Pentsioen dekretua indargabetuta jarraituz gero, pentsiodunak kalera aterako dira otsailaren 22an
Jon Fano Euskal Herriko Pentsiodunen Mugimenduko bozeramaileak iragarri duenez, Estatu osoko pentsiodunak otsailaren 22an mobilizatuko dira, Espainiako Gobernuak pentsioak igotzeko dekretua indargabetzen ez badu.
Bilbon hedabideei egindako adierazpenetan, Fanok "oso larritzat" jo du PPren, Voxen eta Juntsen jarrera, dekretu horren aurka bozkatu baitzuten. Era berean, deitoratu du beste hainbat hobari ere gelditu direla bertan behera, hala nola garraiorako laguntzak luzatzeko aurreikusita zeuden neurriak, pertsona kalteberentzako hornidurak eta etxegabetzeak eteteko debekua.
Gainera, pentsiodunen ikuspuntutik deitoratu du ezin izan direla egikaritu "pentsio orokorren % 2,8ko igoera, gutxieneko eta kotizazio gabeko pentsioen % 6ko igoera eta Bizitzeko Gutxieneko Diru-sarreraren % 9ko igoera".
Atzo Kongresuan egindako bozketan gertatutakoa "benetan kezkagarria" dela esan du, baina Sanchezen Gobernuak "egoerari buelta emateko berehalako neurriak" hartuko dituela espero du.
Hori egin ezean, ohartarazi du Euskal Herriko Pentsiodunen Mugimenduak, Estatu osoko pentsiodunen beste plataforma eta mugimendu batzuekin batera, mobilizazio "garrantzitsuak" deituko dituztela otsailaren 22an, baldin eta "otsailaren 20rako erantzun positiborik ez badago" pentsioen igoera bermatzeko.
"Garrantzitsuena da gobernuaren eta beste indar batzuen aurrean argi uztea egoera horri buelta ematea lortu behar dutela, eta, hala egiten ez badute, otsailaren 22an kalean izango garela", berretsi du. Hala, azaldu du otsailaren 20ra arte itxarongo dutela, "otsaileko pentsioa ordainduta egongo den ala ez ziurtatzen den eguna delako, gutxi gorabehera".
Horrela, tarte bat emango dute "benetako borondaterik eta erantzukizunik egon den ikusteko, lege-dekretu bidez edo egokitzat jotzen duten beste modu batzuen bidez, jada aplikatzen ari zena berrezartzeko".
Azkenik, salatu du "apur bat tristea" dela, eta "haserrea" eragiten duela, "alderdikeriak eta interes hutsak direla eta, pentsioak eta beste gai batzuk trukerako bidean jartzea".
Zure interesekoa izan daiteke
Abeltzainak haserre, Bazka Mahaia irailera atzeratu duelako Jaurlaritzak
Eusko Jaurlaritzak bazkaren beharrei buruz egindako inkestan 435 ustiategiren erantzunak jaso ditu eta horiekin hartuko ditu erosketa bateratuaren kopuruari eta hornitzaileei buruzko erabakiak. UAGAk eta ENHEk lan egiteko modu eraginkorragoak eskatu dituzte. Hala ere, guztiak ados daude, etorkizunera begira bazkari buruzko plangintza bat behar dela esatean.
Hoteletako sarrerak % 7,7 igo dira uztailean EAEn, eta gaualdiak % 6,7
Sarrera guztien % 58,8 eta gaualdien % 59,9 atzerritar jatorriko pertsonenak izan ziren, 2025eko uztailean baino % 11,1 eta % 11,7 gehiago, hurrenez hurren.
Txakolinaren mahats-bilketa aurreratu dute, beroagatik
Txakolinaren mahats-bilketa ohi baino lehenago hasiko da beroaldien ondorioz. Ekoizleen arabera, data hauek ez dira ohikoak mahats-bilketari ekiteko. Etengabe egiten dituzte analisiak mahastietan, mahatsak azukre eta garraztasun puntua noiz hartuko dituen zehatz-mehatz jakiteko, eta biltzeko une egokiena heldu da.
Bazka eroste bateratua eta lehorte deklarazioa berehala gauzatzeko eskatzen dute abeltzainek
Bi aste dira Bazka Mahaia elkartu eta erakundeek hainbat konpromiso hartu zituztela. Abeltzain asko euren kontura belarra eta lastoa erosten hasi dira, eta erakundeei neurriak berehala hartzeko deia egin diete.
Euskotreneko langileek Bilboko tranbian zezenketen publizitatea jarri izana salatu dute
Arriaga plazan gaur goizean egindako elkarretaratzean, Euskotreneko langileek balio publikoekin koherentea den eta animalien ongizatea errespetatzen duen publizitatea exijitu dio enpresari.
Mingain urdin kasu bat atzeman dute Barrundiako artalde batean
Gaitzaren aurka txertatutako 200 ardi baino gehiagoko artalde bateko animaliak eman du positibo mingain urdinaren 3. serotipoan.
Eusko Jaurlaritzak Administrazio Orokorreko 461 lanpostu betetzeko EPEan izena emateko epea ireki du
Izen-emate telematikoa irailaren 16an amaituko da, eta lehen azterketak 2027ko urtarrilean egitea aurreikusi da.
Milioi bat euroko zigorra ezarri diote AVIS enpresari, trafiko isunengatik bezeroei kudeaketa gastuak kobratzeagatik
Autoak alokatzen dituen enpresak 33,88 eta 45 euro arteko errekargua aplikatzen du isunaren ordainketa kudeatzeagatik eta administrazioari arau-hauslearen nortasuna jakinarazteagatik.
51 urteko langile bat hil da Iurretan, paper-enpresa batean
Sorospen-dispositiboan parte hartu duten Ertzaintzako bi agente bertan artatu behar izan dituzte osasun-langileek, isuritako gasak arnastuta intoxikatu baitira.
Sopela eta Urduliz bizitegi-merkatuko gune tentsionatu izendatu ditu Eusko Jaurlaritzak
Bizkaiko bi udalerriek urtarrilean eta otsailean eskatu zuten izendapena, eta hiru urteko hasierako indarraldia izango du, luzatzeko aukerarekin.