Bilbobuseko langileek gaur bozkatuko dute Biobide enpresak eta enpresa-batzordeak adostutako aurreakordioa
Biobide enpresako zuzendaritzak eta Bilbobusen enpresa-batzordeak aurreakordioa, lan-gatazkari amaiera emateko. Hainbat hilabetetako mobilizazioen ondoren, apirilaren 9tik greba mugagabean daude langileak.
Enpresak azaldu duenez, azken negoziazio-bileran, hainbat eskaintza eta kontraeskaintza egin ondoren, azkenean onartu egin dute sindikatuek egindako azken proposamena. Orain, langileen batzarrak eta Bilboko Udalak berretsi beharko dute aurreakordioa. Gaur egingo da bozketa, goizez eta arratsaldez. CCOO, UGT eta USO sindikatuek dute gehiengoa.
ELA eta LAB kontra
Aurreakordioak ez duela langileen erosahalmena bermatzen uste dute ELA eta LAB sindikatuek, eta ez dute ontzat eman adostutakoa. Hala, gaurko bozketan, kontra bozkatzeko eskatu diete langileei. Greba mugagabearekin jarraitzearen alde egin dute bi zentralok.
ELAren arabera, Bilbobus kudeatzen duen enpresak "berriro ere langileen arazoari heltzeko borondaterik ez duela erakutsi du".
Sindikatuak adierazi du plantillari planteamendu horren aurka bozkatzeko eskatuko diola, eta mobilizazioekin jarraituko dutela "KPIren soldata-igoerak lortzeko, lanaldi partzialeko kontratazioarekin amaitzeko eta murriztutako eskubideak berreskuratzeko".
Ildo beretik mintzatu da LAB ere. Langileek azken urteotan galdutako erosahalmena ez dela berreskuratuko akordio honekin uste du sindikatu abertzaleak, eta enpresak mahai gainean jarritako azken proposamenarekin alderatuta aurrerapauso gutxi ikusten ditu.
Adostutako neurriak
Aurreakordioaren arabera, Bilbobuseko 600 langile ingururen soldata-igoera funtzio publikoan aplikatzen denaren parekoa izango da. CCOOko iturriek esan dute 2022rako eta 2023rako funtzio publikoaren soldata-igoera gehi % 4 hitzartu dela. 2024, 2025 eta 2026 urteetako soldata igoerak ere, sektore publikoan adostutakoak izatea jaso dute akordioan.
Egoera zaurgarrienean dauden langileen egoera hobetzeko neurriak ere adostu zituzten aldeek. Besteak beste, % 62ko lanaldia zuten langileek lanaldi osora igarotzea, eta "horien hutsunea" behin-behineko langileek betetzea.
Aurreakordioak aurrera egingo balu, greba mugagabea bertan behera geratuko litzateke.
Zure interesekoa izan daiteke
Euskadik 407 milioi euro jasoko ditu Estatutik mendekotasun sistema finantzatzeko 2027an, duela hiru urte baino bi aldiz gehiago
Akordio berriak bermatzen du Estatuak gastuaren % 50 finantzatuko duela, eta ekarpen hori "babestuta" geratuko da etorkizuneko lege aldaketen aurrean.
EAEk urtean 250 milioi euro gehiago jasoko ditu Espainiako Gobernutik, mendekotasun arreta finantzatzeko
Kontzertu Ekonomikoaren Batzorde Mistoak aho batez onartu du EAEko Autonomiaren Aldeko eta Mendekotasunari Arreta Eskaintzeko Sistemaren finantzaketa osagarriari buruzko akordioa. Horren arabera, Araban, Bizkaian eta Gipuzkoan erakunde publikoek mendetasun sistemara bideratutako gastuen % 50 Estatuak ordainduko du datorren urteko urtarrilaren 1etik aurrera.
Pello Igeregi, ELA: "Absentismoa Euskal Herrian % 0koa da; ez dago absentismorik"
Enpresek ezartzen dituzten lan baldintzek, prebentzio faltak eta osasun publikoaren ahultzeak langileen osasun egoera nabarmen okertu dutela salatu du ELA sindikatuak. Hego Euskal Herrian "absentismoa ehuneko zerokoa" dela esan du Pello Igeregi ELAren Lan Osasuneko arduradunak, eta langileak kriminalizatzea leporatu die Alderdi Popularrari eta Confebaski.
EAEko familien gastua % 7 hazi da, garraioan eta osasunean izandako hazkundearen ondorioz gehienbat
EUSTATen arabera, 2025ean EAEko familiek, batez beste, 38.800 euro gastatu zituzten, eta kopuru horretan etxebizitzak hartu zien gastuaren herena baino gehiago (% 34,5).
Prezioen indizea % 0,8 igo da EAEn eta % 0,4 Nafarroan ekainean
Kontsumo Prezioen Indizearen (KPI) urtearteko tasa % 3,2koa da EAEn (hirugarren hilabetez jarraian), eta % 2,7koa Foru Erkidegoan, Espainiako Institutuak asteazken honetan argitaratutako datuen arabera.
ELAk eta LABek elikadura-merkataritzako grebak jarraipen zabala duela nabarmendu dute
Sindikatuek salatu dutenez, patronalak eta kate handiek probintzia-hitzarmen propioak edukiz hustu nahi dituzte eta estatu-esparru prekarioagoa inposatu.
Hamar enpresak Tubos Reunidosi buruzko informazioa eskatu dute, konkurtso-administratzaileak jakinarazi duenez
Konkurtso-administratzaileak jakinarazi die Trapagarango lantegiak "azarora arte ekoizpena nahiko ziurtatuta" duela.
Ontzi nautiko elektriko eta deskarbonizatuak sortzeko industria-sektorea izango du Euskadik
Proiektuak 71 lanpostu sortuko ditu zuzenean, eta 120 inguru zeharka. Dena ondo bidean, hiru urteren buruan oso-osorik Euskal Autonomia Erkidegoan diseinatu eta fabrikatutako ontzi elektrikoen belaunaldi berri bat merkaturatuko da nazioartean.
?fmt=webp-alpha&qlt=80)
Tubos Reunidoseko lan-egutegiak legezko prozedura jarraitu gabe aldatzen saiatzea salatu du ESK sindikatuak
Horren arabera, altzairutegian aritzen diren beharginek arratsaldez edota gauez bakarrik lan egin beharko lukete. ESK sindikatuak uste du neurri horrek eragin negatiboa izango lukeela kaltetutako langileen atsedenean zein osasunean.
Jaurlaritzak uko egin dio Osasun Kohesiorako Funtsari 51 milioi ordaintzeari, "neurriz kanpoko" kopurua dela iritzita
Alberto Martinez Osasun sailburuak egungo konpentsazio-sistema berrikustea eskatu du. "Arau argiak, babes nahikoa eta irizpide homogeneoak lurralde guztientzat", esan du.