Gehien eskatzen eta ondoen ordaintzen diren lanbideak: industria-ingeniaritzak eta IKTei lotutako profilak
EAEko enpresek gehien eskatzen eta ondoen ordaintzen dituzten lanbideak industria ingeniaritzarekin eta informazioaren eta komunikazioaren teknologiekin (IKT) lotura dutenak dira. Zehazki, ondorengo profilak bilatzen dituzte, batik bat: industria proiektuetarako buruak, ikerketa eta garapen adituak, teknikari elektronikoak, Key Account Manager (enpresa baten funtsezko kontuak kudeatzeaz arduratzen den profesionala), erosketa-arduradunak edo informatika-analistak.
LKS Next aholkularitza-taldeak Euskadiko Soldaten Gidaren seigarren edizioa aurkeztu du gaur Bilbon. EAEn ohikoenak diren ia 90 profil profesionalen urteko ordainsari finko gordinei buruzko datuak biltzen ditu, eta baita lanpostuei eskatutako ezaugarriak eta gaitasunak ere. Besteak beste, nabarmentzekoa da industria-ingeniaritzako graduak dituzten pertsonek eta informazioaren teknologia berriei lotutako profilek batez bestekotik gorako soldata igoerak izan zituztela iaz ere.
Zuzendaritza nagusiaren postutik hasi eta administrazio laguntzailerainoko urteko batez besteko soldaten rankinga erakusten du txostenak. Ondorengoak dira, nabarmenenak: zuzendari nagusiaren urteko soldata gordina 267.289 euro; medikua, 52.337 €; 'cloud' ingeniaria, 49.003 €; sistema informatikoen analista, 48.177 €; produktuen teknikaria, 46.584 €; ikertzailea, 38.322 €; fabrikazioko ofiziala, 26.199 €; eta administrazio-laguntzailea, 25.432 €.
Gidaren aurkezpenean, Ander Sansinenea LKS Next enpresako Pertsonen Aholkularitza arloko zuzendariak nabarmendu du azken urtean "Euskadin 2023an soldatak KPIaren gainetik igo zirela, aurreko urteetan erosteko ahalmenean izandako galera konpentsatuz". Era berean, 'Harreman Iraunkorraren Kontzeptua' izeneko aldagaiaren garrantzia nabarmendu du. Esan duenez, ordainsariaz harago, langileak motibatzeko beste modu bateko estrategiak kontuan hartzea da "geroz eta beharrezkoagoa da".
Azkenik, mahai gainean jarri duen beste gakoetako bat telelana da. "Telelana egin dezaketen euskal profesionalek gero eta eskaintza gehiago jasotzen dituzte beste herrialdeetatik, Danimarka edo Estatu Batuetatik, adibidez, hango soldatekin lana egiteko", adierazi du.
Zure interesekoa izan daiteke
Espainiak gasolio-, gasolina- eta keroseno-erreserbak ditu ia 100 egunerako
Sara Aagesen hirugarren presidenteorde eta Trantsizio Ekologikorako eta Erronka Demografikorako ministroak berretsi du Espainiako gas- eta petrolio-merkatuak "lasai eta normal" funtzionatzen ari direla.
Espainiako Gobernuak 107 milioi inbertituko ditu Multiverse Computing enpresa donostiarrean
2025ean, Eraldaketa Teknologikorako Espainiako Sozietateak bere babesa eman zion konpainiari 59,2 milioi euroko inbertsioarekin, AAri lotuta aurrerapen teknologikoak sustatzeko helburuarekin.
Bizkaiko Aldundiak iragarritako aldaketa fiskalek langileen artean desberdintasunak sortzen dituztela salatu du ELAk
Aldundiak beherapen fiskalak eskaini nahi ditu enpresak bertan errotzeko eta langileak erakartzeko. ELAren arabera, "enpresarien zerbitzura" egindako neurriak dira, eta langileen artean ezberdintasunak sortuko dituzte.
Araban, AP-68a % 70 merkeago izango dute autoek, eta % 50, kamioiek
Foru Aldundiak azaroan hartuko du bere gain bide horren Arabako zatiaren kudeaketa. Tarifen helburua lurraldeko gaitasun handiko bideen "zaintzeko eta modernizatzeko baliabideak biltzea" izango dela adierazi du.
Osakidetzak deitutako EPEaren azterketak gainditu dutenen batez besteko tasa % 90 ingurukoa da
Epaimahaiek berehala zuzentzen dituzte azterketak, eta Osakidetzak egun berean edo hurrengo egunean argitaratzen ditu notak. Normaltasunez eta gorabeherarik gabe egin dituzte probak.
Osakidetzako EPEaren azken egun handia BECen
Guztira, 13.112 pertsonak eman dute izena Erizaintzako hautaprobak egiteko. Administrari laguntzaile (16.728 hautagai) eta administrari (9.821) lanpostuak betetzeko azterketak ere egin dituzte goizean.
Kutxa Fundazioak Elgoibarko Geminis enpresa erosi du
Lehendik erosita zuen Itziarko Gurutzpe enpresarekin batzea da operazioaren asmoa, talde indartsu baten bidez nazioartean lehiatu ahal izateko. Guztira 70 milioi euro fakturatzea espero dute.
Medikuek "benetako negoziazioa" eskatu dute, "greba mugagabea saihestu" nahi bada
"Lanbidearen garrantzia eta berezitasuna onartua izan arte", mobilizatzen jarraituko dutela ziurtatu du Euskadiko Medikuen Sindikatuak.
Deustobarometroaren arabera, etxebizitza da oraindik ere kezka nagusia Euskadin, eta galdetutakoen % 47k uste dute euskara eskakizunak gehiegizkoak direla enplegu publikoan
Etxebizitza da Euskadin kezka nagusia, eta osasun arloak garrantzia hartu du berriz herritarrak gehien kezkatzen dituzten arazoen artean. Deustobarometroak, gainera, euskararen egoerari, bizitzaren kostuarekiko kezkari eta etorkizuneko Estatutuan zerbitzu publikoak blindatzeari buruzko kezkak islatzen ditu.
Abian da Osakidetzako inoizko lan eskaintzarik handiena: 100.000 hautagai 3.700 lanpostutarako
Bederatzi kategoria profesionaletarako azterketak egingo dira BECen: Administrazioko eta kudeaketako goi mailako teknikaria, Fisioterapeuta, Laborategiko teknikari espezialista, Zeladorea, Erizaintzako laguntzailea, Zerbitzuetako langilea, Erizaina, Administrazioko laguntzailea eta Administraria.