Kakaoaren prezioak markak hautsi ditu: negozio gozoenaren aurpegi garratzena
Albiste txarrak datoz txokolatea maite dutenentzat. Munduko gozorik maitatuenetako baten prezioak muga guztiak gainditu ditu. Aurtengo urtean, % 135eko igoera izan du, eta, ondorioz, txokolatezko tabletek euro bat edo bi egin dute gora.
Lehorteak eta izurriteek ekoizpena % 35eraino murriztu dute kakaoa ekoizten duten herrialde nagusietan, Ghanako eta Boli Kostako uztetan, batik bat, horiek baitira mundu mailako kakao-ekoizle nagusienak.
Eskasiaren beldurrak eraginda, prezioa hirukoiztu egin da azken urtean, eta maximo historikora iritsi da: 10.000 dolar kakao tonako. Hamabi hilabete lehenago 2.900 dolarretan zegoen tona (2.672 euro). Hala txokolatearen prezioak ere nabarmen egin du gora. Kontuan izan behar da txokolatearen beste osagai nagusietako bat ere % 16 hazi dela, azukrea, hain zuzen ere.
Egoera horrek zuzenean eragiten dio txokolatearen industriari; izan ere, haren prezioa % 174 igo da, esaterako, 2023ko Aste Santuarekin alderatzen badugu. Kaltetu handienak, baina, gozozaleak dira, txokolatearen prezioa inoiz ikusi gabeko mailetara igoko dela aurreikusi baitute ondorengo hilabeteetan; izan ere, eskaintzak urria izaten jarraituko duela uste dute. Hurrengo uzta ez da urrira arte izango, eta, zuhaitz berriek bost urte behar izango dituzte heltzeko.
Garai txarrak datoz, hortaz, gozozaleentzako eta gozogintzaren industriarentzako, eta gehien garestituko diren produktuak kakao portzentaje handiena dutenak izango dira. Hala, txokolate-enpresa asko hasi dira dagoeneko beren produktuetan beste aukera merkeago batzuk bilatzen.
Badira igoera gutxiago nabarituko dutenak ere. Horiek txokolatearen artisau txikiak dira. Rafa Gorrotxategi txokolategilearen arabera, Bean to Bar mugimenduaren baitan lanean ari diren gozogileek dagoeneko prezio altuagoan ordaintzen dute kakaoa eta hortaz, igoera txikiagoa izango da, % 30ekoa, gutxi gorabehera.
Albiste gehiago ekonomia
Industriaren geldialdiak ekonomiaren hazkundea galarazten duela ohartarazi du Adegik
Fakturazioak eta eskariak ez omen dira hazten azken boladan. Enplegua ere gutxiago hazten ari da, eta Gipuzkoako enpresek uste dute laster batean hazkunde hori “zero" izango dela.
Euskadiko Medikuen Sindikatua kalera atera da Estatutu Markoaren zirriborroaren aurka
Lanuzteak bestelako jarraipena izan du EAEko hiru probintzietan: Bizkaian, profesionalen % 30ek egin dute greba; Gipuzkoan, % 26,89k; eta, Araban, % 16,52k, Osakidetzaren arabera. Arratsaldean, parte-hartzea % 10,33ra jaitsi da EAEn.
Jaurlaritzak bertan behera utzi du angula arrantzatzeko 2025-26ko kanpaina, espeziearen egoera "kritikoa" dela eta
Hainbat txostenen arabera, orain arte aplikatutako neurriek ez dute balio izan espeziearen egoera kritikoa lehengoratzeko, eta, horren aurrean, Arrantza Sailak espeziea berreskuratzeko neurriak indartzea erabaki du egoera atzeraezina izan baino lehen.
Medikuak kalera atera dira Estatutu Markoaren zirriborroaren aurka
Lan-baldintzak negoziatzeko mahai propioa exijitzen dute medikuek. "Guk diseinatu eta negoziatu nahi dugu, negoziazio-mahai horretan ordezkaritza ia nulua baitugu", adierazi du Ana Santorcuato Euskadiko Medikuen Sindikatuko ordezkariak.
Medikuak estatutu propioa eskatzeko greba egiten ari dira Estatu osoan
Osasun publikoko medikuek greba eguna dute gaur Estatu osoan. Euskadin, gainera, Euskadiko Medikuen Sindikatuak (SME) elkarretaratzeak deitu ditu hiru hiriburuetako ospitale eta anbulatorioetan.
Gasteizko lorezainak eta Enviser enpresa, akordioa lortzeko bidean
Bilera luzea izan dute ostegun honetan Precon, eta itxaropentsu irten dira. Langileak batzartuko dira eta enpresak dagozkion kontsultak egingo ditu, hurrengo bileran akordioa ixteko helburuarekin.
Lan-eskaintza publikoetan euskara blindatzeko EAJ eta EH Bilduren proposamena izapidetzea ahalbidetu dute
Eusko Legebiltzarrak bi lege proposamen izapidetuko ditu lan-eskaintza publikoetan euskara blindatzeko. EAJk bat aurkeztu du, eta PSE-EE gobernukideak ez, baina EH Bilduk babestu egin du. Koalizio soberanistak beste bat aurkeztu du, eta jeltzaleen abstentzioari esker aurrera atera da.
Irailean, langabezia-tasa % 2,02 jaitsi da EAEn, eta % 0,4, Nafarroan
2024ko iraileko datuen aldean, 1.027 langabe gutxiago (% 0,95) daude EAEn, eta 1.232 gutxiago (% 4,16), Nafarroan. Halaber, abuztutik irailera, Euskadiko Gizarte Segurantzan 11.475 lagun afiliatu dira; Nafarroan, aldiz, 719 pertsona gutxiago daude Gizarte Segurantzan izena emanda.
Alokairuen indizeak 500 euro baino gehiago jaitsi ditu Donostian eskainitako prezioak
Gipuzkoako herri tentsionatuetan, azken bost urteetan alokatuta egon ez diren edo lehen aldiz merkaturatu diren edukitzaile handien eta pisuen kontratu berriei bakarrik aplikatu beharko zaie prezio-tarte berria.
Eusko Jaurlaritzak Indartuz inbertsio funtsa sortuko du, eta 400 milioirekin hornituko du
Gainera, Finkatuz inbertsio funts publikoak estatutuak eguneratuko ditu enpresetan parte hartzeko irizpideak malgutzeko. Esaterako, ez da horretarako baldintza izango enpresak egoitza Euskadin izatea, eta nahikoa izango da lurraldean "eragina" izatea.