Ehunka traktorek Brusela blokeatu dute EBko Nekazaritza ministroen bilera baliatuta
Europar Batasuneko hainbat herrialdetatik iritsitako 900 bat traktorek Brusela blokeatu dute gaur Europar Batasuneko (EB) Nekazaritza ministroen bilera probestuta.
Otsailaren 1ean antzeko mobilizazio bat egin zuten, eta 1.000 traktorek Brusela trabatu zuten. Orduan bezala, orain zama burokratikoaren, merkataritza askearen eta ingurumen araudi zorrotzen kontra egin nahi dute protesta.
Arazoak egongo zirela aurreikusita, inguruko kale nagusiak trafikora itxi dituzte, metro geltokiak zarratu eta EBko erakunde nagusietarako sarbidea debekatu dituzte.
Nekazariek gurpilak eta lasto fardoak bota dituzte errepidera eta su eman diete, barrikada gisa. Polizia ur txorroekin ari da erantzuten; gainera, euria ari duenez, ez da sute handirik piztu.
Eguerdi aldera, EBko agintariek (Janusz Wojciechowski Nekazaritza komisaria eta David Clarinval Belgikako Nekazaritza ministroa) nekazarien ordezkaritza bat hartu dute Batzordearen egoitzan.
Bien bitartean, EBko 27 ministroak bilduta daude 10:00etatik lehen sektorearen haserrea baretzeko neurriak eztabaidatzen hasteko. Gaurkoan ez da funtsezko erabakirik espero, eta joan den astean iragarritako hainbat proposamen izango dituzte hizpide. Izan ere, ekainean dira Europako hauteskundeak, eta nekazariak lasaitzeko hainbat neurri proposatu ditu Europako Batzordeak.
Bruselak planteatutakoaren artean, kontrol jakin batzuen metodologia sinplifikatzea dago, administrazio nazionalek ustiategietara egiten dituzten bisiten kopurua % 50eraino murrizteko. Gainera, azken asteetan, Europako Batzordeak beste neurri batzuk iragarri ditu protestei erantzuteko, hala nola pestiziden erabilera murrizteko lege-proiektua kentzea, 2024an lugorria partzialki indargabetzea edo Ukrainako inportazioen aurrean erreakzionatzeko babesak sartzea.
Zure interesekoa izan daiteke
Pentsiodunek gutxieneko pentsioak LGSra arte osatzea eskatuko dute berriz ere datorren ostegunean Gasteizen
Mobilizazio horrekin, Eusko Jaurlaritzari eta Legebiltzarrari gogorarazi nahi diete "ezin dela denbora gehiagoz luzatu gutxieneko pentsioen osagarria LGSraino iristeko konpromisoa, are gehiago bizitzaren kostua nabarmen garestitzen ari denean", defendatu dute pentsiodunek.
Euskal langileria kalera atera da Maiatzaren Lehenean
ELA eta LAB deialdi bereizietan atera dira kalera, ESK eta LSB-USO bezala; CCOO eta UGT, aldiz, elkarrekin mobilizatu dira.
Gutxieneko soldata propioa ezartzeko aldarriarekin "jarrera argia" eskatu dio ELAren idazkari nagusiak lehendakariari
1.500 euroko gutxieneko soldata propioa ezartzeko “patronala interpelatzen eta presionatzen” jarraitzeko prest agertu da Mitxel Lakuntza. Eskubide sozialen alde egiteaz gain, euskaraz bizitzeko eta lan egiteko eskubidea ere aldarrikatu du ELA sindikatuaren idazkari nagusiak.
Berdelaren kostera txarraren eragina arintzea lortu da, eta antxoaren bilakaera "hobea" izan da Euskadin
Arrantza-sektoreko ordezkariak kezkatuta agertu dira berdelaren egoerarekin, eta berreskuratze-neurrien beharra aztertzeko eskatu dute. Ildo horretatik, antxoari ezarritako kudeaketa-ereduaren eragin positiboa nabarmendu dute.
Maiatzaren 1eko mobilizazioetan, LGS propioa, pentsio eta soldata "duinak" eta etxebizitza eskubidea aldarrikatu dituzte
ELA eta LAB bakoitza bere aldetik atera dira kalera, ESK eta LSB-USO bezala; CCOO eta UGT, aldiz, elkarrekin mobilizatu dira. Alderdi politikoek ordezkariak bidali dituzte deialdi horietako askotara.
Lan eskubideak arriskuan daudela ohartarazi du Anduezak, eta Euskadiko LEPetako euskara eskakizunak kritikatu ditu
PSE-EEko buruaren esanetan, langileak mehatxupean daude eskuin eta ultraeskuinaren eta nazioarteko gerren ondorioz, baita EAJk eta EH Bilduk enplegu publikoan dituzten politiken ondorioz ere.
Tubos Reunidoseko langile talde batek Amurrioko greba mugagabeari buruzko erreferenduma egitea eskatu du
Enpresa batzordeak deituta, martxoaren 15etik daude greba mugagabean Amurrioko lantegian. ELAk, LABek eta ESK-k babestu zuten lanuztea, eta CCOO eta UGT kontra agertu ziren. Azken horiek hasieratik eskatu dute grebari buruzko erabakia erreferendumean hartzea.
Behargin bat hil da Zamudion, lan-istripuz
Langileak 61 urte zituen. Ezbeharra ostegun goizean gertatu da, Ugaldeguren industrialdean, eta biktima bertan hil da, osasun-zerbitzuek esku hartu duten arren. ELAk lan-istripua salaktzeko elkarretaratzea deitu du maiatzaren 5erako.
AAk 2,3 milioi lanpostu suntsitu ditzake datorren hamarkadan Espainian
Bereziki enplegatu administrarien eta erdi-mailako zein goi-mailako teknikarien taldeei eragingo lieke. Hala ere, AAri lotutako 1,61 milioi lanpostu berri inguru sortuko lirateke eta, horrek, suntsitutako lanpostuen zati handi bat konpentsatuko luke.
Nafarroako Volkswagenek 500-1.000 langile artean beharko ditu 2027an, ekoizpen-aurreikuspenak berretsiz gero
Ekoizpen bolumen "oso handiak" espero ditu konpainiak datorren urterako eta, datuak behin-behinekoak diren arren, laster ekingo dio enpresak barneko eta kanpoko langileak hautatzeko, prestatzeko eta gaitzeko prozesuari, espezialitate profesionalen beharrak betetzeko, hala nola elektromekanikariak, txapistak eta hornitzaileak.