179 milioi euroko isuna ezarri diete Ryanairri eta beste lau hegazkin konpainiari, abusuzko jardunbideengatik
Espainiako Kontsumo Ministerioak 179 milioi euroko isuna ezarri die kostu baxuko bost aire konpainiari —Ryanair, Vueling, EasyJet, Norwegian eta Volotea—, bezeroen aurkako abusuzko jardunbideengatik (kabinako maleta kobratzeagatik edo haurrei edo mendeko pertsonei laguntzeko asmoz eserlekuak elkarren ondoan erreserbatzearen truke kobratzeagatik).
Zigorrik handiena Ryanair konpainiarentzat izan da (107,7 milioi euro), Vueling (39,3 milioi), Easyjet (29,1 milioi), Norwegian (1,6 milioi) eta Volotearen aurretik (1,2 milioi), Kontsumo Ministerioak emandako datuen arabera.
Kontsumo alorrean Estatuko Administrazio Nagusiak oso larritzat jotako zigorrei irmotasuna ematen zaien lehen aldia da. 2022ko ekainaz geroztik zigorrak ezartzeko eskumena dauka Kontsumo Ministerioak.
Halaber, abusuzko jardunbideekin jarraitzea debekatzen diete.
Zehazki, hauek dira zigortu dituzten praktikak: eskuko maleta kabinan eramatearen truke dirua kobratzea, haurrei eta mendeko pertsonei eserlekua aukeratzeagatik kobratzea eta eskudirutan ordaintzen ez uztea Espainiako aireportuetan.
Horrekin batera, bidaia txartela inprimatzearen truke kobratzeagatik zigortu dituzte, eta Ryanairren kasuan, aireportuan bidaia txartela inprimatzeagatik kobratzeagatik.
Kontsumo eta Jokoaren Idazkaritza Nagusiak duela hilabete batzuk proposatu zituen zigor zehapenak, eta, orain Kontsumo Ministerioak atzera bota ditu bost konpainia horiek jarritako gora jotzeko errekurtsoak.
Hala ere, bost konpainia horiek administrazioarekiko auzi-errekurtsoa aurkeztu dezakete Auzitegi Nazionalean. Bi hilabeteko epean epaitegietan helegiterik aurkezten ez badute, zigorra irmoa izango da. Ryanairrek apelazio errekurtsoa iragarri du, "legez kanpoko eta funtsik gabeko" jo dituen isunen kontra. Konpainiaren arabera, Ryanairren maleta politika ontzat eman dute Espainiako eta Europar Batasuneko auzitegiek hainbat aldiz.
Zure interesekoa izan daiteke
Ekialde Hurbileko gatazkak piztutako ziurgabetasunaren aurrean bilduko da gaur Industria Defendatzeko taldea
Zamudioko Parke Teknologikoan egingo dute bilera, eta bertan izango dira Eusko Jaurlaritzako ordezkariak, enpresak, klusterrak eta beste hainbat eragile. Energiaren prezioen gorakadak euskal industrian izan dezakeen eragina aztertzea eta neurriak lehenbailehen hartzea izango dute helburu.
Mercedesen VLE berria Gasteizen fabrikatuko dute
Mercedes Benzek monobolumen VLE ibilgailu berria aurkeztu du astearte honetan Stuttgarten (Alemania). Erabat elektrikoa da eta Gasteizko lantegian egingo dute.
'Bizkaia Crowdlending': Bizkaiko enpresa txikiek diru iturri gehiago izan dezaten finantzazio sistema berria
Bizkaiko enpresa txikiek diru iturri gehiago izan dezaten finantzazio sistema berri bat jarri dute martxan Foru Aldundiak eta Elkargik. Herritarrek aukera izango dute enpresa txikiak arriskurik gabe finantzatzeko. Izan ere, ekarpenek Elkargiren berme osoa izango dute.
Brentaren prezioa 90 dolarretik jaitsi da agintariek Irango Gerrari buruz egindako adierazpenen ondotik
Bezperan, petrolio upela 120 dolarrera iritsi zen, baina Trumpek Irango gerra "ia amaituta" zegoela esan ostean, prezioek beheranzko bideari ekin zioten eta 86 dolarren bueltan geratu da. Gas naturalaren eta elektrizitatearen merkatuak ere lasaitzen ari dira; gasa ia % 9 jaitsi da eta elektrizitatearen prezioa % 24 murriztuko da asteazkenean.
Aurreakordioa lortu dute eskola jangeletako negoziazioan, eta greba deialdia bertan behera geratu da
LABek jakinarazi duenez, "lan, soldata eta gizarte arloko hobekuntza garrantzitsuak" jasotzen ditu akordioak, eta "lorpen historikoa" da. Bere aldetik, ELAk aurreratu du ez duela sinatuko ituna, "langileek eskatutako gutxienekoak betetzen ez dituelako".
Erregaien prezioen igoera gainbegiratzen ari da Espainiako Gobernua, arau-hausterik izan den argitzeko
Facua kontsumitzaileen elkarteak salatu du Irango gerra baliatzen ari direla gasolindegiak, prezioak puzteko. Jokabide "espekulatibo" horren aurrean, esku hartzeko eskatu dio Espainiako Gobernuari.
Imanol Pradales, Hithium enpresari buruz: "Nafarroarako ona dena gure herrirako ona da"
Pradales lehendakariak publikoki zoriondu ditu Maria Chivite presidentea eta Irujo sailburua, nahiz eta aitortu Eusko Jaurlaritzak ere lan handia egin duela Hithiumen proiektua Euskadira erakartzeko. Nafarroa aukeratzea "oso albiste ona" dela esan du, eta gogorarazi du "Europako beste edozein tokitan" lur har zezakeela.
EAEko automobilgintza sektoreak 24.853 milioi euro fakturatu zituen 2025ean, aurreko urtean baino % 1,9 gutxiago
Euskadiko automobilgintza klusterrak (Acicae) jakinarazi duenez, emaitza horiek etorri dira EAEk presentzia handia duten zenbait merkatutan, hala nola Europan eta Ipar Amerikan, ibilgailuen ekoizpena gelditu egin delako.
Talgok 200 langile kontratatzeko prozesua abiatu du Araban
Erdi-mailako edo goi-mailako profil industrialeko langileak eta ingeniariak kontratatuko ditu enpresak. Egun 700 behargin inguru dituen Ribabellosako lantegiaren gaitasun industriala handitu nahi dute, sei mila milioi euroko eskaera-zorroari aurre egiteko.
Iñigo Ansola: "Poztu egiten nau inbertsio handi bat Euskal Herrira etortzeak"
Txinako Hithium Energy enpresak Euskadira etortzeko asmoa alde batera utzi eta Nafarroaren alde egin duela jakin ostean, Bizkai Buru Batzarraren presidente Iñigo Ansolak esan du ez dela sartuko lurraldeen arteko lehian. Nafarroagatik pozten dela adierazi du, Txinako enpresa Foru Erkidegoan egoteak EAEn ere eragin positiboa izango duela uste duelako Ansolak.