Europan hasitako protesta oldera batuko dira bihartik aurrera Hego Euskal Herriko baserritarrak
Orain astebete Ipar Euskal Herriko baserritarrek egin zuten bezala, Hegoaldekoak bihartik aurrera batuko dira Europan hasitako protesta oldera. Traktoreak aterako dituzte herriguneetara, nekazaritza sektorearen egoera jasanezina dela salatzeko. Hala nola, Nekazaritza Politika Bateratua (NPB) malgutzea exijitzen dute: ekoizpen prezioak bermatzea, merkataritza askeko akordioen negoziazioak etetea, edo burokrazia arintzea dira eskari nagusiak.
Oraingoz, ez dago deialdi bateraturik lurralde guztietarako. UAGA Arabako nekazarien sindikatuak etzirako, otsailak 7, deitu du protesta Gasteizen, eta Bizkaiko EHNEk eta ENBAk hilaren 9rako, Bilbon. Nafarroan, berriz, hainbat baserritarrek maila pertsonalean deitu dute mobilizazioa biharko, Foru Erkidegoko leku ezberdinetan.
Ohar batean, UAGA Arabako nekazarien sindikatuak zehaztu du bihar 10:00etatik 11:00etara bitartean traktore-martxa bat iritsiko dela Gasteizko Jundizko poligonora. Hango aparkalekuan igaroko dute gaua, eta asteazkenean Eusko Jaurlaritzarako bidea hartuko dute ilaran. Manifestu bat irakurriko dute bertan, eta, ondoren, atzera berriz Jundizera itzuliko dira, bertan lan egiten duten plataforma logistikoen aurrean protesta egiteko.
Era berean, Nafarroan hiru traktore-martxa deitu dituzte biharko, baserritar talde batek Whatsapp bidez antolatuta. Azagratik Carcarrera joango da horietako bat, Valtierratik Tuterara beste bat, eta Cientruenigotik Castejonera hirugarrena. 300 bat traktore batzea espero dute. UAGN, EHNE eta UCAN sindikatuek, oraingoz, ez dute bat egin protestekin. Esan dutenez, deialdi bateratu bat adosteko harremanetan daude.
Bere aldetik, EHNE eta ENBA nekazarien sindikatuek hilaren 9rako Bilbon deitu dute protesta, merkataritza libreko itunak amaitzea eta baserritarrentzat prezio justuak bermatzea aldarrikatzeko. Dei egin dute datorren ostiralean Bilboko Areatzan traktoreak elkartzeko, ibilgailuak hainbat eskualdetatik abiatu ondoren.
Gipuzkoan, oraingoz, ez dago protestarik deituta.
Zure interesekoa izan daiteke
EAEko ekonomiaren hazkundea % 2,1ekoa izango da datorren urtean, Confebasken arabera
Confebaskek BPGren % 2,1eko hazkundea aurreikusten du 2026rako Euskal Autonomia Erkidegoan, nahiz eta egun dauden "arriskuek" % 1,7 eta % 2,6 arteko tartean egotea eragin dezaketen. Inbertsioaren eta enpleguaren dinamismo txikiagoa espero du Confebaskek 2026rako.
Bizumen gaineko kontrol gehiago izango dira 2026an, baina profesionalei eta enpresaburuei eragingo die soilik
Zerga Agentziak ordainketa digitalei buruz jasotzen duen informazioa indartuko du 2026tik aurrera, Bizumekin egindako eragiketak barne, baina neurria jarduera ekonomikora mugatuko da eta ez du eraginik izango partikularren arteko trukeetan.
Abereak txertatzearen aldeko eta kontrakoak daude gurean, horrek ondorio ekonomikoak izan ditzakeelako
Nafarroako Gobernuak behi, zezen eta txekor guztiak txertatu nahi ditu, eta horren alde agertu da sektorea ere. EAEn, aldiz, hainbat abeltzain horren kontra agertu dira, txertoa jarriz gero, haragiaren prezioan eragina izango duelakoan. Alabaina, kasu bakar bat agertuko balitz, etxaldeko abelburu guztiak sakrifikatzea eragingo luke.
Medikuen sindikatuek ez dute onartu Osasun Ministerioaren azken eskaintza, eta negoziazio mahaia utzi dute
CESM eta ASM zentralek elkarrizketa "dinamitatzea" leporatu diote Osasun Ministerioari. Mobilizazio gehiago egingo dituztela iragarri dute.
?fmt=webp-alpha&qlt=80)
Nekazarien protestek jarraitzen dute Ipar Euskal Herrian eta Frantzia osoan, dermatosi nodularraren auzia nola kudeatu den eta Mercosurren ituna salatzeko
Dozenaka nekazarik hainbat autobide moztu dituzte Frantziako Estatuan, tartean A-63a, Hego Euskal Herriko mugan.
ELAk, LABek eta Steilasek sektore publikoan euskaraz lan egin eta zerbitzua euskaraz emateko eskubidea bermatzeko eskatu dute
Euskararen aurkako oldarraldi judizialaren aurrean, alderdiei zerbitzu publikoetan euskaraz lan egin eta arreta jasotzeko bermeak emango dituen lege bat exijitu diete. LABek EAJri eskatu dio ausarta izan dadin EH Bilduren proposamena babesteko. ELAk ere uste du EH Bilduren proposamena jeltzaleena baino hobea dela.
Nafarroak baimena eskatu dio EBri 120.000 abelbururi dermatosi nodularraren aurkako txertoa jartzeko
Aierdik azaldu duenez, azken egunotan gaitzaren bi foku atzeman ditu Frantziako Gobernuak, horietako bat, "Nafarroatik gertu dagoen eremu batean".
Martxoan hasiko dira Ertzaintzako lan-eskaintza publikoko azterketak, 150 plaza betetzeko
Probak plantilla indartzeko eta agenteen defizita estaltzeko planaren barruan sartzen dira.
Talgoren egoitza soziala eta fiskala Gasteizera itzuli da
Euskal partzuergoak (Sidenor, Finkatuz —Eusko Jaurlaritza— eta Vital) eta Industria Partaidetzarako Espainiako Gobernuaren menpeko sozietate publikoak egin dute horren alde. Halaber, taldearen egoitza soziala eta fiskala Ribabellosara (Araba) itzuliko da.
Unai Rementeria, BBK Fundazioaren presidente berria, Xabier Sagredoren ordez
Erakundearen Patronatua asteazken honetan bildu da, Bilbon, erabakia berresteko, ohar bidez jakinarazi duenez.