Eusko Jaurlaritza eta La Pau enpresa gaur bilduko dira anbulantzia zerbitzuan dauden arazoak aztertzeko
Eusko Jaurlaritzako Osasun Sailak eta La Pau enpresaren zuzendaritzak bilera egingo dute gaur, anbulantzia zerbitzuaren arazoak aztertzeko.
Arabako eta Bizkaiko anbulantzietako zerbitzuan sortutako arazoak azaroaren 30erako konponduta izatea espero du Eusko Jaurlaritzak, zerbitzua berriro lizitaziora aterata eta esleipena lortzen dutenei baldintza "zorrotzagoak" ezarrita.
Gaur egun, La Pau enpresak kudeatzen ditu programatutako eta larrialdietako anbulantziak Bizkaian eta Araban. Lorea Bilbao Administrazio eta Finantzaketa Sanitarioko sailburuordeak agerraldia egin zuen atzo goizean Eusko Legebiltzarrean, EH Bilduk eskatuta, Araba eta Bizkaiko anbulantzia zerbitzuan egun dauden arazoen berri emateko. Azaldu zuenez, uztailaren amaieratik egoerak okerrera egin du Kataluniako enpresan eta nomina batzuk ordaintzeko arazoak izan ditu.
Sailburuordearen arabera, La Pauk zerbitzu batzuk ez ditu behar bezala eman edo, kasu batzutan, ez ditu eman eta horregatik eta kontratuan ezarritako baldintzak ez betetzeagatik zigorrak ezarri dizkio Jaurlaritzak.
Halaber, bilera horretan enpresari galdetuko diote ea zerbitzua emateko baldintzak betetzen dituen eta langileen soldata igoerak ordaintzeko moduan dagoen. Horrez gain, Euskaditik alde egiteko eta Osakidetzarekin dituen kontratuak bertan behera uzteko asmoa duen ala ez argitzeko eskatuko diote.
Bilera horretan ezustekorik izan ezean, zerbitzua beste enpresa batzuek eskainiko dutela aurreratu zuen sailburuordeak.
Bestalde, aurrerantzean, Osakidetzak eskainiko du Gipuzkoako Bizi Euskarri Aurreratuko anbulantzien zerbitzua, Araban eta Bizkaian egiten den bezala. Gaur egun, enpresa pribatu batek ematen du zerbitzua Gipuzkoan.
Zure interesekoa izan daiteke
CEBEKen ustez, lan-gatazkak "gizartearen aurrerabidearen aurkakoak dira"
CEBEK Bizkaiko patronalaren presidenteak, Guillermo Bucesek, lan-gatazkak "gizartearen aurrerabidearen kontrakotzat" jo ditu, eta sindikatu guztiei dei egin die enpresaburuekin eser daitezen haien arteko harreman-eredua aldatzeko.
ELA, LAB eta ESK Tubos Reunidoseko langileekin bilduko dira ostiralean
Batzarraren helburua da langile guztiei egoeraren balorazioa helaraztea eta greba mugagabeak eta hartzekodunen konkurtsoak markatutako aro berri honetarako jarduera-ildoak ezartzea.
Interinok Taldeak kalte-ordainen bidea ireki izana kritikatu du
Gorenak behin-behineko kontratazioan abusua jasan duten langileek kontratu finkoak lortzeko oposizioa gaindituta izatea beharrezkotzat jo ondoren, Egoitz Markaida Interinok Taldearen bozeramaileak adierazi du langile horiek lanpostua eskuratzeko baldintzak bete zituztela, eta, ondorioz, finko egin behar direla uste du.
Espainiako Gobernuak Tubos Reunidosen bideragarritasuna bilatzeko "bide guztiak" aztertuko dituela ziurtatu du Cuerpok
Josu Estarrona EH Bilduren senatariak egindako galderari erantzunez, Carlos Cuerpo Gobernuko lehen presidenteorde eta Ekonomia ministroak adierazi du Gobernuak "datozen asteetan" aztertuko duela Tubos Reunidosen egoera. Izan ere, gaur egun hartzekodunen konkurtsoan dago, eta konpromisoa hartu du "bide legal guztiak" aztertzeko, "estrategikotzat" jotzen duen enpresaren bideragarritasuna bilatzeko asmoz.
Nola eska dezaket emantzipaziorako dirulaguntza?
23 eta 29 urte bitarteko gazteek Emantzipa dirulaguntza eska dezakete gaurtik aurrera.
Epaileak Tubos Reunidosen konkurtso-administratzailea, enpresa eta sindikatuak deitu ditu hilaren 26rako
Tubos Reunidos taldeko zazpi sozietate borondatezko hartzekodunen konkurtsoan deklaratu ditu Gasteizko epaitegi batek, eta PKF Attest Concursal SL Profesional izendatu du konkurtso-administratzaile.
Gorenak ebatzi du behin-behinekotasunaren abusua jasan duen langileek oposizioa gaindituta izan beharko dutela plaza finkoa lortzeko
Gorenaren argudioa da oposizioa gainditu ez duten langileak finko egiteak Konstituzioa eta Langile Publikoen Estatutua urratuko lituzkeela.
Tubos Reunidosen zuzendaritzak autobusak jarri ditu, lanera itzuli nahi duten langileentzat
Greba mugagabearekin ez jarraitzea eta lanera itzultzea erabaki duten langileen eskariari erantzunez, langileak autobusez joan ahal izango dira Amurrioko lantegira. Pasa den ostegunean, 232 langilek greba amaitzearen eta berriro lan egitearen alde bozkatu zuten, ELA, LAB eta ESKk ordezkatutako gehiengoaren iritziaren aurka.
Langile bat larri zauritu da tren batek harrapatuta, Manzanosen (Araba)
Tren-zirkulazioa eten egin da, baina pixkanaka bere onera itzuli da 16:00ak alderako.
Murgan zabaldutako lantegi berriarekin hirukoiztu egingo dute Etorki eta Lana enpresek zur zerratuaren ekoizpena, eta 100 lanpostu sortuko dituzte
Etorki eta Lana kooperatibek aurten erabaki dute bat egite, guztira 300 langile baino gehiago dituzte eta 150 milioi euroko fakturazioa dute. Lantegiak 12,8 milioi euroko laguntza izan du Eusko Jaurlaritzarentzat, inbertsioaren % 20.