Bilbobuseko langileak lanuztea eta mobilizazioak areagotzea aztertzen ari dira, hitzarmen berria eskatzeko
Negoziazioa ez atzera ez aurrera dagoela eta, Bilbobuseko enpresa batzordeak ohartarazi du litekeena dela datozen asteetan lanuzteak eta mobilizazioak "areagotzea". Izan ere, otsailean lau hilabete betetzen dira lan hitzarmena negoziatzeko mobilizazioak abiatu zituztenetik.
Jose Fernandez Bilbobuseko enpresa batzordeko presidentearen arabera, ez dute harremanik izan Bilboko Udalarekin eta enpresarekin, eta datozen astean erabakiko dute aurreikusitako mobilizazioak areagotu ala ez. Azaldu duenez, oraindik erabaki ez badute ere, lanuzteak eta mobilizazioak indartzea eta jarduera "are gehiago" mugatzea aztertzen ari dira.
Bilbobuseko beharginak 24 orduko beste greba egun batera daude deituta gaur, lan hitzarmena negoziatzeko, erosteko ahalmena mantentzeko eta lanaldi osoko kontratuak eskatzeko, besteak beste.
Gaurko 24 orduko lanuztea % 100eko jarraipena izaten ari da eta gutxieneko zerbitzuak betetzen ari dira, enpresa batzordearen arabera.
Otsailerako, guztira, sei mobilizazio egun deituak ditu enpresa batzordeak. Horietatik hiru greba egun —lehena, hilaren 5ean; bigarrena, gaurkoa, eta hirugarrena, otsailaren 27an—. Gainerakoak txandako lau orduko lanuzteak dira.
Grebaz gain, langileek manifestazioa egin dute Bilboko kaleetan barrena, 07:30etik 11:30era. San Inazio auzoko Levante plazatik abiatu dira, eta besteak beste, Bilboko udaletxe aurretik igaro ostean Plaza Biribilean amaitu dute.
Hauek dira gaurko ezarritako gutxieneko zerbitzuak:
Greba mugagabea Tuvisan
Bien bitartean, indarrean jarraitzen du Gasteizko hiri autobusen grebak. Larunbatean abiatu zen, eta gaurkoa bigarren laneguna da. Atzo % 100ekoa izan zen jarraipena, enpresa batzordearen arabera (Tuvisaren arabera, ordea, % 75,6koa izan zen). Gutxieneko zerbitzuak % 30ekoak dira.
Maider Etxebarria alkateak (PSE-EE) eta Iñaki Gurtubai Tuvisako presidente eta EAJko zinegotziak azaldu dutenez, negoziazioak zabalik daude, eta asteon beste bilera bat egingo dute langileen ordezkariekin, datarik zehaztu ez badute ere. Bestalde, enpresa batzordeak uste du Udalak eta Tuvisak "gatazka artifizialki luzatzen" ari direla. Zehaztu du sindikatuek mezu elektronikoa bidali zietela ostiralean, baina orduz geroztik ez dutela "ezertxo ere jaso".
Aurrez, eta abendutik, mobilizazio eta lanuzte ugari egin dituzte Tuvisako beharginek. Pandemian galdutako autobusak berreskuratu, eta berriak erostea eskatzen dute, kalitatezko zerbitzua eskaini ahal izateko. Horrez gain, fitxaketen harira neurriak hartzea eskatzen dute.
Zure interesekoa izan daiteke
Kutxa Fundazioak Elgoibarko Geminis enpresa erosi du
Lehendik erosita zuen Itziarko Gurutzpe enpresarekin batzea da operazioaren asmoa, talde indartsu baten bidez nazioartean lehiatu ahal izateko. Guztira 70 milioi euro fakturatzea espero dute.
Medikuek "benetako negoziazioa" eskatu dute, "greba mugagabea saihestu" nahi bada
"Lanbidearen garrantzia eta berezitasuna onartua izan arte", mobilizatzen jarraituko dutela ziurtatu du Euskadiko Medikuen Sindikatuak.
Deustobarometroaren arabera, etxebizitza da oraindik ere kezka nagusia Euskadin, eta galdetutakoen % 47k uste dute euskara eskakizunak gehiegizkoak direla enplegu publikoan
Etxebizitza da Euskadin kezka nagusia, eta osasun arloak garrantzia hartu du berriz herritarrak gehien kezkatzen dituzten arazoen artean. Deustobarometroak, gainera, euskararen egoerari, bizitzaren kostuarekiko kezkari eta etorkizuneko Estatutuan zerbitzu publikoak blindatzeari buruzko kezkak islatzen ditu.
Abian da Osakidetzako inoizko lan eskaintzarik handiena: 100.000 hautagai 3.700 lanpostutarako
Bederatzi kategoria profesionaletarako azterketak egingo dira BECen: Administrazioko eta kudeaketako goi mailako teknikaria, Fisioterapeuta, Laborategiko teknikari espezialista, Zeladorea, Erizaintzako laguntzailea, Zerbitzuetako langilea, Erizaina, Administrazioko laguntzailea eta Administraria.
Albiste izango dira: Saretzen mugikortasunari buruzko azterlana, Osakidetzako inoizko LEP handiena eta "Mitoaroa III"
Gaurkoan Orain-en albiste izango direnen laburpena, bi hitzetan.
Nafarroak etxebizitza berrien stocka agortu zuen 2025eko amaierarako, eta Euskadik % 0,23ra murriztu zuen
Urte amaieran, 2.502 etxebizitza zeuden saldu gabe Euskal Autonomia Erkidegoan (EAE). Espainiar Estatuan, berriz, saldu gabeko etxebizitza berrien stocka 452.670 etxebizitzakoa izan zen.
Zabalik dago Tubos Reunidos erosteko interesa agertzeko epea
Hartzekodunen konkurtsoa kudeatzen duen epaileak erosketa-prozesua aktibatu du eta konkurtso-administratzaileak prozesua bideratzeko jarritako arauak onartu ditu. Lehentasuna ematen dio talde osoa saltzeari.
Ekitaldi eta ikuskizunetako teknikariek greba egingo dute berriz
“Patronalaren pasibotasunaren aurrean”, maiatzaren 15ean egin zuten bezala, greba egingo dute Bilbao BBK Liveko zein Gasteiz, Donostia eta Bilboko jaietako egun banatan.
Pirinioetako abeltzainek hartzak zaintzeko eskatu dute, horien kopurua abeltzaintza estentsiboarekin "bateragarria" izan dadin
Ezkaroze eta Aribe herrietan, etxeetatik gertu dauden eremuetan, bi hartz ikusi dituzte asteburuan. Hartza hain gertu izateak kezka zabaldu du inguruko abeltzainen artean, abere taldeetan zer ondorio izango dituen beldur.
Tubos Reunidosko langileen batzordeak konpainiaren jarraipena bermatzeko eskatu du Diputatuen Kongresuan
Amurrioko lantegiko beharginen ordezkariak Diputatuen Kongresuko hainbat talderekin bildu dira, tartean Podemos eta EH Bildurekin, legez besteko proposamen bat aurkezteko. SEPIren zorra akzio bihurtzea eskatu dute, jarduera eta enplegua bermatzeko, hala nola plan industrial bat eta bankuei laguntzeko neurriak hartu ditzatela, besteak beste, BBVAri, akziodun eta hartzekodun gisa. Tubos Reunidosek 263 milioi euroko zorra duen hartzekodunen konkurtso bati aurre egin behar dio.