Bilbobuseko greba bertan behera, langileek aurreakordioa berretsi ondoren
Joan den apirilaren 9tik Bilbobuseko langileak egiten ari ziren greba mugagabea bertan behera geratu da, beharginek UGT, CCOO eta USO sindikatuek patronalarekin sinatutako hitzarmen-aurreakordioari baietza eman ostean. ELAk eta LABek ez dute akordioa babesten.
650 langileetatik 527k parte hartu dute bozketan, horietatik 332k aurreakordioa babestu dute eta 186k kontrako botoa eman dute. bestalde, 6 boto baliogabe eta 3 boto zuri zenbatu dituzte, sindikatuetako iturriek jakitera eman dutenez.
Hala, Bilbobuseko beharginak ostegun honetan itzuliko dira euren lanpostuetara, greba automatikoki bertan behera utzi ostean, UGT, CCOO eta USO sindikatuek eta Biobide zerbitzuaren enpresa arduradunak asteartean sinatutako testuari gehiengoak emandako babesarekin.
Datozen egunetan sinatuko dute hitzarmena, iturriek adierazi dutenez.
ELA eta LAB sindikatuek, grebarekin jarraitzearen aldekoak, aurreakordioaren edukia errefusatu dute, langileen erosteko ahalmena bermatzen ez duela uste baitute.
ELAren ustez, hitzartutakoak "funtzio publikoaren erabakien mende jartzen ditu etorkizuneko soldata-igoerak", eta "ez dio heltzen Bilbobuseko plantillak pairatzen duen kontratazio prekarioaren konponbideari"; LABek uste du edukiak "bozketara eramandako lehen aurreakordioaren berdintsuak direla, eta langileek hura atzera bota zuten".
Soldata-igoera eta hobekuntzak
Erabakitakoaren arabera, soldata-igoera funtzio publikoan aplikatzen denari lotuko zaio. 2022rako eta 2023rako, funtzio publikoaren soldata-igoeraren baliokidea gehi % 4ko igoera hitzartu da, hurrenez hurren, iturriek zehaztu dutenez.
2024, 2025 eta 2026rako, sektore publikoan aplikatutako igoera izango litzateke, eta KPIak hori gaindituko balu, igoera % 0,7, % 0,6 eta % 0,5era igoko litzateke, hurrenez hurren. 2027rako, aldeek % 0,5eko portzentajea adostu dute, baina kasu honetan ordainsari bakar ez-finkagarria izango litzateke.
Beste neurri batzuen artean, gehiengo sindikalak eta zuzendaritzak ere hobekuntzak adostu dituzte egoera prekarioagoan dauden beharginen egoeran. Horrela, % 62ko lanaldi partziala duten langileak lanaldi osoa izatera igarotzen dira, eta behin-behineko beharginen zati bat "% 62ko hutsunea" hori betetzera pasatzen da, adierazi dutenez.
Lehen aurreakordioa, atzera
Plantillak dokumentu berria onartzearekin batera, lan-gatazkari amaiera eman zaio. Joan den maiatzaren erdialdean, langileek gehiengo estu batekin errefusatu zuten zerbitzuaren esleipendunak eta UGT, CCOO eta USO sindikatuek, ELA eta LABen oposizioarekin, lortutako lehen aurreakordioa.
Batzarraren ezezkoaren ondorioz, langileek astelehenetik ostiralera egiten ari ziren greba mugagabeari eutsi zioten, eta horren ondorioz, orduko enpresa-batzordeko presidenteak dimisioa eman zuen.
Langileen batzarraren ondoren, maiatzaren 17an, ordura arte enpresa-batzordeko presidente izan zen Jose Fernandezek (UGT) kargua utzi zuen, eta Angel Jauregik (ELA) ordezkatu zuen.
