Bankuen sektoreko langileak grebara deituta daude ostegun honetan Hego Euskal Herrian
Bankuen sektoreko hitzarmena negoziatzen ari dira sindikatuak eta patronala, eta finantza erakundeak "inoizko irabazirik handienak" dituzten honetan, "ez daude prest langileen eskariei erantzuteko". Irabaziak handiak izan arren, langileen lan-baldintzak hobetzeko borondaterik ez du patronalak.
Arrazoi horiek jarri ditu mahai gainean ELA sindikatuak ostegun honetan, otsaila 29, bankuen sektorean greba deitzeko Hego Euskal Herri osoan. Galiziako CIG eta Kataluniako Intersindical zentralerekin antolatu du protesta.
Badira bi hilabete inguru hitzarmena berritzeko elkarrizketak abiatu zituztela, baina, oraingoz, aurrerapausorik ez da eman. Sindikatuen arabera, soldatak eguneratzeko baldintzetan dago korapilo nagusienetakoa, alde handia baitago bi aldeek mahai gainean jarritako proposamenetan.
Mobilizazioak ere deitu ditu ELAk biharko, EAEko hiru hiriburuetan: Bilbon, Santander Bankuaren (Moyua Plaza, 11:00), BBVAren (Kale Nagusia, 11:45) eta Sabadell Bankuaren (Kale Nagusia, 12:30) egoitzetan; Donostian, BBVAn (Askatasunaren Etorbidea, 11:00) eta Sabadel Bankuan (Askatasunaren Etorbidea, 11:45); eta Gasteizen, BBVA parean (Dato Kalea, 11:00).
Albiste gehiago ekonomia
BBK Live jaialdiak 23,6 milioi euro baino gehiago utzi ditu Bilbon
115.000 parte-hartzaileen artean, % 17 atzerritarrak dira, batez ere Erresuma Batutik, Frantziatik, Italiatik eta Portugaldik etorritakoak. Gainera, hotelen okupazioa % 90etik gorakoa izan da musika jaialdiak iraun duen bitartean.
ELAk eta LABek ziurtatu dute Torresek proposatutako gutxieneko soldataren igoerak 10.000 langileri bakarrik eragingo liekeela
Uste dute proposamenak ez dituela kontuan hartzen enpresek azken urteetan lortutako irabaziak, ezta beren plantillek sortzen duten produktibitatea ere, eta, horrenbestez, helburua ez dela "gizarte-kohesioa, ezta aberastasunaren banaketa justua ere".
BSHko langileek datorren astean bozkatuko dute lan- erregulazioko espedienteari buruzko aurreakordioa
Enpresa batzordearen gehiengoak (LABek eta ELAk, ez) aurreakordioa lortu du aste honetan zuzendaritzarekin, eta, horren arabera, lantegia itxi eta 609 pertsona kaleratuko dituzte. Langileen ordezkariek deituta, batzarrak egingo dituzte ostiral honetan, eta bozketa, ziurrenik, astelehenean egingo dute.
Langile bat hil da Gasteizen teilatu batetik erorita
Istripua asteartean gertatu zen, baina gaur eman da jakitera. Langilea 7 metroko altueratik erori zen.
Bruselak espedientea ireki dio Espainiari, BBVAk Sabadellen akzioak eskuratzeko operazioan erabilitako legeengatik
Europako Batzordearen ustez, kapitalen zirkulazio askearen aurkakoak dira Espainiako Gobernuak operazio hau baldintzatzeko erabili dituen legeak. Eta 2 hilabeteko epea eman diote Espainiako Gobernuari azalpenak emateko.
Portugalete eta Leioa lotuko dituen ibai azpiko errepideak 2026ko lehen seihilekoan hasiko dira, 543 milioiko aurrekontuarekin
Elixabete Etxanobe Bizkaiko diputatu nagusiak defendatu duenez, itsasadarraren azpiko tunela "ez da ez kapritxo bat, ezta burutazio bat ere", eta bai, ordea, lurraldearentzako "behar bat".
Euskal kostaldean udan pisua alokatzea gutxi batzuen eskura dagoen luxua bilakatu da
Opor garaiko alokairuen prezioak % 40 igo dira azken bost urteetan. Jabe askok etekin ekonomikoa bilatzen dute: nahiago dute alokairuen epeak laburtu eta diru-sarrerak handitzea.
Euskal ekonomia % 2,2 hazi da iaztik
Enpleguak % 1,4 egin du gora bigarren hiruhilekoan, Eustaten datuen arabera. Lehen hiruhilekoarekin alderatuta, igo egin dira bai BPGa (% 0,5), bai enplegua (% 0,3).
Eusko Jaurlaritzak 1.385 eurorainoko tartea aurreikusi du EAEko gutxieneko soldata negoziatzeko
Eusko Jaurlaritzak Euskadiko hitzarmenetan gutxieneko soldata planteatu du Euskadin: 1.268 eta 1.385 euro gordin artekoa 14 ordainsaritan, hau da, Estatuarekin alderatuta % 7 eta 17 gehiago.
Hauek dira Euskadik kudeatuko dituen sendientzako laguntza berriak
Eusko Jaurlaritzak bere gain hartuko du Gizarte Segurantzaren kotizazio gabeko hainbat familia-prestazioren kudeaketa eta ordainketa, Euskadin 20.000 pertsona ingururentzat onuragarria izango den eta 100 milioi euro inguruko inbertsioa suposatuko duen transferentzia baten bidez.