Historiako Gabonik garestienak: Zer egin gutxiago gastatzeko?
Espainiako Kontsumitzaileen Elkarteak (ASESCON, gaztelaniazko siglak) historiako Gabonik garestienak izango direla aurtengoak jakinarazi du. Azken asteetan egindako inkesta baten emaitzen arabera, batez beste, 1.081 euro gastatuko ditu Estatuko biztanle bakoitzak eta lehen aldiz, 1.000 euroko langa gaindituko dugu.
Gastu horren zatirik handiena oparietan joango da ASESCONen arabera (427,79 €). Alabaina, gastu honen igoera, hein handi batean, otorduetan gastatuko denaren (286,98 €) ondorio izango da. Izan ere, erosketa saskia etengabe igotzen aritu da azken aste eta hilabeteetan.
Kontsumitzaileen eta Erabiltzaileen Elkarteak (OCU, gaztelaniazko siglak) abendu hasieran argitaratutako ikerketa baten arabera, Gabonetako saskia % 5,2 garestiagoa da aurten.
Hain zuzen ere, Eguberrietan "ohikoak" diren hainbat produktu aztertu ditu eta horietako hamar garestitu egin direla zehaztu du: ostra (% 19), granada (% 17), esneko arkumea (% 16), lupia (% 12), urdaiazpiko iberikoa (% 11), bisigua (% 10), anana (% 10), angula (% 9), Galiziako lanpernak (% 8) eta txahal-biribilkia (% 6).
Horietako batzuk, gainera gehiengo historikoetan kokatu dira:
Izan ere, azken hiru urteetan erosketa saskiko produktu ia denek igoera nabarmenak izan dituzte Estatuko Estatistiken Institutuaren (INE, gaztelaniazko siglak) datuen arabera, baita Eguberrietan etxe askotako menuan egon ohi diren hainbat produktuk ere. Hala ere, igoera handienetakoa etxe gehienetan egoten diren bi produktu oinarrizkok izan dute: patatek (% 44) eta arrautzek (% 37).
Nola aurreztu otorduetan?
Ia denak gora egin badu ere, hainbat produkturen prezioak behera egin du azken hilabeteetan, frutarenak (% 4,4 uztailetik) edota oliba olioarenak (% 14 maiatzetik) esate baterako.
Hala ere, Gabonetako ohiko produktuetan ez dela halakorik geratzen azaldu digu Uvesco taldeko marketing arduradun Pedro Galdos Ayastuyk. Bere iritzian, otordu ekonomikoagoak egiteko moduak bi dira: erosketak aurreratzea eta eskaintzei adi egotea.
Zure interesekoa izan daiteke
Lekeitioko arrantzale bat hil da Senegalgo uretan
Bermeoko ATUNSA enpresako langilea zen. LAB sindikatuaren esanetan, "heriotza ez traumatiko" gisa sailkatu dute, eta enpresa horretan aurten izan den bigarren heriotza ez traumatikoa izan dela salatu du.
Pakistandarrak lanean esplotatzeagatik ikertutako hiru pertsonak aske utzi dituzte, Espainiatik irtetea galarazita
Ikertuek epailearen aurrean ez deklaratzeko eskubideari heldu diote, eta epaileak pasaportea kentzea eta hileko lehenengo egunean eta hamabosgarrenean epaitegian agertzea agindu du.
A-15 autobidea osorik zabalduko dute igandean, tunelak egokitzeko lanak guztiz amaitu ostean
Asteburuan behin-behineko seinaleak eta obrako gainerako elementuak kenduko dira eta, lanak bukatzeko, Andoain eta Berastegi artean itxita egongo da errepidea, ostiral gauetik igandera bitarte.
Iberdrolak 125. urteurrena ospatu du Bilbon, begirada "argindarraren aroan" jarrita
Iberdrolak bere 125. urteurrena ospatu du astearte honetan, Bilboko egoitzan. Erakundeetako eta enpresa munduko ordezkariak bildu ditu ekitaldiak, eta konpainiaren historia gogora ekarri dute. "Argindarraren aroa" deiturikoan jarri dute etorkizunerako begirada. Bere hitzartzean, Ignacio Sanchez Galan Iberdrolaren presidenteak esan du "euskal sustraiak" inoiz galdu ez dituen "proiektu integratzaile baten emaitza" dela gaur egungo konpainia.
Tubos Reunidosen interesa duten "inbertsore berriak" daudela dio Jauregi sailburuak, baina oraindik ez dago "proposamen zehatzik"
Mikel Jauregi Eusko Jaurlaritzako Industria, Trantsizio Energetiko eta Jasangarritasun sailburuaren hitzetan, Tubos Reunidosen zorra berregituratu eta langileak lanera itzuli izana funtsezko bi baldintza izan dira "inbertitzaile berriak erakartzeko".
Papresak erosteko eskaintza bakarra jaso du: CL Grupo Industrialek aurkeztu du proposamen loteslea
Papresa hartzekodunen konkurtsoan sartu eta lehen asteetan balizko iteresdun gehiago zeudela aditzera eman bazen ere, euskal talde bat barne, ez dira eskaintza gehiago aurkeztu ezarritako epearen barruan; CL Group enpresak (Cristian Layri lotutakoa) bakarrik egin du hura erosteko eskaintza loteslea.
Eusko Jaurlaritzak onetsi egin du Aiaran baterien biltegi bat eraikitzeko proiektua
Arena Green Assest 4, SLUren "PB Navegantes 31" proiektuak 23 milioi euroko aurrekontua du eta 30MW-ko potentzia instalatua, 20 oineko neurriko edukiontzietan dauden 18 biltegiratze unitaterekin, kontrol eta monitorizazio sistemak integratzeko.
Astigarraga, etxebizitza garestien dagoen Gipuzkoako hirugarren herria
Prezioa % 55 igo da 4 urtetan eta metro koadroa 5.228 eurotan saltzen da. Donostiaren eta Zarautzen atzetik, udalerririk garestiena da.
Monica Garciak uste du sindikatu mediku batzuek grebari eusteko aparteko interesa dutela
Espainiako Osasun ministroaren ustez, "mediku sindikatu batzuek pizgarriren bat dute gatazkari eusteko, eta Estatutu Markoak dakartzan hobekuntzak sektoreko profesionalengana iristea saihesteko edo atzeratzeko". Era berean, Aragoi, Nafarroa, Kantabria, Asturias eta Galiziako erkidegoek grebari amaiera ematea lortu dutela nabarmendu du, eta gainerako erkidegoei "euren lana egiteko" eskatu die, "profesionalen lan-baldintzak eskumen autonomikoen menpe daudelako".
Kalera atera dira berriro medikuak, protesta egitera, urteko laugarren greba astearen hasieran
Donostia Ospitaleko anestesista Elena del Valek kazetarien aurrean hitz egin du protestetako batean, eta ziurtatu du "itxaropentsuago" daudela, Euskadiko Medikuen Sindikatuaren bitartez, Osakidetzarekin bilerak hasi dituztelako, eta "badirudielako", aldarrikapenetako batzuk negoziatzen hasiko direla.