BBVAk ia 11.500 milioi eskaini ditu Sabadell erosteko, burtsan duen balioa baino % 17 gehiago
BBVAk ia 11.500 milioi euro eskaini ditu, akzio truke baten bidez, Sabadell bankuaren % 100 eskuratzeko, burtsan duen balioa baino % 17 gehiago. Akordio batera iritsiz gero, Espainiako bigarren banku handiena sortuko litzateke.
Carlos Torres buru duen bankuak proposatzen duen formularen arabera, bere tituluetako bat emango luke Sabadellen 4,83ren truke, dirurik gabe, Balore Merkatuaren Batzorde Nazionalari jakinarazi dionez.
Bat-egitea aurrera ateraz gero, Sabadelleko egungo akziodunek taldearen % 16 izango lukete. BBVAren iritziz, horrek aukera ematen die akordioak sortzen duen onuraz baliatzeko.
BBVAk Europako bankuen industria-proiekturik erakargarriena dela uste du.
Sabadelleko administrazio kontseiluari zuzendutako gutun batean, bat-egiteak bi erakundeentzat, akziodunentzat, langileentzat, bezeroentzat eta sozietateentzat ekarriko dituen onurak azpimarratu ditu BBVAk.
Egoitza operatiboak eta kontseilariak
Gainera, talde berriak bi egoitza operatibo izatea proposatu du, bata Madrilen, BBVA Hirian, eta bestea Bartzelonako kanpoaldean, Sant Cugat del Vallesen, Sabadellek gaur egun operazio base nagusia duen tokian.
Botere banaketari dagokionez, gaur egun Sabadellen dauden hiru kontseilari BBVAren kudeaketa organo gorenean sartzea eskaini du BBVAk. Hori bai, funtzio exekutiborik gabe, eta horietako batek presidenteordetza bat hartzea ere eskaini du.
Erakunde berria Europako finantza-erakunde handienetako eta sendoenetako bat izango litzateke, bilioi bat eurotik gorako aktiboekin eta 100 milioi bezero baino gehiago mundu osoan, BBVAk nabarmendu duenez.
Zure interesekoa izan daiteke
Egunean 188.000 petrolio upel gehiago ekoitziko ditu OPEP+ aliantzak ekainetik aurrera
Bestalde, merkatuaren egoera gertutik aztertzen jarraitzeko konpromisoa hartu dute aliantza osatzen duten herrialdeek, eta berretsi dute garrantzitsua dela "ikuspegi zentzuduna" izatea, "baita ekoizpenaren doikuntza handitzeko, gelditzeko edo kentzeko malgutasuna izatea ere".
Pentsiodunek gutxieneko pentsioak LGSra arte osatzea eskatuko dute berriz ere datorren ostegunean Gasteizen
Mobilizazio horrekin, Eusko Jaurlaritzari eta Legebiltzarrari gogorarazi nahi diete "ezin dela denbora gehiagoz luzatu gutxieneko pentsioen osagarria LGSraino iristeko konpromisoa, are gehiago bizitzaren kostua nabarmen garestitzen ari denean", defendatu dute pentsiodunek.
Euskal langileria kalera atera da Maiatzaren Lehenean
ELA eta LAB deialdi bereizietan atera dira kalera, ESK eta LSB-USO bezala; CCOO eta UGT, aldiz, elkarrekin mobilizatu dira.
Gutxieneko soldata propioa ezartzeko aldarriarekin "jarrera argia" eskatu dio ELAren idazkari nagusiak lehendakariari
1.500 euroko gutxieneko soldata propioa ezartzeko “patronala interpelatzen eta presionatzen” jarraitzeko prest agertu da Mitxel Lakuntza. Eskubide sozialen alde egiteaz gain, euskaraz bizitzeko eta lan egiteko eskubidea ere aldarrikatu du ELA sindikatuaren idazkari nagusiak.
Berdelaren kostera txarraren eragina arintzea lortu da, eta antxoaren bilakaera "hobea" izan da Euskadin
Arrantza-sektoreko ordezkariak kezkatuta agertu dira berdelaren egoerarekin, eta berreskuratze-neurrien beharra aztertzeko eskatu dute. Ildo horretatik, antxoari ezarritako kudeaketa-ereduaren eragin positiboa nabarmendu dute.
Maiatzaren 1eko mobilizazioetan, LGS propioa, pentsio eta soldata "duinak" eta etxebizitza eskubidea aldarrikatu dituzte
ELA eta LAB bakoitza bere aldetik atera dira kalera, ESK eta LSB-USO bezala; CCOO eta UGT, aldiz, elkarrekin mobilizatu dira. Alderdi politikoek ordezkariak bidali dituzte deialdi horietako askotara.
Lan eskubideak arriskuan daudela ohartarazi du Anduezak, eta Euskadiko LEPetako euskara eskakizunak kritikatu ditu
PSE-EEko buruaren esanetan, langileak mehatxupean daude eskuin eta ultraeskuinaren eta nazioarteko gerren ondorioz, baita EAJk eta EH Bilduk enplegu publikoan dituzten politiken ondorioz ere.
Tubos Reunidoseko langile talde batek Amurrioko greba mugagabeari buruzko erreferenduma egitea eskatu du
Enpresa batzordeak deituta, martxoaren 15etik daude greba mugagabean Amurrioko lantegian. ELAk, LABek eta ESK-k babestu zuten lanuztea, eta CCOO eta UGT kontra agertu ziren. Azken horiek hasieratik eskatu dute grebari buruzko erabakia erreferendumean hartzea.
Behargin bat hil da Zamudion, lan-istripuz
Langileak 61 urte zituen. Ezbeharra ostegun goizean gertatu da, Ugaldeguren industrialdean, eta biktima bertan hil da, osasun-zerbitzuek esku hartu duten arren. ELAk lan-istripua salaktzeko elkarretaratzea deitu du maiatzaren 5erako.
AAk 2,3 milioi lanpostu suntsitu ditzake datorren hamarkadan Espainian
Bereziki enplegatu administrarien eta erdi-mailako zein goi-mailako teknikarien taldeei eragingo lieke. Hala ere, AAri lotutako 1,61 milioi lanpostu berri inguru sortuko lirateke eta, horrek, suntsitutako lanpostuen zati handi bat konpentsatuko luke.