Anbulantzien sektorean aurreakordioa adostu ostean, bertan behera utzi dute otsailean abiatutako greba
Euskal Autonomia Erkidegoko anbulantzien sektorean aurreakordioa erdietsi, eta otsailaren 19an hasitako greba mugagabea bertan behera utzi dute ELAk, CCOOk eta UGTk.
Sindikatu horien arabera, datozen asanbladetan berretsi beharko dute ituna EAEko patronalekin, baina aurreratu dute 2022-2028rako hitzarmen berriak soldata igoera garrantzitsuak jasoko dituela. Hain zuzen ere, 2022an eta 2023an % 5eko igoera adostu dute, 2024an, 2025ean eta 2026an % 3,5ekoa, 2027an KPIa + 1,5ekoa eta 2028an KPIa + 4koa.
Hartara, % 30,64rainoko soldata igoerak izango dituzte anbulantzietako beharginek hemendik 2029ra, eta urtean 124 lanordu gutxiago egin beharko dituzte.
2021ean iraungi zitzaien hitzarmena sektore horretan lanean ari diren 1.700 beharginei.
"Aurrerapauso garrantzitsuak eman dira osasun garraioaren langileen baldintzak parekatzeko bidean, eta ELAk beharrean jarraituko du baldintza horiek guztiz parekatu arte", esan du ELAk. Halaber, eskerrak eman dizkie lan gatazka luze horretan mobilizatu diren langile guztiei.
LABek ez du aurreakordioa sinatu
LABek ez du aurreakordioa sinatu, "ez baitu borroka honetan planteatutako gutxiengoak ere jasotzen", horren arabera.
"ELA, CCOO eta UGT sindikatuek alde batera utzi dute anbulantzietako langileen eta Osakidetzakoen arteko homologazioa, baita soldatatik haratago doazen beste hainbat kontu ere. Azken asteotan, gainera, bizkarra eman digute", erantsi du LABek.
Zure interesekoa izan daiteke
Gipuzkoan, hiru kontrataziotik bi goi-mailako ikasketak dituzten pertsonentzat izango dira
Unibertsitatera joan direnek edo graduondoa dutenek kontratuen % 47 biltzen dute, eta bereziki nabarmentzekoa da STEM profilen eskaera handia. Nolanahi ere, kontratazioa aurreikusten duten enpresa guztiek diote zailtasunak dituztela langileak aurkitzeko eta lanpostu hutsak betetzeko.
Eusko Jaurlaritza, Gipuzkoako Foru Aldundia eta Papresako batzordea gaur arratsaldean bilduko dira, CL Groupen eskaintzaren ostean
Hitzordua arratsaldean izango da, Gipuzkoako Foru Jauregian, Extremadurako enpresak Errenteriako paper-fabrika 39 milioi euroren truke erostea planteatu baitu, plantillaren % 72ri eutsita. Langileek aurreratu dute ez dutela proposamena onartuko.
Egunean 188.000 petrolio upel gehiago ekoitziko ditu OPEP+ aliantzak ekainetik aurrera
Bestalde, merkatuaren egoera gertutik aztertzen jarraitzeko konpromisoa hartu dute aliantza osatzen duten herrialdeek, eta berretsi dute garrantzitsua dela "ikuspegi zentzuduna" izatea, "baita ekoizpenaren doikuntza handitzeko, gelditzeko edo kentzeko malgutasuna izatea ere".
Pentsiodunek gutxieneko pentsioak LGSra arte osatzea eskatuko dute berriz ere datorren ostegunean Gasteizen
Mobilizazio horrekin, Eusko Jaurlaritzari eta Legebiltzarrari gogorarazi nahi diete "ezin dela denbora gehiagoz luzatu gutxieneko pentsioen osagarria LGSraino iristeko konpromisoa, are gehiago bizitzaren kostua nabarmen garestitzen ari denean", defendatu dute pentsiodunek.
Euskal langileria kalera atera da Maiatzaren Lehenean
ELA eta LAB deialdi bereizietan atera dira kalera, ESK eta LSB-USO bezala; CCOO eta UGT, aldiz, elkarrekin mobilizatu dira.
Gutxieneko soldata propioa ezartzeko aldarriarekin "jarrera argia" eskatu dio ELAren idazkari nagusiak lehendakariari
1.500 euroko gutxieneko soldata propioa ezartzeko “patronala interpelatzen eta presionatzen” jarraitzeko prest agertu da Mitxel Lakuntza. Eskubide sozialen alde egiteaz gain, euskaraz bizitzeko eta lan egiteko eskubidea ere aldarrikatu du ELA sindikatuaren idazkari nagusiak.
Berdelaren kostera txarraren eragina arintzea lortu da, eta antxoaren bilakaera "hobea" izan da Euskadin
Arrantza-sektoreko ordezkariak kezkatuta agertu dira berdelaren egoerarekin, eta berreskuratze-neurrien beharra aztertzeko eskatu dute. Ildo horretatik, antxoari ezarritako kudeaketa-ereduaren eragin positiboa nabarmendu dute.
Maiatzaren 1eko mobilizazioetan, LGS propioa, pentsio eta soldata "duinak" eta etxebizitza eskubidea aldarrikatu dituzte
ELA eta LAB bakoitza bere aldetik atera dira kalera, ESK eta LSB-USO bezala; CCOO eta UGT, aldiz, elkarrekin mobilizatu dira. Alderdi politikoek ordezkariak bidali dituzte deialdi horietako askotara.
Lan eskubideak arriskuan daudela ohartarazi du Anduezak, eta Euskadiko LEPetako euskara eskakizunak kritikatu ditu
PSE-EEko buruaren esanetan, langileak mehatxupean daude eskuin eta ultraeskuinaren eta nazioarteko gerren ondorioz, baita EAJk eta EH Bilduk enplegu publikoan dituzten politiken ondorioz ere.
Tubos Reunidoseko langile talde batek Amurrioko greba mugagabeari buruzko erreferenduma egitea eskatu du
Enpresa batzordeak deituta, martxoaren 15etik daude greba mugagabean Amurrioko lantegian. ELAk, LABek eta ESK-k babestu zuten lanuztea, eta CCOO eta UGT kontra agertu ziren. Azken horiek hasieratik eskatu dute grebari buruzko erabakia erreferendumean hartzea.