Aurreakordioa itxi dute Bilbobusen, eta greba bertan behera geratu da gutxienez ostegunera arte
Bilbobus garraio publiko zerbitzuaren enpresa emakidadunak eta ordezkaritza sindikalaren gehiengoak aurreakordioa itxi dute, eta, horri esker, langileek egiten ari diren greba mugagabea bertan behera utziko dute gutxienez ostegunera arte. Orduan beharginek beraiek batzarrean erabakiko dute adostutakoa babestu ala ez.
Enpresa-batzordeko iturriek baieztatu dutenez, Bilbobuseko autobusen zerbitzuak normaltasuna berreskuratuko du asteazken honetan, lan-baldintzei buruz lortutako aurreakordioaren ostean, gutxienez datorren ostegunera arte. Orduan, Bilbobuseko langileek, apirilaren 9tik greba mugagabean, batzarrean erabakiko dute akordioa onartu ala ez.
Aurreakordioa Biobide enpresaren zuzendaritzak eta UGT, CCOO eta USO sindikatuek itxi dute negoziazio-mahaian. ELAk, ordea, adostutako eduki ekonomikoak errefusatu ditu.
Sindikatu abertzaleak ohar batean salatu duenez, akordioan "ez da erosteko ahalmena bermatzen eta soldata igoerek Madrilek ezarritako sektore publikoaren igoerak hartzen dituzte erreferentziatzat".
ELAren ustez, hori "onartezina da, negoziazio esparru propioa neutralizatzen delako eta soldatak Estatuko legeen menpe jartzen direlako".
"Langileen erosteko ahalmena bermatzeko eta negoziazio esparrua defendatzeko azken unera arte borrokan jarraituko dugu", gaineratu du sindikatu abertzaleak.
Aitzitik, CCOOk datorren ostegunean egingo diren langileen batzarretan aurreakordioaren alde bozkatzeko deia egingo die afiliatuei, adostutako agiriak plantillaren "erosteko ahalmenari eusten baitio".
CCOO Euskadiko iturriek azaldu dutenez, "nahiz eta ez den KPI espliziturik aipatzen, soldata-igoerek aurreakordioaren urteetako KPIei egiten diete erreferentzia", eta oraindik ere "xehetasun batzuk" idazten ari dira.
Sindikatuak aitortu du aurreakordioaren edukiek ez dituela "asebetetzen", baina "gutxienez" ez zaiela "txarregia" iruditzen.
Zure interesekoa izan daiteke
KPIa % 4,5eraino igo da abuztuan Euskadin eta % 4,2raino Nafarroan
Espainiar Estatuan azken 3 urteetako mailarik altuenean dago urte arteko indizea: % 4,3an. Batez ere erragaien igoerak eragin du KPI-aren gorakada. Elikagaiak eta energia kontuan hartzen ez dituen azpiko inflazioa zertxobait apaldu da, %2,9an dago, aurreko hilean baino hamarren bat apalagoa da.
Petrolioaren prezioak gora egiten jarraitzen du, eta Brenta 107 dolarretik gora iritsi da
Saudi Arabiako oliobide garrantzitsu bat itxi ostean, egoerak okerrera egin du, eta erregaiek ere garestitzen jarraitzen dute, litroko 1,9 euro inguruko batez besteko prezioarekin.
Oiartzunen izandako istripuan hildako gizona lanean ari zen ezbeharra gertatu zenean
Biktima 61 urteko azpeitiar bat da. Antza, gasolindegiko zutoin baten kontra talka egin zuen laneko furgonetarekin.
Ondarroako itsas zabaleko flotak berehalako irtenbideak eskatu dizkio Espainiako Arrantza Ministerioari
"Gasolioaren prezioaren igoerak blokeatuta uzten gaitu, gaur egun itsasora ateratzeak dirua galtzea baitakar", esan du Ondarroako itsas zabaleko flotaren gerente Mikel Ortizek, eta zehaztu du, batez beste, astean 20.000 euro inguru ari direla galtzen arrantzara ateratzen diren itsasontziak.
ELAk zerbitzu publikoak hobetzeko premiazko neurriak eskatu dizkio Pradalesi, eta gutxieneko soldataren aldeko urratsak galdegin ditu
Mikel Lakuntzak politika publikoetan "norabide aldaketa" eskatu dio lehendakariari, zerbitzu publikoen "gainbehera" lehengoratzeko eta patronalari presioa egiteko, Euskadin gutxieneko soldata ezar dadin.
LAB: Pradalesen Gobernuak "suspentso atera du" langileen aldeko politiketan
Garbiñe Aranburuk zalantzan jarri du lehendakariarekin egindako bilera-sortaren sinesgarritasuna, eta elkarrizketa soziala instituzionalizatzeko legea bertan behera uzteko eskatu dio Imanol Pradalesi.
EHUren intersindikalak salatu du Unibertsitate Lege berriak unibertsitate publikoari beharrean, pribatuari egiten diola mesede
Sindikatuok "kezka handia" agertu dute Unibertsitate Lege berriarekin, eta salatu unibertsitate pribatuei diru publikoa jasotzeko bidea errazten diela, publikoaren kaltetan. Hain justu, EHUren "arazo larriena azpifinantzaketa" dela nabarmendu dute.
Greba deitu dute Bizkaiko metal merkataritzan urriaren 7rako, lan hitzarmen berri baten alde
ELA, UGT, CCOO eta LAB sindikatuek soldatak KPIaren arabera eguneratzea eta lanaldia Bizkaiko merkataritzako beste hitzarmen batzuetan ezarritako urteko 1.725 orduetara murriztea.
Gipuzkoako gasolindegietako langileak kalera atera dira lan-hitzarmen berriaren alde
Gipuzkoako gasolindegietako langileek elkarretaratzea egin dute Lan Harremanen Kontseiluaren egoitzaren aurrean, hitzarmen berriaren negoziazioen blokeoa salatzeko. Ia bi urteko prozesuaren ostean, langileak kexu dira patronalak ez duelako erakusten elkarrizketarako borondaterik. Akordiorik lortu ezean, iragarri dute datozen asteetan mobilizazioak areagotu ditzaketela.
Inoizko mahats bilketarik goiztiarrena egin dute Arabako Errioxan, klima aldaketak eraginda
Tenperatura altuak izan dira eta ez du ia euririk egin. Horren ondorioz, apenas egon da onddoek eragindako gaixotasunik, eta mahatsaren kalitatea "bikaina" da. Ifrentzuan, baldintza meteorologikoek alkohol graduazioa igoarazi dute; "upategian konpentsatu beharko dute hori", azaldu dute.