Hil egin da iragan astean, Bergaran, larri zauritutako behargina
Iragan astean gizonezko langile bat larri zauritu zen Bergaran (Gipuzkoa) gertatutako lan-istripu batean, kamioi baten zama gainera erori eta azpian harrapatuta. LAB sindikatuak X sare sozialean jakinarazi duenez, behargina gaur hil egin da. Lankideei eta senideei elkartasuna adierazi die sindikatu abertzaleak, eta astearteko protestan parte hartzera deitu du.
Bergarako Embalan 3 enpresan zamatze lanak egiten ari zirela, kabinan zegoen garraiolaria konturatu zen langileari zama gainera erori zitzaiola.
Zamatze lanak "hainbat arrisku" eragiten dituela nabarmendu ostean, LABek salatu zuen istripu horretan larriki zauritutako langilea "bakarrik" ari zela prozesu guztia egiten.
Lan osasunerako araudia betetzen ez duten enpresariek "langileak hiltzen" dituztela salatu zuen irmoki LABek, eta horrelako gertaerak "zigorgabe" ezin direla geratu nabarmendu zuen.
Hori guztia dela eta, enpresei eskatu zien zama lanak egiteko prozedurak garatzeko eta langileen "arriskuak aurreikusi" eta "beharrezkoak diren neurri guztiak" ezartzeko.
Bestalde, araudia betetzen ez duten enpresarien "konplize" izatea leporatu zion LABek Eusko Jaurlaritzari. Sindikatuaren esanetan, Osalan "inolako ahalmenik ez duen aholkularitza" bilakatu da eta "lan ikuskaritza apenas ikuskaririk gabe" gelditu da.
LAB, ESK, STEILAS, Hiru eta EHNE-Etxalde sindikatuek astearterako mobilizazioa deitu zuten Bergarako Larramendi industrialdean, 12:30ean, lan-istripua salatzeko.
LABen kontaketaren arabera, aurten lanean hildako 26 pertsona hil dira eta ehunka zauritu.
Albiste gehiago ekonomia
Villavesetako langileek bertan behera utzi dute greba, eta irailean lanuzteei helduko diete berriro
Iruñerriko autobus zerbitzuko beharginek erabakia batzarrean hartu dute. Ondorioz, asteartetik zerbitzua normaltasunez emango dute, udan zenbait mobilizazio eginez.
UEFA Europa Leagueko finalaren itzulkina inbertsioa baino hamar aldiz handiagoa izango dela uste du Bilbok
Elkarrekin Bilbaok eta EH Bilduk datu zehatzagoak eskatu dituzte ingurumen-inpaktuari, sortutako benetako enpleguari eta proiektatzen den hiri-ereduari buruz.
Azken egunetako txingorrak kalte "oso handia" eragin du Arabako Errioxako mahastietan
Amaia Barredo Eusko Jaurlaritzako Elikadura, Landa Garapen, Nekazaritza eta Arrantza sailburuaren arabera, Samaniego, Navaridas, Leza eta Eskuernaga herrietan jo du gogorren.
EBk errepresaliak atzeratu ditu Trumpen muga-zergen aurrean, negoziatzen jarraitzeko
Ursula von der Leyen Europako Batzordeko presidenteak iragarri duenez, abuztuaren 1era arte jarrituko dute negoziatzen, egun horretan amaitzen baita negoziatzeko luzapena AEBk muga-zergak % 30era igo aurretik.
Metro Bilbaoko makinistek 9 eguneko lanuzteak deitu dituzte uztailaren 30etik abuztuaren 22ra
SEMAF sindikatuak kolektiboa profesionalizatzearen, erantzukizunak eta lanpostuan aurre egin beharreko arriskuak hitzarmenean jasotzea nahi du. Lanuzteak uztailaren 30ean eta abuztuaren 6, 11 eta 13an 12:30etik 16:30era eta abuztuaren 18, 19, 20, 21 eta 22an 21:00etatik 01:00etara egingo dituzte.
Talgoren operazioa "datozen egunetan, uztailean, gauzatzea" espero du Ramiro Gonzalezek
Ramiro Gonzalez Arabako ahaldun nagusiaren arabera, Sidenor buru duen euskal partzuergoak (Finkatuz Eusko Jaurlaritzaren funts publikoak eta BBK eta Vital kutxek ere parte hartzen dute horretan) Talgo erosteko negoziazioei ekin diete berriro azken egunetan, eta "bide onetik doaz". Ildo horretan, operazioa datorren astean edo uztailean gauzatzea espero duela esan du.
Jainagak lankidetza publiko-pribatua defendatu du Talgoren erosketaren testuinguruan
Jose Antonio Jainaga Sidenorreko presidenteak jaso du Joxe Mari Korta 2025 saria, "enpresa-berrikuntzaren alde egindako lanagatik". Bere hitzaldian, Talgo erosteko operazioa aipatu du, eta lankidetza publiko-pribatua defendatu du. Imanol Pradales lehendakariak euskal industriarekin duen konpromisoa eskertu dio.
Jose Antonio Jainagak 2025 urteko Joxe Mari Korta saria jaso du
Jose Antonio Jainagak Imanol Pradales lehendakariaren eta Mikel Jauregi Industria, Trantsizio Energetiko eta Jasangarritasuneko sailburuaren eskutik jaso du saria. Imanol Pradalesek eskerrak eman dizkio Sidenorreko presidenteari, bere ibilbide luzean erakutsitako konpromisoagatik, "aurrera pauso bat eman, arriskuak hartu eta inbertitzen dutenei balioa ematen dien" euskal ereduari erantzuten diolako.
Gaztelagun programa: Eusko Jaurlaritzak igo du alokairurako dirulaguntzak eskatzeko diru-sarreren muga
Laguntza eskatzen duten gazteen kasuan, urteko diru-sarreren muga 30.000 eurora igo dute; familien kasuan, 36.764 eurora.
Euskal partzuergoak 75 milioi bildu ditu Talgo erosteko, eta espero du SEPIk ere beste horrenbeste jartzea
EAJren arabera, Espainiako Gobernuak konpromisoa hartu zuen erosketa babesteko eta enpresa indartzeko, SEPIren bidez 150 milioi euroko mailegua eginda. Ondoren, eragiketa bitan banatzea proposatu zuen, euskal partzuergoak eta SEPIk 75 millioi bana bideratzeko.