Zure interesekoa izan daiteke
Urtearteko KPIa % 3,2raino apaldu da EAEn eta % 3raino Nafarroan, apirilean
Espainiako Estatuan, urtebeteko inflazioa bi hamarren murriztu da, % 3,2raino.
Hithiumek bertako langileak, hornitzaileak eta zentro teknologikoak erabiltzeko konpromisoa duela nabarmendu du Irujo kontseilariak
Nafarroan bateria lantegia eraikitzeko negoziazioak aurrera doazela azpimarratu du Mikel Irujo Industria kontseilariak, "poliki baina sendo". Nafarroako Gobernuak bezala, Hithiumek ere enpresa bertako ekosisteman txertatzeko helburua eta konpromisoa dutela azaldu du.
Santurtziko udaltzaingoek "zorroztasun greba" egingo dute lan-baldintzak hobetzea eskatzeko
Langileek "antolakuntzako ez-betetzeak" salatu dituzte, baita gainerako udal langileekin alderatuta gutxiago irabazten dutela, eta ekitaldi jendetsuetan langile falta. ErNEren arabera, agenteak araudi guztia zorrotz aplikatzen hasi dira, eta errefortzuak eta aparteko orduak egiteari utzi diote.
CEBEKen ustez, lan-gatazkak "gizartearen aurrerabidearen aurkakoak dira"
CEBEK Bizkaiko patronalaren presidenteak, Guillermo Bucesek, lan-gatazkak "gizartearen aurrerabidearen kontrako" jo ditu, eta sindikatu guztiei dei egin die enpresaburuekin eser daitezen haien arteko harreman-eredua aldatzeko.
ELA, LAB eta ESK Tubos Reunidoseko langileekin bilduko dira ostiralean
Batzarraren helburua da langile guztiei egoeraren balorazioa helaraztea eta greba mugagabeak eta hartzekodunen konkurtsoak markatutako aro berri honetarako jarduera-ildoak ezartzea.
Interinok Taldeak kalte-ordainen bidea ireki izana kritikatu du
Gorenak behin-behineko kontratazioan abusua jasan duten langileek kontratu finkoak lortzeko oposizioa gaindituta izatea beharrezkotzat jo ondoren, Egoitz Markaida Interinok Taldearen bozeramaileak adierazi du langile horiek lanpostua eskuratzeko baldintzak bete zituztela, eta, ondorioz, finko egin behar direla uste du.
Espainiako Gobernuak Tubos Reunidosen bideragarritasuna bilatzeko "bide guztiak" aztertuko dituela ziurtatu du Cuerpok
Josu Estarrona EH Bilduren senatariak egindako galderari erantzunez, Carlos Cuerpo Gobernuko lehen presidenteorde eta Ekonomia ministroak adierazi du Gobernuak "datozen asteetan" aztertuko duela Tubos Reunidosen egoera. Izan ere, gaur egun hartzekodunen konkurtsoan dago, eta konpromisoa hartu du "bide legal guztiak" aztertzeko, "estrategikotzat" jotzen duen enpresaren bideragarritasuna bilatzeko asmoz.
Nola eska dezaket emantzipaziorako dirulaguntza?
23 eta 29 urte bitarteko gazteek Emantzipa dirulaguntza eska dezakete gaurtik aurrera.
Epaileak Tubos Reunidosen konkurtso-administratzailea, enpresa eta sindikatuak deitu ditu hilaren 26rako
Tubos Reunidos taldeko zazpi sozietate borondatezko hartzekodunen konkurtsoan deklaratu ditu Gasteizko epaitegi batek, eta PKF Attest Concursal SL Profesional izendatu du konkurtso-administratzaile.
Gorenak ebatzi du behin-behinekotasunaren abusua jasan duen langileek oposizioa gaindituta izan beharko dutela plaza finkoa lortzeko
Gorenaren argudioa da oposizioa gainditu ez duten langileak finko egiteak Konstituzioa eta Langile Publikoen Estatutua urratuko lituzkeela.