Igandean botoa ematera joateko eskatu dute pentsiodunek, zein indar politikok babestu dituzten gogoratuz
Euskal Herriko Pentsiodunen Mugimenduak igandean, hauteskundeen egunean, hautestontzietara joateko eskatu du, Eusko Legebiltzarrean duela sei urte pentsio duinak eskatzeko mobilizazioak hasi zirenetik aldarrikapenak babestu dituzten alderdiak gogoratuz.
Ehunka lagunek manifestazioa egin dute Gasteizen, hauteskundeetara aurkezten diren alderdiei euren agenden erdigunean pentsiodunen aldarrikapenak jartzeko eskatzeko.
"Botoa emateko orduan gogoan izan beharko da", oihukatu dute manifestariek Arabako hiriburuko katedral berriaren aurrean.
Iñaki Martin mugimendu horren bozeramaileak adierazi duenez, EH Bildu eta Elkarrekin Podemos izan dira euren eskakizunen berri eman eta Legebiltzarreko ekimenak babestu dituzten indar politiko bakarrak.
Martinek gogorarazi du Euskadin 165.000 pentsiodunek hilean 1.080 euro baino gutxiago kobratzen dituztela, eta horietako 111.000 inguru emakumeak direla.
Orain arte 1.080 euroko gutxieneko zenbateko hori eskatu badute ere, hemendik aurrera gutxieneko pentsioak Lanbide Gutxieneko Soldataren zenbatekora igotzea aldarrikatuko dute, gaur egun 1.134 eurokoa baita 14 ordainsaritan.
Martinen hitzetan, pentsioak Administrazio zentralaren menpe dauden arren, Eusko Legebiltzarrak eskumenak ditu Diru-sarrerak Bermatzeko Errentaren (DSBE) edo araudi autonomikoen bidez pentsioak osatzeko.
Azkenik, Pentsiodunen mugimendua Herri Ekimen Legegile bat prestatzen ari da, bere eskaerekin, eta legealdi berrian aurkeztuko du, hauteskundeen ostean Gasteizko Legebiltzarra eratzen denean.
Zure interesekoa izan daiteke
Euriborrak % 2,855ean itxi du uztaila, mailarik altuena 2024ko irailetik
Ekainarekin alderatuta, tasa oinarrizko 6 puntu igo da.
Euroguneko inflazioa % 2,9an kokatu da uztailean, hamarren bat igota
Eurostatek argitaratu berri duen urte arteko tasa % 3,8koa da Espainian, ekainekoa baino bi hamarren handiagoa, eta % 2,4koa Frantzian, joan den hilean baino lau hamarren handiagoa. Energiaren esparruan igo da gehien inflazioa.
Gipuzkoako Moeve gasolindegietako langileek greba ziklo bati ekin diote, lan-baldintzak hobetzeko asmoz
Lehenengo lanuztea ostegunean hasi zen, 22:00etan, eta igandean amaituko da. Mobilizazioen artean, gaur elkarretaratzea egin dute AP-8 autobidearen Oiartzungo gasolindegian.
Gasolina eta gasolioa 6 zentimo baino gehiago garestitu dira litroko, Hidrokarburoen Zerga Bereziaren igoeraren ondorioz
Batez beste, gasolina depositua betetzeak duela urtebete baino 8,5 euro gehiago balio du, eta gasolio deposituak ia 16 euro gehiago, abuztuko irteera-operazio betean.
38 urteko langile bat oso larri zauritu da Alesbeseko kontserba-enpresa batean izandako istripuan
Foru Gobernuak zabaldutako oharraren arabera, langileari ur irakina erori zaio gainera, eta erredurak ditu gorputzaren % 80an.
Bazka erosketa bateratua aztertuko du Euskadik, lehorteak eragindako larre-eskasia dela eta
ENBA sindikatuko eta UAGA Arabako nekazarien elkarteko ordezkariak Eusko Jaurlaritzarekin bildu dira Lakuan, beroak eta euri faltak lehen sektorean eragindako kalteak aztertzeko.
Tubos Reunidosek 88,19 milioi euroko galera ekonomikoa izan du 2026ko lehen seihilekoan
Konpainiak nazioarteko arantzelek eragindako beherakadari eta enplegu-erregulazioko espedientearen negoziazioan zehar lantegietan izandako mobilizazioei egotzi die emaitza negatibo hori.
Etxebizitza-salerosketen kopurua % 8,2 igo da Nafarroan, eta % 13,6 jaitsi da EAEn, maiatzean
Notariotzaren Kontseilu Nagusiaren arabera, etxebizitzaren prezioa % 13,5 garestitu da Nafarroan eta EAEn, berriz, egonkor mantendu da.
BBVAk 6.051 milioi irabazi ditu ekainera arte, iaz baino % 11 gehiago, diru-sarrera errepikariek eta kredituen igoerak bultzatuta
Erakundeak akzioak berrerosteko ezohiko programa berri bat iragarri du, 2.000 milioi eurokoa. Lehenengo tartea, 1.000 milioikoa, abuztuaren 5ean hasiko da.
Urte arteko KPIa % 3,5eraino igo da uztailean Espainian, erregaien eta argindarraren igoeragatik
Azpiko inflazioa (energia eta elikagai freskoak kontuan hartzen ez dituena) hamarren bat igo da uztailean, % 3raino.