazio partikular gisa aurkeztea, eta ez ditu kontuan hartuko Basauriko erregistroak
Akusazio partikularra erretiratu ostean, ezin izango dira Jose Antonio Jainaga eta beste bi zuzendari ikertu genozidio eta gizateriaren aurkako delituen konplizitateagatik. Siderurgia-enpresaren aurkako ikerketa zabalik dago Auzitegi Nazionalean, altzairua Israelgo enpresa bati esportatzeagatik eta hori ustez armamentua fabrikatzeko erabiltzeagatik.
Voloteak txartelen prezioa erregaiaren kostuaren arabera igo eta jaitsi ahal izango du, 14 eurorainoko tartearekin, hegaldia baino astebete lehenago
Fair Travel Promise sistema berri eta aldakorraren bidez gehigarri finko tradizionalak ekidin nahi ditu konpainiak. Hala, airelineak txartelaren behin betiko salneurria erregaiaren prezioaren arabera doitzeko aukera izango du.
Hithiumen inbertsioa Nafarroan gauzatzeko akordioa sinatu dute Chivitek eta Txinako enpresak, Pekinen
Proiektuari esker 405 milioi euro inbertitu eta 700 lanpostu inguru sortuko dira, lehen fasean, Nafarroan, eta bigarren fasean mila lanpostu ere izan daitezke.
Tasa turistikoa Donostian: Hurtadok uste du ezinezkoa dela uda baino lehen ezartzea, eta Mendoza elkarrizketarako prest agertu da
Jon Insausti alkateak Donostiako tasa turistikoa uda aurretik ezartzea mahai gainean jarri ondotik, gaia pil-pilean dago: Javier Hurtado Turismo sailburuak Radio Euskadin adierazi du ez duela uste bideragarria denik 2027a baino lehen ezartzea, epe teknikoak direla eta. Bien bitartean, Eider Mendoza Gipuzkoako ahaldun nagusiak Euskadi Irratian esan du Gipuzkoako Batzar Nagusietan eztabaidatuko dutela, akordio batera iristeko.
Abian da errentaren kanpaina Bizkaian: % 70ek "itzultzeko" emaitza izango dute, zergadunen alde
Ekainaren 30era arte luzatuko da epea, eta Foru Ogasunak 683.000 errenta-aitorpen inguru aurkeztea aurreikusten du.
Osakidetzarako lan-eskaintzaren lehen probak ekainaren 19an, 20an eta 21ean egingo dira
Aurreko deialdiekin alderatua, badira zenbait berritasun: besteak beste, probaren nota gorde ahalko da, eta test motako azterketa bakarra egingo da. Guztira, 5.425 lanpostu eskainiko dira, eta 2.160 berriak izango dira.
Sindikatu eta abokatuek langileak "finko" egin ditzatela eskatu dute, Europar Batasuneko Justizia Auzitegiaren ebazpenaren ondoren
Auzitegi Gorenari dagokio orain mahai gainean dituen auziak ebaztea eta Europako ebazpena nola bete behar den zehaztea. Interinok Taldea sindikatuak eta auzia bultzatu duen abokatuak kontratu finkoak izatea ezinbestekotzat jotzen dute. ELAk Gobernuaren “borondate politiko eza” agerian gelditu dela salatu du.
Espainiako Gobernuak dio Europako Justiziaren epaiak ez duela behartzen langile interinoak zuzenean finko bihurtzera
Astearte honetan argitaratutako epai batean, Europar Batasuneko Justizia Auzitegiak adierazi du ez dela nahikoa Espainiak interinoak mugagabe ez-finko bihurtzea. Espainiako Gobernuak, bien bitartean, berretsi egin du langileen behin-behineko kontratuen kopurua murrizteko konpromisoa duela, eta nabarmendu du 419.756 plaza egonkortu dituela dagoeneko.
Inflazioa % 3,4koa izan da martxoan Euskadin, eta % 3,5ekoa Nafarroan, petrolioaren prezioaren ondorioz
Martxoko inflazioa Espainiako Estatuan uste baino hamarren bat altuagoa izan da, erregaien prezioen gorakadak eraginda.
Europar Batasuneko Justizia Auzitegiaren ustez, ez da nahikoa Espainiak interinoak mugagabe ez-finko bihurtzea
Europako Justiziaren ustez, egungo ereduak ez du bermatzen erantzun eraginkorrik, eta indartu egiten du 2024ko doktrina.