Errepideetako blokeoak bertan behera uzteko deia egin dute Frantziako nekazaritza sindikatu nagusiek
Hamaika egunez Frantzia osoko, bereziki Paris inguruko, errepide nagusienak blokeatu ondoren, Laborarien Sindikatuaren Federazio Nazionala eta Laborari Gazteak (FNSEA) sindikatuek beste protesta fase bati ekitea erabaki dute. Euren hainbat aldarrikapeni erantzunez, Frantziako Gobernuak dirulaguntzak eta neurri berriak iragarri ditu azken orduotan, eta horren ondoren etorri da sindikatuen erabakia. Errepideetako blokeoak bertan behera utzi eta beste modu bateko mobilizazio-sorta abiatuko dutela esan dute. Ohartarazi dute, hori bai, protestak leuntzeak ez duela esan nahi adi egongo ez direnik.
Arnaud Gaillot FNSEAko presidenteak azaldu du Emmanuel Macronen Gobernuak iragarritakoa keinu edo jarrera aldaketa gisa ulertzen dutela, eta horrenbestez, protesten norabidea aldatzea proposatu dutela. Nolanahi ere, "konpromisoak idatziz" jaso nahi dituztela erantsi du. "Inork ez dezala uste hau gaur arratsaldean amaitzen denik".
Era berean, ondorengo mezua igorri dio Gobernuari: "Iragartzen ari zaretena betetzen ez bada, eta zuen promesak faltsuak badira, hondamendia izango da hau".
Macronen Exekutiboak mahai gainean jarritako neurrietako artean, "elikadura subiranotasuna" helburu duten zenbait ekimen daude. Halaber, lehia desleiala saiheste aldera, atzerriko enpresei ezarriko zaizkien ekoizpen-baldintzak zorroztu egingo dituztela jakinarazi dute, eta pestiziden debekuaren gaineko araua ere leundu egingo dela ziurtatu dute: antza, apurka-apurka ezarriko dute debeku hori, eta ez kolpera.
Atzo, berriz, Marc Fesneau Nekazaritza ministroak iragarri du bi dirulaguntza-sorta jasoko dituztela nekazariek. Orotara, 230 milioi euro bideratuko dituzte laguntza berri horietara.rrei erantzuteko izango da. EBren onespena beharko dute laguntzek, eta Frantzia baldintzak adosteko prest agertu da.
Zure interesekoa izan daiteke
Hauek dira Iranek eta Estatu Batuek adostutako akordioaren 14 puntuak
Ekialde Hurbileko gerrari amaiera emateko eta Ormuzko itsasartea desblokeatzeko akordioaren xehetasunak plazaratu dituzte Estatu Batuek. Akordioak atzeratu egiten ditu eztabaidagai delikatuenak, hala nola programa nuklearraren garapena.
Errusiak areagotu egin ditu Ukrainako ondare kulturalaren aurkako erasoak, eta bost eraikin historiko kaltetu ditu 24 orduan
Kaltetutako eraikinen artean dago Jasokundearen katedrala, Kieven. Volodimir Zelenski Ukrainako presidentearen arabera, Errusiaren bi dronek eragin dituzte kalteak.
Irango zenbait ontzik “arazorik gabe” Ormuzko itsasartea zeharkatu dute, AEBren eta Iranen arteko akordioa iragarri ostean
Hiru petrolio-ontzik eta oinarrizko produktuak garraiatzen dituzten bi merkantzia-ontzik zeharkatu dute itsasartea.
AEBk eta Iranek gerrari amaiera emateko akordioa lortu dute
Washington eta Teheran artean bitartekari lanetan aritu den Shehbaz Sharif Pakistango lehen ministroak baieztatu du akordioa indarrean dagoela eta iragarri du ekainaren 19an sinatuko dutela, Suitzan. Momentuz, ez dute testua ofizialki ezagutzera eman eta alde bakoitzak interesatzen zaizkion alderdiak nabarmendu ditu.
Trumpek, G7ra iritsi berritan: "Ostiraletik aurrera Ormuz erabat irekita egotea espero dut"
G7aren goi-bileran parte hartzen ari diren liderrak Evian-les-Bains Frantziako herrian daude jada. Lurreratu bezain laster, AEBko presidente Donald Trumpek eta Emmanuel Macron Frantziako liderrak aldebiko bilera egin dute. Iranekin lortutako akordioa izan da gai nagusietako bat.
Erresuma Batuak sare sozialetan sartzea debekatu die 16 urtetik beherakoei
Australiak eta Erresuma Batuak adin horretan (16 urte) ezarri dute sare sozialetan sartzeko gutxieneko adina. Frantzian 15 urtekoak has daitezke erabiltzen, eta Espainiak 16 urtez beherakoei debekua ezartzeko asmoa dauka.
Hezbollahk ontzat jo du Libanoko su-etena eta Iran zoriondu du lortutako akordioagatik
Hala ere, xiiten miliziak akordioa lurraldea "erabat askatu aurreko" pausotzat jo du, eta Libanoko indar politikoei "jarrera nazional bateratua" eskatu die, Israelen aurrean herrialdearen subiranotasuna babesteko. Israelek, ordea, argi du momentuz ez dituela indar armatuak Libano hegoaldetik erretiratuko.
Zer gertatuko da Ormuzko itsasartearekin? AEB-Iran akordioaren gakoak
Estatu Batuen, Iranen eta bien arteko bitartekari Pakistanen ikuspuntuak, gerrari amaiera emateko atariko akordioaren edukiari buruz.
UFCren 60 milioiko borroka-gala, Etxe Zurian: honela ospatu du Trumpek bere 80. urtebetetzea
Ekitaldirako, estadio bat eraiki zuten Etxe Zuriko hegoaldeko lorategian, 4.000 bat laguneko edukierarekin. Arte martzialetako borroka-ikuskizunak 60 milioi dolarreko kostua izan du, eta Trumpen aurkariek kritikatu egin dute, Etxe Zuria helburu komertzialak dituen ekitaldi pribatu baterako erabiltzea leporatuta.
Lau urteko kartzela-zigorra ezarri diote Mette-Marit printzesaren semeari, bortxaketa eta tratu txarrak egotzita
39 delitu leporatzen zizkioten Marius Borg Høibyri, Mette-Maritek Haakon printze oinordekoarekin ezkondu aurretik izan zuen semeari.