Leioako errepidea estaltzeko lanak udaberrian bukatzea espero du Bizkaiko Foru Aldundiak
Leioako errepidean egiten ari diren lanak uste baino azkarrago doaz, eta, Bizkaiko Foru Aldundiaren arabera, estalkia jartzeko obrak aurreikusitakoa baino urtebete lehenago amaituko dira. Udaberrian bukatzea espero dute. "Borondatea eta prestutasuna" egon direla esan du Carlos Alzaga Bizkaiko Azpiegituretarako eta Lurralde Garapenerako foru diputatuak.
Radio Euskadiko "Cronica de Fin de Semana" irratsaioan egindako elkarrizketa batean adierazi duenez, "estalkia amaitu gabe ere, Leioako errepidearen inguruan zarata 30 dezibel murriztu da".
Horrela, bizilagunak hasi dira Leioan zarata zertxobait jaitsi dela somatzen, horietako batzuek ETBko kameren aurrean azaldu dutenez. Urte askoan, gau eta egun, autoen joan-etorrien zaratarekin bizi izan dira, eta azken urtebetean errepidea estaltzeko lanak gehitu zaizkio horri. Lanak amaitzen direnean, egoera "asko hobetzea" espero dute batzuek, baina obra "partxe bat" dela uste dute beste batzuek.
Dena estali ondoren hasiko dira errepideari irabazitako 10.000 metro karratuak atontzen. Ingurua herritarren aisialdirako egokituko dute orduan. Lan horiek udan bukatzea espero da.
Bestalde, Alzagaren esanetan, "hobetzeko tartea" dago, besteak beste, Lea Artibain, baina martxan dauden proiektu nagusiak defendatu ditu, Leioako errepidearen estalkia eta ibai azpiko tunela, besteak beste.
Foru diputatuak jakinarazi duenez, alegazioen bi heren ibai azpiko tunelaren proiektuarekin lotutakoak dira. Dena den, datorren urtearen hasieran obrak lizitatzea espero dutela adierazi du.
Gainera, merkantzia-kamioientzako bidesariak ezartzea justifikatu du Alzagak, "herritarrei eta garraiolariei onurak ekartzen dizkietelako".
Zure interesekoa izan daiteke
Kutxa Fundazioak Elgoibarko Geminis enpresa erosi du
Lehendik erosita zuen Itziarko Gurutzpe enpresarekin batzea da operazioaren asmoa, talde indartsu baten bidez nazioartean lehiatu ahal izateko. Guztira 70 milioi euro fakturatzea espero dute.
Medikuek "benetako negoziazioa" eskatu dute, "greba mugagabea saihestu" nahi bada
"Lanbidearen garrantzia eta berezitasuna onartua izan arte", mobilizatzen jarraituko dutela ziurtatu du Euskadiko Medikuen Sindikatuak.
Deustobarometroaren arabera, etxebizitza da oraindik ere kezka nagusia Euskadin, eta galdetutakoen % 47k uste dute euskara eskakizunak gehiegizkoak direla enplegu publikoan
Etxebizitza da Euskadin kezka nagusia, eta osasun arloak garrantzia hartu du berriz herritarrak gehien kezkatzen dituzten arazoen artean. Deustobarometroak, gainera, euskararen egoerari, bizitzaren kostuarekiko kezkari eta etorkizuneko Estatutuan zerbitzu publikoak blindatzeari buruzko kezkak islatzen ditu.
Abian da Osakidetzako inoizko lan eskaintzarik handiena: 100.000 hautagai 3.700 lanpostutarako
Bederatzi kategoria profesionaletarako azterketak egingo dira BECen: Administrazioko eta kudeaketako goi mailako teknikaria, Fisioterapeuta, Laborategiko teknikari espezialista, Zeladorea, Erizaintzako laguntzailea, Zerbitzuetako langilea, Erizaina, Administrazioko laguntzailea eta Administraria.
Albiste izango dira: Saretzen mugikortasunari buruzko azterlana, Osakidetzako inoizko LEP handiena eta "Mitoaroa III"
Gaurkoan Orain-en albiste izango direnen laburpena, bi hitzetan.
Nafarroak etxebizitza berrien stocka agortu zuen 2025eko amaierarako, eta Euskadik % 0,23ra murriztu zuen
Urte amaieran, 2.502 etxebizitza zeuden saldu gabe Euskal Autonomia Erkidegoan (EAE). Espainiar Estatuan, berriz, saldu gabeko etxebizitza berrien stocka 452.670 etxebizitzakoa izan zen.
Zabalik dago Tubos Reunidos erosteko interesa agertzeko epea
Hartzekodunen konkurtsoa kudeatzen duen epaileak erosketa-prozesua aktibatu du eta konkurtso-administratzaileak prozesua bideratzeko jarritako arauak onartu ditu. Lehentasuna ematen dio talde osoa saltzeari.
Ekitaldi eta ikuskizunetako teknikariek greba egingo dute berriz
“Patronalaren pasibotasunaren aurrean”, maiatzaren 15ean egin zuten bezala, greba egingo dute Bilbao BBK Liveko zein Gasteiz, Donostia eta Bilboko jaietako egun banatan.
Pirinioetako abeltzainek hartzak zaintzeko eskatu dute, horien kopurua abeltzaintza estentsiboarekin "bateragarria" izan dadin
Ezkaroze eta Aribe herrietan, etxeetatik gertu dauden eremuetan, bi hartz ikusi dituzte asteburuan. Hartza hain gertu izateak kezka zabaldu du inguruko abeltzainen artean, abere taldeetan zer ondorio izango dituen beldur.
Tubos Reunidosko langileen batzordeak konpainiaren jarraipena bermatzeko eskatu du Diputatuen Kongresuan
Amurrioko lantegiko beharginen ordezkariak Diputatuen Kongresuko hainbat talderekin bildu dira, tartean Podemos eta EH Bildurekin, legez besteko proposamen bat aurkezteko. SEPIren zorra akzio bihurtzea eskatu dute, jarduera eta enplegua bermatzeko, hala nola plan industrial bat eta bankuei laguntzeko neurriak hartu ditzatela, besteak beste, BBVAri, akziodun eta hartzekodun gisa. Tubos Reunidosek 263 milioi euroko zorra duen hartzekodunen konkurtso bati aurre egin behar dio.