Langile bat hil da Olaztiko zementu-enpresa batean izandako lan-istripuan
Altsasuko 32 urteko gizon bat hil da gaur eguerdian Olaztiko (Nafarroa) Cementos Portland enpresan izandako lan-istripuan.
SOS Nafarroak 13:47ean jaso du ezbeharraren berri, eta Foruzaingoak jakinarazi du litekeena dela zerbaitek behargina harrapatu izana.
Altsasuko Foruzaingoaren Herritarren Segurtasunerako patruila bat bertaratu da, eta Polizia Judiziala istripuaren arrazoiak eta dinamika ikertzeaz arduratzen ari da. Suhiltzaileak eta mediku talde bat ere bertaratu dira.
Langilearen heriotza salatzeko elkarretaratzea egingo dute 19:00etan ostiralean, Altsasuko Iortia plazan, "Patronalak eta instituzioek gaixotu eta hiltzen gaituzte!!" lelopean.
Dagoeneko 15 pertsona hil dira aurten lan-istripuetan Hego Euskal Herrian, horietako sei Nafarroan eta bederatzi Euskadin. Ildo horretan, Euskadik baja eragin duten 4059 lan-istripu erregistratu zituen aurtengo urtarrilean, hau da, % 29,6ko igoera izan da iazko hilabete beraren aldean, 926 ezbehar gehiagorekin. Heriotza eragin zuten lan-istripuak zortzi izan ziren, eta horri astearte honetan Durangon izandako beste istripu bat gehitu behar zaio.
ELA sindikatuak, beharginaren heriotzaren aurrean, "enpresen zigorgabetasuna eta erakundeen konplizitatea amaitzea" eskatu du. Horretarako, ISPLNri gaitasuna ematea eta erabat kolapsatutako lan-ikuskapen plantilla hirukoiztea eskatzen du, Nafarroako lantokietako segurtasun-baldintzak zorrotz kontrolatzeko.
Sindikatu abertzaleak ohar baten bidez salatu duenez, urte eta erdian enpresa horretan hil den bigarren pertsona da, eta aurten sei langile hil dira Foru Erkidegoan, ia astean behin.
Zure interesekoa izan daiteke
Abeltzainak haserre, Bazka Mahaia irailera atzeratu duelako Jaurlaritzak
Eusko Jaurlaritzak bazkaren beharrei buruz egindako inkestan 435 ustiategiren erantzunak jaso ditu eta horiekin hartuko ditu erosketa bateratuaren kopuruari eta hornitzaileei buruzko erabakiak. UAGAk eta ENHEk lan egiteko modu eraginkorragoak eskatu dituzte. Hala ere, guztiak ados daude, etorkizunera begira bazkari buruzko plangintza bat behar dela esatean.
Hoteletako sarrerak % 7,7 igo dira uztailean EAEn, eta gaualdiak % 6,7
Sarrera guztien % 58,8 eta gaualdien % 59,9 atzerritar jatorriko pertsonenak izan ziren, 2025eko uztailean baino % 11,1 eta % 11,7 gehiago, hurrenez hurren.
Txakolinaren mahats-bilketa aurreratu dute, beroagatik
Txakolinaren mahats-bilketa ohi baino lehenago hasiko da beroaldien ondorioz. Ekoizleen arabera, data hauek ez dira ohikoak mahats-bilketari ekiteko. Etengabe egiten dituzte analisiak mahastietan, mahatsak azukre eta garraztasun puntua noiz hartuko dituen zehatz-mehatz jakiteko, eta biltzeko une egokiena heldu da.
Bazka eroste bateratua eta lehorte deklarazioa berehala gauzatzeko eskatzen dute abeltzainek
Bi aste dira Bazka Mahaia elkartu eta erakundeek hainbat konpromiso hartu zituztela. Abeltzain asko euren kontura belarra eta lastoa erosten hasi dira, eta erakundeei neurriak berehala hartzeko deia egin diete.
Euskotreneko langileek Bilboko tranbian zezenketen publizitatea jarri izana salatu dute
Arriaga plazan gaur goizean egindako elkarretaratzean, Euskotreneko langileek balio publikoekin koherentea den eta animalien ongizatea errespetatzen duen publizitatea exijitu dio enpresari.
Mingain urdin kasu bat atzeman dute Barrundiako artalde batean
Gaitzaren aurka txertatutako 200 ardi baino gehiagoko artalde bateko animaliak eman du positibo mingain urdinaren 3. serotipoan.
Eusko Jaurlaritzak Administrazio Orokorreko 461 lanpostu betetzeko EPEan izena emateko epea ireki du
Izen-emate telematikoa irailaren 16an amaituko da, eta lehen azterketak 2027ko urtarrilean egitea aurreikusi da.
Milioi bat euroko zigorra ezarri diote AVIS enpresari, trafiko isunengatik bezeroei kudeaketa gastuak kobratzeagatik
Autoak alokatzen dituen enpresak 33,88 eta 45 euro arteko errekargua aplikatzen du isunaren ordainketa kudeatzeagatik eta administrazioari arau-hauslearen nortasuna jakinarazteagatik.
51 urteko langile bat hil da Iurretan, paper-enpresa batean
Sorospen-dispositiboan parte hartu duten Ertzaintzako bi agente bertan artatu behar izan dituzte osasun-langileek, isuritako gasak arnastuta intoxikatu baitira.
Sopela eta Urduliz bizitegi-merkatuko gune tentsionatu izendatu ditu Eusko Jaurlaritzak
Bizkaiko bi udalerriek urtarrilean eta otsailean eskatu zuten izendapena, eta hiru urteko hasierako indarraldia izango du, luzatzeko aukerarekin.